影片
港铁荔枝角站 B1 出口, 步行约8分钟
继续阅读
开饭介绍
发迹于油麻地，主打亲民价茶餐厅食品，其中炸鸡髀香脆肉嫩，分量十足，除了单点，更可作不同配搭，深受食客欢迎。
继续阅读
营业时间
星期一至六
08:00 - 17:00
星期日
全日休息
公众假期
全日休息
公众假期前夕
08:00 - 17:00
以上资料只供参考，请与餐厅确认详情
招牌菜
舖头位于一条横巷入面，唔系佢摆左个餐牌系出面真系留意唔到。🍗生炸鸡脾王煎蛋饭 - 手掌甘大只鸡脾 生炸真系唔同啲，外皮劲脆，入面啲肉仲嫩滑多汁，配上甜豉油超正失色就系个煎蛋话系太阳蛋，但应该比只鸡脾冚住焗熟左，蛋黄无左流心缺点就系食完第二日即出暗疮同喉咙痕，太邪恶唔可以成日食🐷兄弟酱猪手饭 - 猪手都有成六七嚿，猪手炆得够腍，够入味个酱系同南乳有啲分别个人更钟意呢个兄弟酱，劲好送饭🍝沙嗲汁鸡扒捞赞歧乌冬 - 鸡扒一样大大块沙嗲汁同平时食开好唔同，佢无沙嗲既香辣比较偏甜，味道似日式甜咖哩多啲而且啲汁好多，重口味人士之选呢间舖头价钱平，份量多啖啖肉，外卖自取仲可以减$10，可以黎试下，炸鸡脾建议堂食。不过我睇返唔同分店既餐牌，个价钱都有啲分别，长沙湾呢间应该系最平。🍴和顺记 (兼善里) (长沙湾)📍长沙湾青山道兼善里6号地舖#19_flog茶餐厅 #19_flog长沙湾 #hkfoodie #foodies #香港美食 #地区美食 #食评 #foodinstagram #foodhk #生炸鸡脾
继续阅读
由于琴日晚饭经过呢间嘢见有好多人排队食鸡髀，正值今日放假而且又要过呢头买嘢，所以同朋友千里迢迢过海都要试下呢一间嘢。因为入咗鸡髀关注组，所以对于鸡髀嘅质素我都有的要求既，曾经试过所谓出名既都系名不符实，今日就决定试下呢一间。过到嚟刚刚下午茶时间，但系由于无乜点食嘢，所以最后一齐叫咗鸡髀饭，不过我要沙嗲汁，一个要黑椒汁。店舖环境都系小店嘅模式，座位唔算好多，环境开喺后巷位置都算卫生，见到餐牌上都有好多出名嘅野，例如：椒盐猪扒。不过我都系为咗鸡髀饭慕名而嚟，所以都唔好得一想二啦。等咗五、六分钟左右终于都上枱喇~~~ 第一时间我同朋友不约而同"哗"咗一声，点解? 原因好简单，因为呢一只鸡髀都算系超巨型， 你哋喺相见到同只碟差唔多，根本都唔系好见到啲饭，而且同埋卖相吸引，影完相就话知你啰，快快开餐~~~ 我食沙嗲汁， 首先讲下只蛋，佢都系用扒炉整嘅，所以味道就一般啦，没有脆边，不过呢样都唔系期望既野，配菜就有翠玉瓜同埋椰菜，味道正常。到主角啦，因为我比较钟意慢慢食嘅所以都会用刀叉，切开佢啲肉发现超多肉汁，绝对炸得刚刚好唔会炸过龙，入口仲发现原来呢只鸡髀系有腌过㗎!!! 所以肉味鲜甜嫩滑，真系劲正，而佢个外皮炸得金黄脆口，即叫即炸既野一定要即食，成个过程基本上食晒啲饭只鸡髀仲有半只，你可想而知有几大只。饮品方面无乜特别， 都系同正常茶餐厅一样，呢餐真系劲满足，埋单每位都系$50蚊左右，如果你问我抵唔抵食，我会同你讲出面所谓好食嘅鸡髀都要$30蚊一只，依家有成个餐俾你慢慢坐低食，而且仲要咁高水准，我可以咁讲，系我暂时食过比较最好嘅一间。
