和樂餐廳

虽然长洲都有唔少餐厅选择，但钟意香口嘢嘅我嚟亲都会想食和乐嘅椒盐鱼饭。大新街本来已经系条后街，再加上和乐舖面细，唔太起眼，好容易会miss左。所以要嚟嘅话就要留意佢地放出嚟𠮶张大大张过胶餐牌同埋块黑板，咁就无咁易错过佢嘅门口。椒盐鱼饭系用敏鱼制作，外皮松脆可口，出嚟鱼肉又唔会干晒，而且佢唔系斋炸，系有用蒜同椒炒过，啱晒钟意食香口嘅我。配埋一碟调味嘅豉油，味道啱啱好。配菜方面系椰菜同红萝卜仔，虽然好过杂豆，但系斋烚完全无味，扣分。香芋珍珠，虽然好香香芋味，但佢嘅甜味好人造，如果唔系有冰，相信都几漏。珍珠就正正常常。呢杯嘢我唔推，下次都系叫番普通茶记饮品算。…查看更多

今日同朋友又入长洲玩，之前一直都经过呢一间茶餐厅，见到好多长洲居民都会喺呢间买外卖，我哋就叫咗个黑椒鸡扒煎蛋饭当午餐😃黑椒汁俾得都几多，鸡扒正常不过不失，捞埋个半熟蛋都好好食👍🏻如果唔食得半熟蛋嘅话可以预先同侍应讲要全熟。Overall $52 正常茶餐厅价钱，都算抵食！…查看更多

喺天气炎热下想揾一间好味又坐得舒服嘅餐厅食下午饭倾下计。行左好几间终于揾倒呢间好似几多人食嘅餐厅，见到啲waitress都几nice.咁就门口等左一阵（有枱櫈坐）就可以入去。肉燥日式咖哩炸虾大碗饭加冻柠茶。都有三只炸虾天妇罗咁多，仲有少量肉燥，估唔同咖哩汁都好夹，配菜有椰菜同红萝卜🥕仔都好新鲜。以一个自己唔会整嘅𩠌菜，都算唔错嘅选择。加埋杯冻柠茶少甜，茶味唔浓唔淡，同埋都好多冰，柠檬仲有四片咁多。下次再试其他。😂…查看更多

店员有礼貌，小店地方很细，所以有点迫， 菜牌上食同饮都有好多选择，台港日样样有，早餐午餐下午茶餐应该总有一样岩你。日式咖哩芝士菠萝鸡扒焗饭……大大片菠萝，芝士亦很足，但鸡扒有点偏咸，加上咖哩味亦偏咸，一路食要一路饮饮料，食完有小小口干感粟米芝士吉列龙脷柳焗饭…… 鱼柳炸得好脆但有少少干，粟米汁够多， 芝士拉丝够，整体算OK。红豆冰……味道小小淡，我个人就啱啱好，比一般茶餐厅好饮薄荷朱古力……朱古力味好够但薄荷味差少少，整体合格…查看更多

待业期间唔需要同人逼喺周未先来玩，平日约朋友一齐来长洲行下，最近日日都阴天落雨，搞到个人都无晒心机，趁住天气好，出来抖下气，到海滩吹下风睇下海景，非常疗愈，唔驶屈喺屋企。来长洲当然要试大大粒鱼蛋，墨鱼丸，我每次必食，有时仲会打包添。炎炎夏日之下，来一杯水果沙冰，超凉爽。我哋边行边物色午餐既落脚点，无谂过2点的餐厅都仲系座无虚席，最后我哋㨂咗呢间和乐，首先被餐牌吸引，价格实惠，选择又多元化既餐厅，餐厅细细坐满晒客人，我哋等咗一小阵就有得入座。我哋两个都想食咖喱，最后㨂咗日式咖喱芝士菠萝鸡扒饭同秘制咖喱牛腩配油酥饼餐跟珍珠奶茶。来一个日式咖喱同秘制咖喱大比拼，日式口味甜甜地，芝士焗饭配埋萝菠有清新感觉无咁漏，鸡扒切件上好细心。而我哋都偏向喜欢秘制咖喱既香料味道，完全取胜，牛腩分量非常多，油酥饼再加多件会更完美。珍珠奶茶都意外地好味，茶味香浓，珍珠烟韧度刚刚好，推荐来长洲可以来试下呢间，平价午餐。我非常论尽，临尾倒泻咗杯珍珠奶茶，员工即刻攞大量纸巾畀我，值得嘉许，完全无怪责，仲安慰我，我真系好尴尬，临尾挞Q。…查看更多