咖吔

营业中

休息中

咖吔呢排成日想食喇沙，見到呢間評價都唔錯，即刻試吓海南雞飯·喇沙米線海南雞已預先拆哂骨，食落皮爽肉滑，無論點甜豉油薑蔥定係辣醬都咁出色加上油飯份量夠多，油香十足食完仲有碗迷你喇沙，有豆卜、雞蛋、魚片、蝦，最好味是煙韌的米線和濃郁、充滿椰香味的喇沙湯底。呢個價錢性價比最高！烤馬來蔥餅配咖哩蔥餅啱啱整起，非常香脆，蔥油比例啱啱好，加埋咖喱一齊食真係超正。椰子雪糕可以自選椰子，榴蓮，拉茶味最後點多個甜品街頭椰子雪糕，我個人十分喜愛椰子世界級享受，份量岩岩好。面頭有花生碎，椰子肉，加玉米！必食！新加玻菜係我近期最愛，以呢個平價新加坡菜價錢都覺得幾滿足。總括服務好，選擇多，質素高，價錢抵！#kaygorfoodie #hkig #hkfoodie #foodiehk #hkigers #hkfoodblog #hkfoodblogger #hkcatering #hkboy #followforfollowback #likeforlikes #like #instalike #likesforlike #likeforfollow #likelike #liketime #likelikeli

東港城覓食 見到呢間裝修唔錯 色彩繽紛嘅新加坡菜☺️試試佢😏 多卡位 空間感唔錯👍🏻海南雞飯拼喇沙米線有飯又有米線 適合兩人share 抵食👍🏻喇沙正常發揮🤣油飯軟身夠香🙂 海南雞都算嫩滑 都係有三款醬汁配搭烤馬拉蔥餅配咖哩份量不算太多 烤餅外脆內軟 唔係好食到蔥味配唔辣嘅咖喱 奶味重 一齊食唔錯😆新加坡鹹蛋黃雞翼超級邪惡😈超多鹹蛋黃包裹著隻雞翼☺️鹹香脆口 炸粉唔算太厚 內裡雞翼整得juicy 熱辣辣😏😏一定要share 食多太漏🤣整體食物尚可 服務都ok

好耐都冇入過黎坑口…今日就帶埋2兄弟黎食食物香辣炒飯 🔥必食🔥我同大仔真係好鐘意食炒飯，今次呢個炒飯超香！勁足料❤️個雞串都好似比以前大左👍🏻最鐘意等tea time黎食！抵食又大件🥳有好多魷魚🦑粒，好爽口啲飯炒到粒粒分明，但又唔乾身！2個仔夾手夾腳食晒成碟飯🤣馬來炒貴刁呢個都勁正啲河粉好滑有魷魚🦑爽口！唔靭👍🏻、有臘腸，甘香味撲鼻我老公話呢個一上枱就要趁熱食！好有鑊氣！鹹甜適中，食一片青瓜可以解膩喇沙摻摻話說呢個係2兄弟話食麵😂結果佢哋食左我個飯不過好彩係我食🔥因為都幾辣吓…超濃味！勁正✌🏻啲魚蛋好彈牙麵嘅份量岩岩好，食完就夠飽斑斕椰汁冰呢個好飲！超香斑斕味🙈自從第一次試，感覺係我鐘意嘅香芋雪糕味🤣一見親就要試不過呢杯冰真係好冰，飲極都仲有🤣🤣🤣溶得好慢，個溶完都唔會淡海鹽雪糕椰子珍多冰超正嘅顏色！不過個球雪糕🤣好危險⚠️撩左岀黎再食一啖先得椰青