继续阅读
➖ 炸鸡髀薯条茶记既波浪薯条真系最好食，炸得正常基本上已经无敌。而炸髀就考功力啲一个唔小心就会干哂，呢到出名炸野所以呢只髀对佢黎讲无难度，外层炸到好脆再咬入去就系嫩嫩既髀肉入面充满肉汁一啲都唔干，而只髀调味真系入哂味咬到骨位都仲有味，佢既调味有小小甜个味好熟但谂唔起系咩腌料🪧 唔知系唔系下午茶只髀系细只啲呢，不过其实呢只都大系我影到佢好细只咁，但之前食佢既脾饭系再大只啲
继续阅读
今晚8点先收工，唔知买咩外卖好，突然谂起之前food blogger介绍过呢一间餐厅嘅生炸大鸡肶好大好脆好抵食，所以飞的士赶去买外卖。买完再返屋企已经半个钟，但只大鸡肶真系好好味😋！咬落啲脆皮好松脆，唔会死屈屈，而且真系好大只，大鸡肶+香草意粉+饮品 $58，真系好抵食。美中不足之处就系鸡肉虽然好嫩，但可以再加多啲调味腌一下就perfect喇！同场加购「抗疫餐」，黑椒鸡排肠仔饭+饮品 $40，都唔差㗎！不过我加钱要嘅奶茶红豆冰就甜得滞，下次要叫走甜先得！
继续阅读
难得来到长沙湾，本来是想试「鲣乌冬」，但太多人排队，只好放弃，转场到也在附近，已经不少分店的「和顺记」「和顺记」是以巨大炸脾而出名的，所以来到当然要叫一客炸脾配薯条，也叫了不是很多地方也能叫叫的—咖啡红豆冰作为配餐炸鸡髀薯条＄４０＋＄８特饮咖啡红豆冰首先上场的是 咖啡红豆冰咖啡味不是很浓，胜在不会太甜，配合下面香甜且软淋的红豆，甜度适中，且红豆不会太烂，有原粒也有咬口。 再来就是主角上场炸脾配薯条＄４０炸鸡髀有拳头般大，是比坊间大一点点，但未至于巨的份量。外皮炸得香脆薯条方面，店家也因应我们的要求炸得耐一点，所以也够脆口，但没有薯味。鸡髀肉质未算非常嫩滑，但至少不会干柴，没有肉汁。最紧要系无雪味。总括而言，他们家的炸鸡脾没有特别出色，份量又不是坊间传闻中巨大，味道和品质方面算是中上水平，因为原材料吃得出是不错的，可惜他们的出品没有特别令人回味之处，简单来说没有他们家的特色之处， 比他们好的大有人在，没比较没有伤害，近期吃了不少炸髀薯条，他们的真是很普通。如果你想吃炸鸡脾，可以一吃，但如果要特意拜访就不必了。另外点了一份麻辣鸡扒捞丁＄３８本来以为鸡扒是用麻辣酱腌制，但原来是炸鸡扒加麻辣酱捞一丁出前一丁有一定的保障，所以不会有太大问题，只是店家略煮久了一点，令面偏淋了一点，不够爽弹， 不能令出前一丁发挥其极至。而麻辣酱也比较逊色，应该是现成的酱，麻味没有，只有一点点辣味面底有捞汁，应该有点咸味救回整个捞丁鸡扒相比鸡脾比较细件，但也够脆鸡扒肉质比鸡脾嫩滑，有些味鸡味，肉质没有梅烂，但整件鸡扒比较油，也没有调味。所以可以不试。
继续阅读