和暢粥麵專家 (已結業)

是晚又回到大埔晚飯, 想起也好久沒有到和暢了, 不如就來看看水準是否依舊. 接近晚上八時來到, 人客不算太多, 大家在看著電視上的愛回家, 就算不在家吃晚飯, 在這裡吃餐街坊便飯其實也幾有吃住家飯的感覺. 畢竟街坊小店的菜色及風味, 也是有它的存在價值.未點菜先看到店方貼出在7月1日正式結業的通知, 又一家店子敵不過高租金及最低工資的大趨勢, 事實上, 在現今的環境下, 不單是餐廳, 各行各業也面對著不同的問題, 真是一句生意難做. 見店方最後寫著有緣再會, 未知店子有否再戰江湖的一天?來到這裡, 當然要吃鹹雞, 也要碗牛腩. 既然店子即將結業, 是晚就吃多一點, 再要一客雲中翼. 這裡環境簡潔, 我們坐在靠牆的位置, 還算是幾舒適的.鹹雞 $45: 7分, 要了客細碼的, 即是大約1/6隻雞的份量, 能夠選擇配粥, 粉, 麵, 湯飯或者白飯, 文迪就揀了湯飯. 另外客人也能加併其他食物, 如豬心, 豬膶, 田雞, 豬手, 扎肉, 雲吞等等, 每款加$8, 是幾經濟的價位, 不過我們是晚叫的份量已不輕, 不再加併了. 這客湯飯委實相當大碗, 湯還算清甜, 加入了大量芫茜, 更合我心意. 主角鹹雞是幾入味的, 鹹味滲入了雞肉內, 不過嫌肉質是實了點點, 如果雞肉能夠嫩滑一點會更佳.蘿蔔鮮牛腩河粉 $27: 8分, 雖然不是要了客剩牛腩, 想不到的是份量也不少, 有六大件牛腩. 是晚吃到的是瘦肉部份, 基本上是沒有甚麼肥羔, 還擔心會咬不開, 怎知道肉質是相當鬆軟, 肉味也幾濃郁, 是水準之作. 蘿蔔也幾稔, 河粉就幾爽口. 至於湯底方面, 就不太鮮甜, 喝多兩口也有點口渴的感覺.雲中翼 $58: 6分, 最後試的就是雲中翼, 一客$58有六隻. 是即炸的, 都要等好一陣子才上檯. 做法有點像泰式的雞翼, 去了骨之後再釀入豬肉才去炸. 當然是熱辣辣的, 不過就比較油, 皮不夠香脆, 有點硬, 入面反而像粒雲吞. 套用文迪的說法, 是把雞翼包著雲吞去炸, 不過感覺上兩者在味道是不太能夠配合到, 沒有化學作用.其實這裡的鹹雞跟牛腩也是有水準的, 加上價位合宜, 還是令人滿意的一餐. 如果大家還想試試這裡的出品, 就要趁月底之前前來了. 想著連大埔墟的食肄也難以經營下去, 位處市區的小店又怎能獨善其身呢?…查看更多

以為有好多雜誌就一定唔會差得好邊～原來唔係行行下街～食晚飯去左和暢粥麵專家叫左一碗清湯蘿蔔鮮牛腩河:)湯底略厭淡左～令河粉失色左唔少:(牛腩冇想像中咁好，好似ｕｎ左少少:(清湯牛腩是我其中一個最愛既食物，不過今次真係略厭失色，希望有待改進…查看更多

中秋過後，肚皮脹爆，不吃大餐，改吃粥麵，以防體重上升。今次到了和暢粥麵專家，網上看到這裡的牛腩賣相不錯，決定一試。的確，牛腩經過長時間的炆煮，肉質非常豐腴嫩滑，而牛筋的膠性十足，煙煙韌韌，很有咬口，而且味道濃郁，是不錯的選擇!由於牛腩牛筋的質素比想像好，皮蛋瘦肉粥已經被比下去了，很明顯沒有經過長時間的明火煲煮，粥是稀稀的，沒有什麼味道，餡料一般，唯一的抵讚的是很大碗，也只不過二十大元!…查看更多

