咖哩速遞

营业中

休息中

在外賣apps見到這店，試過幾次都唔錯。當中以咖喱角最出色，每次必食。$27有3大隻，超多的饀料包括薯仔和雜豆，以咖喱等不知名的惹味香料煮，口感和味道都甚有層次。外皮的厚度也適中，能中和饀料的濃味。廚房的姐姐還會問要不要辣醬。每次一打開就忍不住食左，唔記得影相...Vegetable momo是尼泊爾的餃子，除蔬菜饀還有豬、雞選項。一份有近十隻，女仔實夠飽。也是皮薄多饀，但皮的口感較軟，不及中/港式的有咬口。汁是酸辣的。還配有一碗湯，不辣的。男友食過咖喱羊，除了咖喱和飯還有兩款蔬菜的配菜。佢話好吃。應主打做外賣，因為只有三個位。

外賣自取呢度80蚊咖喱雜菜and薄餅去到見到鋪頭已經有伏味好細間，專做外賣店內牆上貼滿泛黃、長年油漬掩蓋的食物照片好大油煙衛生情況欠佳薄餅燶到一個點兩塊底面全部都燶到黑色一撻撻😢煎到咁點解會好意思俾食客？咖喱係水狀……仲要好稀好似好鹹嘅湯咁得幾粒西蘭花，幾節豆角，幾片椰菜😔😔使唔使咁冇誠意唔係印度個隻味似係罐頭楊協成個隻味仲要好鹹 冇辣味🙃🙃🙃原來呢間係尼泊爾人開80蚊食呢度我不如食個譚仔套餐加多碟土匪雞翼都仲得

咖哩角3件 $27推介，好抵食，好飽肚，薯仔好多，皮薄涵多，呢個價錢真系好平。新鮮蔬果脆米撈 $30好辣，應該有譚仔中辣，食完一啖已經冇再食，食得幾開心，好脆，料都幾多咖哩雞飯 $57好普通，冇咩特別，咖哩雞份量少，咖哩汁亦都不出眾。薯仔薄餅 $28一般般，比較淡，麵粉+薯仔，個人中意濃味d。系一間好地道既印度菜，入面得幾個位，對牆坐個種，好有feel，細細間，好多印度人幫襯。味道就5算好食，得咖哩角幾抵食。

佐敦區好多印度食品，有大的餐廳，或這些不起眼，好似好當地印度人才幫襯的小店，可能這些才吃到在地真正食品的直覺下，走進了這間小店吃一個小吃。地點：佐敦地鐵附近5分鐘內的腳程，在廟街附近。環境：店內其實得幾張椅，真係小店，不過MENU內都好多野食小試一個咖喱角小食，有3件$25蚊，即叫即炸，超熱超脆。外脆內軟的咖喱角，因為滿有薯仔，基本上內饀好軟，咖喱角味道唔太濃，亦唔辣，咖喱香唔會太嗆喉的，溫和咖喱味，大大隻其實幾飽的，最鍾意點住印度好味的辣醬嘅獨有香料，降溫之餘，甜甜香氣好夾炸物。小試也唔錯。有機會可再試下其他的食品。

係佐敦要食咖哩或者南亞野唔難，隨便一數都有十間八間 呢一間咖哩速遞，店面小，近乎無得坐既位，主力做外賣，客仔係附近既南亞人。聽落無乜賣點，但係食過幾次，發覺間店既食物其實幾好食。圖中係佢地雜菜炒飯同埋咖哩角係呢頭食咖哩既店既咖哩角都比較大隻，呢間店既咖哩角亦一樣，由於係即炸，所以咬落口好脆身，而入面好多料，薯仔蓉、雜豆同咖哩粉配合得剛剛好，味道有層次，唔會好似出面得個辣字，或者薯仔蓉炸到好似粉團咁。重點係個炒飯好難得食到色香味兼備既炒飯，文字唔係咁易去形容，但當將每食一啖都感受到飯既質感，雜菜味道，係呢度廚房炒出黎飯，有一種獨特既香味，放入口，整個飯既味道比起出面其他咖哩店既炒飯絕對贏幾條街。再加上佢地獨突既辣醬，整碟飯會升華去另一個層次，呢度既野食，對呢度住既人黎講，係珍饈。呢度食野，要忍受好逼既環境，不時有人出出入入叫外賣，唔習慣既人真係唔好黎，但如果想試隱世野食，不妨黎呢度叫個飯，坐低好好品嚐一下

四月下旬‧晴最近不約而同的遇到幾間店子不正宗的Samosa，樣子就似是港式的忍者標三角型咖哩角，有無搞錯？是日喝了酒，想吃點東西才上車，看到這裡一大盤Samosa，就買一件來吃。皮雖厚，而餡是咖哩薯仔餡。也用上香料調味，感覺不錯。六元一件，經濟抵食。至少佢唔係忍者標咖哩角。