咖吔 Kaya (將軍澳)已經食過幾次既新加坡菜，屋企人都幾鐘意呢間，菜式類別同選擇都多，價錢唔算好貴，好似仲有下午茶會仲抵食🌟班蘭咖央多士 $28多士好脆，中間夾咗中油同咖央醬，甜甜地🌟新加坡喇沙米線 $82食咗幾次，都係好啱我口味，唔會太辣，配料好足🌟老街咖喱麵 $82之前次次黎食都食喇沙米線😂今次終於試下新野原來係有兩款麵米粉+粗麵，配料有鴨肉、魷魚、豆卜、蝦、豆角、洋蔥同芽菜我覺得得都幾好食，湯底都幾重咖喱味，較喇沙湯辣少少，帶少少奶香加上其他配料，口感都幾豐富，唔知關唔關麵底有米粉，覺得麵底份量好多，細食一定食唔晒🌟椰汁芋圓 $42有椰汁、紅豆、芋圓同綠色粉條，有椰香，紅豆幾甜，但芋圓唔夠煙靭偏軟身🌟椰青 $42椰青好大粒，椰青水好清甜，食完辣野飲好正咖吔 Kaya (將軍澳)將軍澳重華路8號東港城1樓112A號舖

其實KAYA假期都有一兩枱客等開門， 坑口有開早餐唔多，經常捱到十一點先食得。有樣嘢要提，四人枱果面，其實每隔幾小時就有職員推垃圾車出嚟🤮，經理真係要諗諗計，點解其他餐廳冇呢個問題，而佢有呢個需要呢？？？同一碗大細既檳城蝦麵，早／晚餐貴好多，tea好平，而且我地諗住細碗D,點知都係原裝size😱. 豆卜，急凍蝦都沒少，不過沒鮮味。餐飲有個提議，其實用雪條棍客戶很難吉個青檸仔。餐牌欠驚喜，食多幾次其實都悶，希望再加多幾款，海南雞冇驚喜，佢仲未去到非食不可嘅地步。😏

今日喺附近打完針，諗住上載完張疫苗通行證之後，就去食少少嘢醫肚啦😆😆入去東港城分店之前，女經理叫我嘟安心出行，同時呼喝佢嘅同事執枱，就冇理到我已經嘟咗安心出行。點知佢叫我再嘟多次，我唯有照做，點知第二次嘟，佢地部機就顯示我張通行證唔符合要求，既然第一次得，點解第二次唔得呢？😅咁我唯有問下個女經理點算好。🙉🙉點知個女經理態度極度惡劣，一手攔實我，大聲呼喝我話：我頭先咪話而家執緊枱！麻煩你企喺度等等！😡😡其實我只係想問下你地餐廳部機做咩話我個通行證唔得姐🙃我連張書面針紙都喺身，可以拎出嚟俾你睇都得….點知俾人鬧返轉頭，以為係我想催佢入座，人地唔知以為我帶依波拉病毒入餐廳😅之前都有幫襯開，都係嗰個瘦削嘅男經理有禮貌得多！😂

呢間既裝修都幾吸睛牆身既風格係用左大樹葉做主角，而且餐枱紙同menu 封面都係同一系列餐廳中央都放左好多植物擺設，配搭返場內既天花設計都好靚，假天花既中央用左墨綠色既吊扇成間餐廳既色系都配得好好，墨綠色襯淺木色，呼應返佢地樹葉系列。坐位都好寬躺舒服2人都可以安排到一個4人座位，好滿意食物方面都幾多選擇，揀左3款比較特別既試下➽香芒大蝦米紙卷 $68 好清甜、清新米卷包裹既蔬菜材料都好新鮮加上少量既芒果肉，有適量既甜味有蝦肉既爽口重點底部浸住一些芒果汁，甜而不酸整體配搭得宜又爽又開胃➽地道老鼠粉 $88 銀針粉做底上面鋪滿了很多不同的配料, 有豬肉末, 花生, 叁巴醬, 魚乾, 蘿蔔乾等等而且仲配有一隻太陽蛋所以整體口感好豐富而且有咬口, 加左魚乾為整道菜點睛➽地道麥皮蝦 $108呢道菜真係第一次試因為本身唔太食麥皮, 但朋友話試下, 幾得意整碟菜一黎到, 就見到密密麻麻既麥皮麥皮應該係經過烤烘, 因為食落幾脆, 唔係平時食既軟身口感烤烘過既麥皮加上炸蝦度, 所以口感都算夾, 脆身幾特別, 可以試下整體環境好, 坐得好舒服而且服務都好好, 侍應好積極對應加水都好主動而且食物質素都唔錯

