影片
港铁观塘站 B2 出口, 步行约4分钟
继续阅读
电话号码
23892184
营业时间
今日营业
详细营业时间
星期一至日
详细营业时间
*星期一至日: 11:00-21:00
以上资料只供参考，请与餐厅确认详情
🥟观塘骆驼漆大厦🐪 自家制美味饺子店✨舖头位于骆驼漆大厦三座既一楼 应该系咁多座最旺 同埋最多餐厅既一栋 一行到过去见到等lift超长个栋就啱😂 好彩呢间舖系一楼 通常我直接行一层楼梯🏃🏻♀️呢间舖头原本应该系卖冰冻食品 主打饺子同埋日本靓牛肉令我惊讶既系佢哋有埋堂食 会即时帮你煎卖牛肉/ 煮饺子！小店超级有心 每一道菜都有自己既酱汁 而且超级细心咁介绍俾我哋听 听得出佢对食材好有研究🧐<饺子🫶🏻>先讲饺子 佢哋主打猪肉饺子 而且猪肉系鹿儿岛黑豚肉 食得出系高质猪肉 猪肉既肉汁都比较多 油脂感丰富 但绝对唔会太油！饺子煮法有分水煮 同埋煎 我真心觉得两个都好值得试！水煮饺子有分厚皮同埋薄皮 我个人只系食过厚皮 觉得几好👍🏻皮唔会太厚/只系食到好多面粉 又唔会煮得过熟 饺子绝对唔会痴埋一齐 搞到d皮烂嗮 而且皮仲要少少弹牙😌 煎饺都好不错 应该系佢哋既新品 个皮脆脆哋 绝对唔会太油！佢哋总共有四款饺子✌🏻：白菜饺、韭菜饺、粟米饺、冬菇饺白菜饺🥬: 呢个系佢哋既original 我试过咁多次 依然觉得呢个系最好食！白菜系一粒粒 但又唔会过熟 食到肉既同时又少少菜 令到口感丰富粟米饺🌽：粟米好甜 应该系罐头粟米👀配埋黑豚肉好夹 我个人觉得呢个比较夹煎饺冬菇饺🍄：冬菇味道好出 真系食到一粒粒冬菇 好足料✨ 我个人觉得呢个比较夹水煮做法虽然饺子唔点任何酱汁都好食😋 但系我觉得都一定要点佢哋既芝麻酱/醋 有另外一种味道饺子都可以买冰鲜 带返屋企打边炉食🍲！<肉类🥩>店铺里面有个大冰柜 客人可以自己选择想食的肉类 店员就会帮你烧埋🥹 选择都好多而且全部都系日本高质肉🇯🇵 店员推介食肉可以点wasabi豉油 我个人就觉得咩都唔点 食到肉既原汁原味最好食😙 或者简简单单加盐同埋黑椒已经好出色！猪肋条🐖：呢个油脂会比较多 唔系好多肉 而且可能肉条比较幼 会烧得少少干猪腩肉心🍖：呢个超级嫩 油脂分布比较平均 而且猪肉味都好出！好推荐👍🏻牛舌👅：牛舌我有食到一块厚切同埋一块薄切 我个人觉得薄切会更加爽口 而且食到牛舌尾部 会更加嫩 我个人觉得可以食薄切😻味道：🥟🥟🥟🥟.75/5📍和风食品(香港)和牛专门店 (观塘)地址：观塘开源道60号骆驼漆大厦三座1楼F室
继续阅读
