影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
餐厅：咖吔地点：北角汇菜式：新加坡菜餐牌：午市套餐选择好多，有好多款饭面，配冷热饮品，可以加钱升级饮品，设有加一服务费。新加坡喇沙 $88 另加一新加坡喇沙掺掺即系黄色粗面加幼身粉丝，前者有咬口又滑溜而后者幼滑吸汁，加埋系好正嘅口感。个汤又香又滑，梛汁又够，都颇辣。配有去壳虾四边开边，弹牙鱼蛋三粒，同唔少鱼蛋条，其他配料有半只熟蛋，爽口通菜，吸汁豆卜4件，紫洋葱丝同爽口芽菜，口感丰富。另配青桔一件同参峇酱。海南鸡饭 $88 另加一海南鸡大概有十几件，半胸半脾仲有半只鸡翼，鸡肉都算嫩，伴有4片青瓜，跟有大大碟三色酱汁。鸡油饭大大碗，热辣辣，好香。仲有一碗咸香冬瓜鸡汤。新加坡咸蛋黄单骨鸡翼 $32 另加一新加坡咸蛋黄单骨鸡翼一客四件，热辣辣上枱，整得外脆内嫩，咸蛋黄味十足。街头鸡串烧 $28 另加一街头鸡串烧一客两串，热辣辣上枱，烧得皮脆啖啖肉，捞埋个参峇酱微微辣，好惹味。伴有车厘茄半粒，洋葱丝同青瓜几粒解腻。马来芒果汁配芒果雪糕 加$12 另加一 马来芒果汁配芒果雪糕有浓厚芒果汁面头加上大大球芒果雪糕，芒果汁味道唔假，都唔会太甜。呢个价钱好抵。海盐雪糕椰汁珍多冰 加$12 另加一海盐雪糕椰汁珍多冰就系微咸蓝色海盐雪糕伴香甜椰汁，直头系一杯甜品。仲有绿色珍多冰加添口感。今餐食物质素几好。呢度上菜快捷，座位舒适，平日下午茶时段都好满座。
继续阅读
呢排热到人都晕，突然好想食啲浓味嘢刺激下味蕾。谂起北角汇地下有间专做星马菜嘅，环境几开扬，对住个小公园，望住啲树都觉得凉爽少少。睇佢午市餐牌选择都几多，价钱合理，一于试试。今次同朋友叫咗三样嘢分嚟食：新加坡喇沙： 汤底真系够浓郁，椰香同虾味都出，饮落几舒服。料都足嘅，有弹牙鱼蛋、鱼片、索晒汤嘅豆卜、爽口虾仁，仲有半只蛋，几正宗。 老街咖喱面： 呢个汤底香辣得嚟几开胃，唔会一味死辣。配料几丰富，有入味嘅鸭肉、鲜虾、爽口嘅鱿鱼须同埋豆卜，挂汤一流。 巴东牛肉饭： 朋友拣嘅，啲牛肉炆得够晒腍身，香料味好香浓，捞饭食真系几正。最抵赞系！有金桔话梅水（酸酸地好解渴）、马来拉茶（茶香几滑）同香茅荔枝梳打（几清新）拣，拣冻饮都冇附加费，呢点好贴心。 热辣辣想食啲浓味嘢醒神，呢度系个唔错嘅选择，坐得舒服，食物质素对得住个价钱，尤其系饮品唔加钱真系加分。经过北角不妨试下。
继续阅读
今日同朋友去北角汇食lunch，我哋早一晚已选定呢间，今日系星期日都有set lunch，非常好，我哋都拣咗海南鸡饭set $88，餐饮我加咗$12饮海盐雪糕椰汁珍多冰。想讲海南鸡饭份量刚好，鸡肉嫩滑，冬瓜汤亦好好饮，蘸汁有齐姜蓉，辣酱同黑豉油，好好味😋😋。另外要赞就系杯餐饮，个卖相好靓，海盐雪糕非常好味，呢杯餐饮加$12都绝对超值，大推，下次会再试其他菜式👍👍总括而言，今日个套餐我俾💯
继续阅读
放假约好友《北角汇》吃午餐，环境舒适，有海景大玻璃窗。我们点左午市套餐海南鸡饭$88配热桔仔话梅水无骨鸡肉很嫩滑配油香饭，配姜油、酱油、辣椒酱，米饭粒粒分明，吸收左鸡的鲜味好好味。桔仔的酸甜与话梅的咸香，饮后回甘开胃。海南鸡饭$88配马来芒果汁配芒果雪糕加$12芒果汁味香又甜，芒果雪糕清甜可口，口感冰凉。新加坡喇沙掺掺$88配热桔仔话梅水有虾仁、鱼蛋、鸡蛋、豆腐泡、芽菜等⋯椰浆味香浓汤底浓郁，配米粉、油面口感不错。
继续阅读
咖吔北角渣华道123号北角汇地下G09号舖经开北角，老友推介地道新加坡菜，环境舒适，食材新鲜，入去 Chill 吓先。😋海南鸡饭鸡肉新鲜嫩滑，口感松软，无骨啖啖肉，米饭烟韧有饭香，加姜蓉、酸辣酱和酱油提升层次，必食！😻牛油果五色米纸卷即叫即制，配料新鲜，米纸松软，天然好味，配香甜酱汁效果更佳。😍街头鸡肉串鸡肉新鲜，口感烟韧，腌制得恰到好处！香辣酱汁开胃，青瓜洋葱新鲜爽口，推荐！😽热手工拉茶拉茶又香又滑，甜度适中。😸椰子斑兰冰椰子又香又甜，班兰味浓，饮完好舒畅。😙咖吔 环境舒适气氛好，食材新鲜高质，海南鸡饭米卷正，侍应服务态度好，还会再来。😎🤘
继续阅读