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗呢間店嘅下午茶做到6點，時間上可以係early dinner，今次試咗4款，每款都會有飲品，我哋買外賣。🍴馬來炒貴刁（$78）打開時熱辣辣，好香，用料都幾足，有頗多蝦肉、魷魚、亦有幾片豬肉臘腸，芽菜係比較肥嘅，即係用咗怡保肥仔芽菜。貴刁顏色比較深，應該用咗甜醬油炒，鑊氣十足，貴刁炒到一條條，炒得好好。一食落去，比想像中辣，如果唔食得辣嘅朋友應該會覺得辣，但對我嚟講係好惹味，呢個係好好食！🍴地道老鼠粉（$62）呢個同樣用料十足，有勁多肉碎，仲有魚乾仔、菜脯、炸花生、雞蛋，用咗叁巴醬去炒銀針粉，好惹味，雖然呢個同炒貴刁一樣都係顯示有一隻辣椒，不過相比下就冇咁辣，我覺得炒貴刁應該要轉為兩隻辣椒會比較反映到實際味覺。呢個一定要快D食，因為外賣關係，已經會比起響店食凍咗少少，如果唔襯熱食，就會比較油膩。🍴海南雞飯（$68）佢嘅雞好入味亦都非常滑，雞本身比較肥美（所以個皮下面會有層油，怕肥嘅就自行決定食唔食），個油飯都比起其他店食到嘅深色少少，夠入味，飯亦粒粒分明有咬口，配足3種醬料，不過因為雞本身夠味，唔點醬食都已經好好味，呢個幾唔錯。🍴串燒拼盤

之前食過一次外賣，個次啲野麻麻地，尤其喺咖央多士，但有人留言叫我堂食一次，好食好多，我終於肯去堂食😂。▫️ 新加坡喇沙摻摻 $82正常。不過味精味偏重。份量ok。▫️地道老鼠粉 $88偏咸，麵質都幾‘林’，唔好食。▫️海南雞飯拼喇沙米線 $108呢個最抵，兩樣都食到。 喇沙一樣都喺正常。海南雞幾嫩，油飯ok。▫️ 烤馬來蔥餅配咖喱 $56呢個不得了，個蔥餅硬到根本無辦法咬開，更加唔好妄想話吞。 不過同餐廳話返之後，佢哋都幾好，話可以換/cancel order。▫️班蘭咖央多士 $28現場食都唔好食😂 麵包‘林’同凍。味道冇特別。

新加坡喇沙摻摻 $82來自新加坡既朋友都大讚既喇沙摻摻😎 疫情期間，即使好怕食完辣野喉嚨痛，但都係忍唔住食完一次又一次🙊 唔食得辣既朋友留意番咖吔既喇沙無得少辣，幸好係我仲接受到既辣度🧐摻摻係馬來西亞既特色麵食，即係油面溝米線，食落有雙重口感😍 依碗海鮮摻摻真係好足料，有蝦、魚蛋、魚腐、魚片、流心蛋等等😋 加上真係好大碗，食到一半都已經飽飽地😂 湯底辣辣地又充滿椰香，忍唔住飲曬成碗湯，好彩唔會口渴，無味精fact checked😌

平日收左工去東港城，見到有間食東南亞菜既餐廳裝修唔錯，就入去試下食佢。新加坡喇沙米線 ＄８２喇沙係南洋最有代表性既料理，當然要試試佢。喇沙既湯底香濃，帶有陣陣椰香味同辣感，食得好爽。配料既份量亦好多，有蝦，豆卜，魚蛋等等，一大碗夠食有突。海南雞飯拼喇沙米線 ＄１０８首先，呢度既海南雞係無骨既，岩哂我呢d懶人。海南雞食落好嫩，唔會有雪藏味，雞皮爽口彈牙，配以雞飯有既黑醬油簡直係絕配。雞油飯既脂香味好香，令人食唔停口。咸蛋黃魚皮 ＄６８呢個基本上都係必點，即炸魚皮再加上熱辣辣既咸蛋黃，十分邪惡，一定要試。炒通菜（蝦頭膏） ＄７２通菜炒得爽口，蝦頭膏既味道好鮮，食落唔會死咸，可以一試。