黎到大埔墟晚飯，我成日都會揀和暢，鍾意佢選擇多，有粥有麵有小菜，而且樣樣都唔錯TIM~今次食咗...鴛鴦炒麵？唔記得咗個名，粉絲炒米粉，兩種口感，都幾得意~淨蘿蔔牛腩︰好大碗...牛腩好淋，蘿蔔又甜又入味，好味呀！香草雞翼︰六大隻，好香脆，好JUICY，入口淡淡香草味，都幾特別~佢GE小菜同粥品都唔錯GA！…查看更多

對大埔唔太熟路，見門口有大量剪報，所以入去試試，時間尚早，所以未有好多人入去食Dinner.3個人叫了蝦子撈麵，竹笙鮮蝦水餃麵，咸雞飯和煎釀豆腐.蝦子撈麵:蝦子不錯，幾香，加上少少蠔油，份量剛好！不過麵嫌有點硬，大地魚湯比平日的較清，但是整體味道ok^^竹笙鮮蝦水餃麵::)水餃彈牙大隻，味道不過不失，麵無鹼水味，彈牙，軟硬適中咸雞飯:見台台都叫，叫了個細份試，肉滑有雞味，味唔會太咸，調味適中!煎釀豆腐:好味!用豬肉同蝦釀的豆腐用砵仔上，火候適中，送飯一流！唔算好肚餓所以份量算是剛好的一餐，餐廳坐得幾舒服，服務好，員工有禮，有機會會再幫襯!^^…查看更多

大埔呢幾條街.有不少食店.這些食店各自有出名的食物..有牛腩.排骨飯.豆腐花,魚旦等.簡直是食家之福.要將3條街內的食店.全部試一次.我估要一個星期.然而出名的食物當然吸引人客.我當天想試排骨飯又等唔到位.想試牛腩又末開門...路經此店門口貼滿奬狀,內面的人客卻少,一試無妨..首先呢間店的外表好似好新.內裏感覺裝修有點舊.連餐牌也有點舊.賣的食物不少.有飯.有麵.和小菜...寫給我的單.給我感覺.好似上手落單後,不要食物...我眼見店外廣告9成都係宣傳雲呑麵...我就點了一個雲呑伊麵.一杯凍華田...價錢和出名的雲呑麵店不相伯仲..凍華田:10元同水分別不大.過淡..華田粉同奶味都不見了..飲落仲有少少糖漿的味道.杯飲品一定唔合格...雲呑伊麵.22元如果正宗的雲呑麵.係好細碗.我忘記左正宗的雲呑麵,的比例.食大大碗.大粒雲呑,一定俾人笑...然而雲呑係細細粒,不過完全無蝦.個皮散尾.豬肉胡椒味重..湯底的確有大地魚味,不過好淡,淡到似大地魚成份同水的比例不平均.煲成的...我相信呢間店...想學識煮正宗的雲呑麵.不過只學到5成..仍需努力…查看更多

門口貼滿雜誌訪問或推介, 好似好吸引, 又見有位坐, 所以入去試一試..........入到去, 招呼都算OK, 又唔會趕住要你落單, 到我地諗到時再叫伙計落單, 但等食就等咗好耐lor~~ 環境其實唔太差, 又光又唔迫, 但可惜成日有d蚊滋仔飛來飛去, 仲飛落我個碟度, 又飛落d菜度.......... 上湯菜心 -> 約有7-8棵, d菜葉又黃又爛, 竟然仲比人食.......... 手打鯪魚球米 -> 鯪魚球唔夠彈牙, 又細粒, 而好重味................:( 鮮蝦雲吞麵 -> d雲吞又係好細粒, 但d蝦都叫爽口..............:) 竹笙鮮蝦水餃米 -> d水餃同雲吞個皮好似冇分別, 但就比雲吞大粒少少, 入面除咗有蝦同竹笙外, 仲有d唔知木耳定雲耳絲, 好爽口, 但碗米粉份量唔多, 女士就夠食, 至於個湯都好清, 唔重鹼水味, 又唔油, 唔錯..........:)上菜速度超慢, 當時唔多人等食, 都等咗差不多8分鐘先上菜, d粉麵要等多5-8分鐘左右先到..........如果趕時間就唔好嚟食lu~~…查看更多

