影片
食家推介
相关文章
午餐套餐，羊肉咖喱，好浓香，冇乜油，中辣但不太辣，上枱觉得好细碗，点知都食净少少，用嚟点烤饼足够，但饭就未知，羊肉有羊味，4~5小旧，3个小薯仔。烤饼热辣辣，好软熟，有质地，有厚度，好容易黏到咖喱上烤饼，加咗芝士($16)， 有拉丝效果，芝士味唔浓，但整体好味道，好够饱。味浓但冇手尾，我用手食，手指同口同胃都冇咖喱味留低，仲有罐可乐，够冻。爽！不过餐厅冇人，得我一个，我见今日好凉爽，所以坐底食，有印度音乐播放，简单英文沟通无问题，有机会再去，试埋印度饭＆奶茶😋
继续阅读
熟食市场入面开间印度餐厅唔算好多，尤其呢个场，算系比较隐世喇。喺熟食市场食印度嘢，点都要踏出第一步去试下，返嚟嘅感觉系好值嘅，而且今后仲会成日encore𠻹！食过几次印度料理，学识咗「唔食set lunch𠮶啲咖喱是常识吧？」【 Chicken Tikka Masala 】4.5★癫覆咗一向对Masala嘅印象，平时食开嘅系偏红色带啲酸味茄味。但呢度竟然走黄姜风格出场，系第一次见。Chicken Tikka 系真系烤制过先俾你，虽然浸喺咖喱度，仍然食得到tikka风味。撇除选择喜好，就咁睇CP值呢款算系最抵食，因为起码啲鸡肉要做多层工夫。【 Butter Chicken 】4.0★牛油鸡：相信系最入门大众化最易入口嘅一款，标准橙黄色系其icon。第一次冇头绪食乜拣呢款就冇死喇。【 Saag Chicken 】3.5★蔬菜鸡：呢间注明只系Saag，即系菜（唔知同Saagwala有冇分别），但冇讲明系Palek全菠菜，味道中规中矩，有可能净用菠菜会较好味，呢款就望落靓仔开胃，都唔差啦！【 Chana Masala 】4.0★鹰嘴豆：我怀疑本地人唔多捧鹰咀豆场，但我食咖喱一定会食返次。卖相＆口味都不俗！饱肚感拍得住肉类。【 Saag Mutton 】3.0★蔬菜羊：本身唔太好羊所以唔识讲，留意到一转做「羊」，碟蔬菜色即加深颜色，明显已经唔系油绿色。虽然黑炆炆，但仍会见到有咖喱嘅黄色滴出嚟嘅。【 Saag Chicken 】(Big Spicy) 4.0★蔬菜鸡：同一款鸡（换咗兜）呢个只系提高咗辣度，但就又系变深色咗，系吊起多少少咖喱层次但卖相冇咁靓仔哈！Tandoori Chicken 3.0 ★好似略为干身咗啲＆略为冇咁惹味。⭕️呢间辣度可能都系偏向本地人口味比较轻，食得辣嘅不妨大胆叫大辣，而中辣我就觉得系基本。⭕️呢度啲咖喱份量（散叫）相信绝对足够，就算麻甩佬都冇问题。一兜一定够serve一份Naan有凸，或者仲够你净舐几口咖喱汁𠻹！基于呢个Volume，我觉得价钱非常合理。⭕️ 咖喱绝对够杰身，足够洋荵，唔会水汪汪又稀，又唔会油腻腻，真材实料。⭕️ 炒饭暂时未试⭕️ 熟食市场环境虽然好极有限，但胜在已有心理准备，而且个场午市好多铺都冇开，呢间铺又多数冇乜人实唔驶等位，具有餐厅难得嘅宁谧。而且至少台櫈够阔舒服进食，餐具有盖冚好，极少机会隔离有人或搭台。我宁愿咁样喇〜〜
继续阅读
这家印度餐厅, 十多年前我喺北角返工时已经常光顾佢地位于炮台山电气道市政大厦街市嘅总店 Clay Pot, 当时唔少报章杂志都有介绍, 除了美味嘅食物外, 佢哋亲切嘅招待亦令我难忘, 价位及招呼都极亲民, 而佢地位于葵涌和宜合道嘅分店跟总店亦系同样风格, 亦系开喺熟食中心里面, 隔咗咁多年, 上到去都仲记得我 ❤️今日午市叫了一份中辣嘅牛油鸡咖喱, Garlic Naan, 同埋一杯 Sweet Lassi。牛油鸡肉身嫩滑唔鞋身, 而且俾嘅份量亦系超多, 极之抵食, Garlic Naan 上到枱热辣辣, 而我觉得佢比附近几间本身已很出色嘅巴基斯坦餐厅嘅 Naan 厚身, 夹埋牛油鸡个咖喱来食正到痺呀！今日隔离枱有几位客人点了 Tandoori Chicken, 经过我枱时香喷喷好吸引, 所以下次再来, 同朋友食嘅话一定会叫佢哋嘅烧烤食品 😄 其实佢地午市都有提供一般嘅 lunch set 咖喱跟饭或 Naan, 不过通常这类咖喱都会相对普通及, 而饭亦不是使用长身米, 对于食有要求, 横掂嚟食就食好啲, 所以我会选择番 main menu 嘅菜式 🤤美满嘅一个午餐, 饱而不滞 👍🏻
继续阅读
今次食评真系要同大家介绍一家珍藏咗好多惊喜嘅印度餐厅，成个晚餐食到我心花怒放🌸！首先，咖喱蚬，啱啱好嘅辣度，够kick又唔会辣到饮哂整壶水。啖啖蚬肉弹牙得嚟味道香浓，我仲要专登用番脆卜卜嘅炸咖喱角去沾嗮咖架嘅汁，哗，简直系perfect match！再讲吓个咖喱羊肉条，肉质松化唔柴，咖喱味浓郁但又唔会盖过羊肉本身鲜味。烤羊膝真系畀我惊喜，外皮啖啖香脆，入口即溶，啲肉汁随住咀嚼不断溢出，款款滋味层层递进。嗌咗碗咖喱牛舌同印度烤鸡，两样都系超出预期。牛舌咬落去嘅口感细滑得黎，嚼劲充足；烤鸡嘅香料腌得入味，每一啄都系享受。而且呢家店嘅咖喱尤鱼，啱啱好嘅熟度，鱼肉雪白滑溜，吸满咖喱精华，每一咬都喊出「正！」。加埋面前𠮶碟咖喱杂菜，啲蔬菜爽口新鲜，啲咖喱味同蔬菜完美结合，真系菜式中嘅小清新。喺这间餐厅，每一味咖喱都有自己独特嘅风格，不过总之共通点就系：够味，够香，够正！下次一定要再嚟试吓更多特色印度美食，真系食得过瘾，好推介俾喜欢印度菜嘅食友！👍🍴🔥
继续阅读
今晚是Christmas 前星期五，Thank God is Friday, 来聚聚会吃吃美食🥂🌲🥳，约了朋友在公司附近吃好味印度咖哩。点了印度啤酒，咖哩羊、咖哩octopus🐙、咖喱牛舌、咖哩虾、Tandoori Chicken, Cheese 🧀 Nan、咖哩杂菜、Vegetable Samos、羊肉炒饭。五名大汉合共承惠971元、今天的消费已是十分平宜抵食，啤酒都喝了5支、大家吃吃喝喝，得大满足。吃咖哩这里是不二之选👍👍👍💯😋😋
继续阅读