星期六和我老婆撐枱腳去東港城，路過有間東南亞餐廳有下午茶，見都幾多選擇，裝修得幾靚，便入去試一試。我叫了檳城蝦麵，完全唔辣，好特別，是麵加粉絲，浸在惹味的湯之中，十分好吃，煮得夠爽。🦐入晒湯的味，湯又多香料。我很喜歡。老婆叫了新加坡叻沙，材料豐富，有豆卜、魚蛋、大蝦和雞蛋等。個湯底有點辣，但老婆說充滿東南亞風味，所有材料混在湯之中，入晒味很美味。我們下午茶當晚飯食，所以食得很豐富，還叫多了一個小食，小食有三串沙嗲雞和三串大蝦。沙嗲雞很厚肉，配以沙嗲汁，大推👍🏻蝦稍為遜色不夠熱。下午茶餐包了飲品可以選奶茶咖啡、話梅水、香茅橙茶等我們選了凍飲香茅青檸荔枝梳打香茅香味四溢，荔枝味道濃郁，超級好飲又消暑

睇戲前自己一個品嚐地道新加坡菜😎咖吔環境座位非常闊落又舒適，自己一個食都唔怕逼逼澀澀咁～食左個大大碗檳城和牛蝦麵🍜😍超enjoy!碗麵包括左大蝦（肉質夠爽口）、豆腐卜（有成4舊!）、溏心蛋、牛丸、仲有重點嘅和牛，而且仲要唔係一兩塊，夾起係一堆食落都好夠淋身同濃味呀😋同埋個麵底係摻摻黎嘅～湯會帶好微微嘅辣，都幾岩我口味！野飲就嗌左熱青檸紅茶，呢晚逼自己唔飲甜健康啲～～menu上其實都幾多幾吸引嘅飲品架由其係美祿哥斯拉同埋有沙冰/雪糕果啲飲品🙈下次再黎就唔忍口試要呢啲飲品！

位於坑口的南洋風味餐廳，香港有數間分店，裝潢典雅，充滿異國風情，座位舒服，燈光光猛。餐牌有海南雞飯、喇沙摻摻、肉骨茶、班蘭咖吔等特色菜式。輕鬆下午茶：海南雞飯一整盤有齊湯水、飯及主菜，以下午茶份量來說，相當足料。雞油飯油香十足；主角的海南雞，雞皮爽口，雞肉部份滑嫩，旁邊有三款醬汁，有黑豉油、辣醬及薑蓉醬來調味。串燒拼盤：雞肉、大蝦、魷魚鬚串燒一共三款，海鮮及雞肉，燒得香口惹味，而且帶點焦香。雞肉保持多汁。大蝦鮮味。飲品：桔仔話梅水跟餐配飲品，鹹鹹甜甜的飲品，有點衝擊味覺，卻很解渴，解油膩。飲品：香茅鮮橙茶這款茶飲跟一般的水果茶不同，茶底多了一股香茅味，感覺新鮮，這個香茅跟香橙的配搭，也挺夾的。

咖吔 Kaya (將軍澳區）⭐️今日去咗食新加坡菜本身都好鍾意海南雞飯、喇沙！⭐️餐廳環境舒服寬躺，仲有卡位食物選擇好多！⭐️今次揀咗海南雞飯、咖哋斑斕多士、米紙卷同炒飯！最鍾意係個炒飯幾好食😋，唔太濃，配埋串燒啱啱好！ 其他食物就不過不失可以試吓其他！用餐心情🌾：想得閒試吓啲新加坡菜呢度都係一個幾好嘅選擇食物種類都幾多，有冇限時坐幾耐！味道: 7/10環境: 7/10服務: 7/10消費: 人均$100-150