同女友去鐵路博物館之前嚟咗呢度食午餐,叫咗一個牛腩牛筋可,一個蠔仔粥加咗隻金蠔,呢度嘅牛腩真係好正,好味,唔黐牙,真係值得去試吓!!!至於蠔仔粥都好正,加少少胡椒粉真係好食,而隻金蠔比起平時食嘅蠔鼓好食,好諗,好有蠔味,但係就無咗蠔鼓有時會有嘅果陣"益"味,另外我地仲叫咗一碟涼伴海浙,好爽好彈牙,又大大條,好食!三樣野夾埋都係80元左右,可謂好食又抵食…查看更多

晚上不想舟車勞頓,決定到附近吃, 在沒有計劃的情況下, 見到想吃的便點, 後來才發覺, 肉類重複, 大抵是因為作法截然不同吧鹹雞湯飯加金蚝兩隻: 作為一個客家人, 鹹雞與炆甜豆卜是我永恆的鄉愁。三年級的我, 已為了吃皮脆肉爽的走地龍崗雞而甘願隨父母回鄉, 吃時伴紅蔥頭豉油, 每次都連盡白飯三碗, 更要把雞帶回香港; 為了防腐, 一定用鹽醃成鹹雞, 因水份被迫出, 微鹹的雞肉更爽, 是另一種風味。是夜的鹹雞, 味道還可以, 但肉質實在相去甚遠, 身在香港,這實在非戰之罪。金蚝的製法與我想像的不同, 我喜吃香煎的, 是次的製法是放粥, 不過效果不俗, 粥底有明顯的蚝的味道, 配上大地魚湯底, 鄉土味濃西檸雞球這是一味久已沒興趣吃的港式FUSION菜, 是夜突然很想吃, 上菜時一看, 不錯, 掛汁, 脆醬不厚, 檸汁的酸度適中, 肉也醃得剛好, 一塊接一塊地很快便吃完。是夜, FUSION佔上風, 大抵是鹹雞的製法簡單, 吃的是材料的質素, 這就是失分的原因。而西檸雞球則相反, 本是在雞肉素質不高時仍可做出佳餚的法門, 只要醬汁調的好就七成了。也是飽足的一餐, 離去時, 有點口渴, 但不礙事, 在這樣的世道下, 可以吃飽著暖, 尚有餘力, 風花雪月, 該滿足了。…查看更多

昨晚的颱風威力真的很大...把街上的樹都吹塌了!弄得我整晚都睡得不好~所以早早就起來了....肚子餓...到處尋食...經過違久了的和暢....以前住大埔墟是常客來的...這次叫了金蠔粥、哈!對...又是粥....沒錯....干炒豬頸肉米粉 & 涼拌海蜇 金蠔粥 - 大大碗!金蠔只有3隻....粥水綿綿的...也很有蠔味~金蠔跟我家煲粥的蠔屎差不多不算是特別!!!干炒豬頸肉米粉 - 豬頸肉帶點點肥...肉嫩滑...夠爽口...涼拌海蜇 - 看到很多人食,也來一碟試試吧~果然沒有另我失望!~份量不算少...味道剛剛好~很爽,夠彈牙....很新鮮!服務都很好~價錢方面都可以接受....食物方面沒有失水準....依然是有質數的!…查看更多