好有趣！朋友话 #骆驼漆 有间专卖fozen 饺子嘅小店有现场即买即食服务，第一次体验觉得好似去咗日韩台嘅水产市场，同样系即点即制！忍唔住都要小牢骚，骆驼漆真系好鬼热闹，每次嚟到都要预10至15分钟排队等䢂！大家嚟揾食真系要预留时间，等唔切就用啲脚骨力行楼梯吧～～～周末嚟到，OK等10分钟上到楼，餐厅「行街」嘅人都几多，耳边传嚟好多人讨论「啲饺子好好食」、「薄皮定厚皮」之类，除咗shopping，另一边就系堂食位置，席上客比预期多。朋友系呢度嘅常客，无虑即决就话一定要食水煮厚皮 #黑豚肉韭菜同 #黑豚肉白菜饺！厚皮饺相对有口感啲，属于嚼感型。我点咗个薄皮嘅 #粟米黑豚肉煎饺，三款饺子各有千秋，粟米比较清甜，至于韭菜同白菜就系传统嘅口味，黑豚肉香相对较突出。另外餐厅新推Xmas 餐牌，可以拣饺子拼猪扒或猪肋骨等组合，多个选择，大家试啱块扒就可去冻柜加购返屋企。
继续阅读
观塘区，返工真系好多人不过，就岀哂名多野食🥶又多工厦，睇野买野咩都齐 哩期逢星期六都要过观塘，今日做完物理治疗，好肚饿！ 决定要揾食先返返去港岛好小系观塘食饺子，即刻上网揾。见到哩间系附近，就过去试下🥳铺头有代客煎/煮既服务你可以买完，系拒度煎埋再坐低食都得架。简左水煮饺，$50 有12只 我叫左白菜猪肉钟意食烟韧嘅可以叫厚皮我要左薄皮，即叫即煮一上枱，皮薄馅靓，只只都胀卜卜枱面有啲自家制辣酱/辣菜甫 同饺子醋但其实本身啲饺子好Juicy，我都系轻轻咁样点下都够哂味！满足😍😍嚟紧又去做物理治疗今次要试韭菜饺🥶🥶 重点系要食15只！ 饺子控表示推介💚
继续阅读
今日同朋友仔放工，唔想食太多嘢，去咗观塘美食集中地—骆驼漆，最后拣咗间轻食嘅饺子店. 6点半左右，我哋叫咗1份粟米蒸饺、1份鹿儿岛黑豚肉煎饺. 四围望下，估唔到间舖头好认真咁安排班姐姐喺后面1边包紧饺子1边煎/蒸饺🥟而且饺子有分厚皮、薄皮去拣. 价钱上都喺40几蚊12只，唔算贵，我见到都唔少人叫外卖生饺. 我哋叫咗蒸饺薄皮、煎饺厚皮. 我觉得蒸饺好多汁，煎饺好够味. 配料都有鼓油、辣酱个啲，我哋慢慢食、倾计都无问题. 整体来讲唔错.
继续阅读
观塘既骆驼漆大厦除咗有好多小商店可以行之外，都有好多又平又抵食嘅食店，今日就试咗呢间专食饺子既餐厅🥟 眼见舖头唔算太大，但keep住都有客人，仲会见到有员工即场包饺子，感觉好吸引，除咗饺子之外，佢哋亦都有和牛卖，甚至可以即场拣，即场帮你煎埋👍🏻👍🏻 -生煎黑豚肉饺子🥟（薄皮） 佢哋嘅饺子除咗可以拣生煎或者水煮之外，都可以拣薄皮或者厚皮，而今次选择咗生煎薄皮嘅白菜饺，佢地既饺子煎得好香好脆身，入面馅料都好多汁，好juicy🤤🤤🤤🤤-水煮黑豚肉饺子🥟（厚皮） 水煮饺子就选左双拼，白菜🥬拼韭菜饺子，叫一碟可以两个味都可以食到，正😍 虽然系厚皮，但咬落唔会因为个皮厚左而馅料好少既feel，韭菜饺做得几出色，好入味😙😙另外食完唔驶惊口渴，佢地都有卖各式各样既饮品🧃店员好热情，叫我地可以先试下原味既饺子，再将芝麻酱、饺子豉油同辣椒酱一比一咁整个讲汁出黎，味道唔错🤩下次有机会试下系佢地到食和牛先，堂食仲可以有9折优惠👍🏻👍🏻 无论饺子定和牛都有得外卖，间唔中买一盒饺子返屋企自己整都唔错😎
继续阅读