夜晚10點鐘遊走大埔公園仔附近尋找晚餐見到呢間野好多報紙貼係window(個人覺我係鱔稿)又係麵食店...男朋友最愛...就入去試下...因為已經好夜,接近收鋪,得番好多選擇...得麵同埋粥兩個人叫左:清湯牛腩雲吞麵清湯水餃牛根麵炸蜆介鯪魚球個湯真係好清囉,清到落豉油胡椒粉都唔覺有味其實清湯腩應該唔係咁囉..不過佢個麵真係ok既基本上既彈牙佢都做到蜆介鯪魚球好似炸燶左咁,黑媽媽,油淋淋...18蚊,早知唔叫,番炸既....今日行過佢間鋪頭lunch時間都吉到爆奇景…查看更多

雨下得大，端陽前後總是這樣子，由聯和墟走過來，身子濕透了，再加上兩、三袋行理，真的難頂，找個地方抹抹身，吃些熱品後再繼續下場。濕到落褲腳再加上冷氣折磨，見附近幾檯都是吃粥，要了碗豬心粥加金蠔。等的時候電視突然關掉，然後冷氣都熄埋，由凍變成「囈悶」，嚴峻情況下的熱粥，金蠔雖過造本身不夠肥美，但傳來淡淡的餘韻，令姚柱粥底味道豐富起來，同鹹魚作用一樣發揮添味的作用，雖然有師傅的味道，但熱辣辣的最後還是吃過清碗，豬心不是新鮮貨，醃得乾韌，沒再吃下了。走時記得紅廚師傅話這裡咸雞做得好，買了三分一隻回家，家人亦吃得滿意～…查看更多

四月二十六日家中沒有人,唯有外出獨個兒食晚飯,是日不想食什麼大魚大肉,淨想要一碗麵就可以.還想起這間店鋪,多年也沒有來.這裏歷史算是新手.但也有數年之久.自己讀書時期也來食平價麵.店鋪也坐滿八,九成.找到好位置.坐下看看有什麼麵食.最後選擇了雲吞麵拼豬手麵.看看新聞.麵也奉上.麵質來得有咬口,雲吞的體積來得不大不小,蝦的比例略為少,豬手不是紅色貨.食下去還帶點硬,要好的豬手還是去粉嶺的.湯下了味精.略為失望雙拼加埋二十二元.價錢來得抵食.有機會再去旁邊的焗飯茶餐廳.…查看更多

一間曾經係openrice幾出名既食肆,近年有點沉寂,而且亦由兩店變成一店.早幾日同蒸餾水路經,已經心郩郩想試下.下午茶時段人流唔多,總算窗明几淨,打開餐牌睇睇,同早幾年相差不大,咸雞粥$34碗,雲吞麵$18,另加油菜$8.咸雞粥之前試過,不外如是,亦覺不值$34,今回就改要雲吞麵同油菜加腩汁.等左都有十幾分鐘,以當時人流,實在無乜效率.雲吞麵:呷一口湯,暖暖地,唔夠熱,個人唔喜歡,味道及色澤偏濃洌,幾香口,而雲吞size比一般細,一碗有六粒,每粒都似手指頭咁大,雲吞皮作燕尾狀散開,似樣,咬開試試,河蝦足香口,又係對辨,銀絲幼麵淥得過火,欠缺柔韌性,師傅對淥麵無乜心機,如果唔係,可以好好多,幸好我最怕的鹼水味唔重,已經可以加分.腩汁芥蘭:近乎菜苗的大小,個人喜歡食莖部,貪其入口脆爽,而腩汁味偏淡,少了一朕油香.埋單$26,比起個人心水麥文記當然比唔上,但又比坊間一般的雲吞麵舖好得多,大概是好旺角麵家同等級數罷.…查看更多

平日午膳也會考慮去去這兒原因是質素和價錢成正比$18一碗粉麵, 又不算難食平日多食水餃米線, 入面有蝦有豬肉還有竹(生)$18 算係咁不過佢的雞都好好食但由於越來越好賣, 都升哂價但中午時候很多人, 而D 待應D 服務態度同人數係成反比....及所以過了12點前或2點後去回好D…查看更多