和拉麵

营业中

休息中

今次我過左黎深水埗呢邊做野，呢邊都係茶記類偏多，我地想坐得舒服d就去左間日式拉麵店食lunch啦😁餐廳除左有拉麵食，仲有壽司，丼飯，串燒等等選擇，坐位比同區餐廳舒服同乾淨🇯🇵原味豚骨拉麵套餐（$93）辛辣豚骨拉麵套餐（$98）拉麵套餐包括有2件日式煎餃子同埋罐裝飲品，拉麵既豬骨湯濃厚好味，叉燒都唔會太肥，燒得幾好，辛辣味其實同原味係同一系列，係個湯加左辣，個人覺得原味比較同拉麵夾，日式煎餃餡料屬正常水平，煎得幾香🍜🥟追加壽司（+$28）套餐加配價$28有4件指定壽司，壽司A就有三文魚，油甘魚，赤蝦，北寄貝，壽司B就有鰻魚，蟹籽，熟蝦，玉子，整體質素好過迴轉壽司，接近居酒屋既出品，$28都值得加，我就鐘意壽司A，款式比較岩我🍣呢間拉麵店個set都ok，有餃子同飲品送，拉麵湯亦做得幾好，最好就係佢有埋其他日式野食，唔只係有得食拉麵，鐘意食日本野既黎呢度食實有野岩😉

同朋友係深水埗試咗呢間餐廳覺得性格比幾高 味道同份量都好有誠意二郎系豚骨湯拉麵 呢款係今期限定 一上枱已經見到一大座蒜山 蒜香完全融入湯頭 夠晒惹味 湯底充滿豚骨嘅香味 入口creamy得嚟又唔會太膩 4塊叉燒份量十足 每塊都肥瘦適中 仲有溏心蛋 爽脆嘅筍 木耳同芽菜增添口感安格斯牛肉丼套餐本身諗住係拉麵店食丼飯應該無咩特別 點知幾有驚喜 牛肉份量好足 肉質軟淋牛味濃 飯粒粒分明 吸收哂牛肉嘅汁 連埋洋蔥同紫菜絲一齊撈飯食超正 呢2款套餐仲奉送炸餃子2隻同汽水添

今日同朋友喺深水埗見到一間新開嘅拉麵店，就試試佢，價錢唔貴。香濃嘅豚骨拉麵！入口香滑濃郁，麵條彈牙爽口，配埋叉燒同溏心蛋，叉燒肥瘦適中，加埋爽口嘅筍同大量嘅蔥，真係完美！跟住就係邪惡嘅吉列豬扒烏冬，炸得金黃香脆嘅豬扒，炸粉亦都唔會太重，配埋煙韌嘅烏冬，真係岩岩好。🍣 之後仲可以加小食壽司，三文魚，油甘魚，大蝦同赤貝。最後想介紹嘅係嘅餃子！🥟 煎得金黃焦脆嘅餃子，咬落熱辣辣，肉汁豐富。只要加$10就有得食同埋包野飲！

🍜 濃厚豚肉魚介沾麵 + 吉列炸蠔| 波子汽水 | 午間大滿足！☺️☺️今日特別啲叫左個🍜沾麵，湯頭濃郁，豚骨與魚介既雙重鮮味層次分明，稠度岩岩好可以排滿粗麵每一啖都充滿膠質&有海味衝擊🤣😙🤎麵條咬落口偏硬有嚼勁，份量十足有兩舊叉燒厚切軟嫩🐷🐽同埋溏心蛋🍳🦪吉列炸蠔叫左兩件岩岩好 外皮酥脆不油，蠔肉飽滿多汁天氣咁熱仲嗌左個波子汽水，完全係童年回憶殺，差啲唔記得點開🤣冰涼碳酸感完美左濃厚既湯底，瞬間清爽🥶

沿路行街搵野食，見有間和拉麵店招牌無開燈，唔知有無開門，行近一睇都幾多人食緊，價錢唔貴就試下佢先。除左拉麵，仲有丼飯、壽司、刺身、炸物、串燒等，都幾多選擇😋⭐豚骨原味拉麵既然店名叫得拉麵，就先試佢哋嘅拉麵啦😋點左原味，湯頭濃厚鮮味唔過鹹，啱我口味。配料有半隻溏心蛋、蔥花、筍、蒜、木耳絲、紫菜，而叉燒有兩大片，份量幾足喎😋麵條有嚼勁，吸左湯汁好食吖。⭐辛辣拉麵朋友則試左辛辣湯底，佢要大辣，望落唔係好紅咋喎🤔入口亦唔算好辣，辣中帶鮮幾好味，我見朋友最後飲哂啲湯😆⭐炸餃子拉麵加$10轉餐，有炸餃子兩隻跟汽水，好抵😆餃子炸得香脆，都幾好食吖。⭐汽水個餐唔想要汽水，可再加錢轉特飲㗎。人均一百左右，正常拉麵定位啦，可以一試😋

今天在深水埗發現一家日式拉麵館，裝潢和風滿滿，主打拉麵和丼飯，選擇豐富！ 🌶️ **辛辣豚骨拉麵**湯頭濃郁，豚骨香氣撲鼻，辣度層次分明，麵條Q彈掛湯，叉燒軟嫩不膩，溏心蛋流心完美。 🥩 **安格斯牛丼**牛肉鋪滿碗面，肉質軟嫩帶油脂香，醬汁甜鹹適中，洋蔥增添爽脆，米飯吸飽肉汁更美味。 套餐附煎餃+汽水，餃子外皮酥脆，咬開肉汁迸發，配冰涼汽水超滿足！ 價格合理，份量足，是深水埗隱藏版美食，值得再訪試其他口味！

見此店有很多人都話好食, 今日專程來試一試, 雖然佢有些特式限定拉麵好幾吸引, 但想試味就由最基本的開始 食物 : 豚骨拉麵 $88 - 拉麵外貎無花巧, 是基本設置, 湯底幾濃, 唔會死咸, 飲完無口乾, 义燒好淋幾入味, 麵較幼身, 唔算彈牙, 糖心蛋味道正常, 整體味道都算幾好, 而且還送二隻餃子及飲品, 餃子剛煎起, 皮脆幾好食, 飲品叫了可樂 環境 : 小店座位舒服乾淨 服務 : 店員有禮貌 費用 : $97 (含10%服務費)

終於食到佢哋嘅限定蠔拉麵，湯底有濃厚鮮蠔味，唔會過份咸，坊間好多蠔湯底都比較偏咸，麵條正常水準，兩隻蠔肥大肉厚蠔味十足，價錢＄158應該都算係合理，當然亦唔算平，喺肺炎疫情後好多食材都一直加價，所以好多小店嘅利潤已經係好微好微。喺度想贊一下當日和拉麵位女店員，我入到店坐底後，女店員好有禮貌同耐性咁介紹佢哋嘅餐牌上嘅食物，首先係介紹幾款拉麵嘅湯底大概係用咩食材去煲，跟住再介紹餐牌上面嘅套餐有啲咩選擇同收費，仲有牆上面寫住嘅特色小食，聽得出店員唔係hea住介紹，我都明白如果繁忙時間佢亦未必會講得咁詳盡，但今時今日仲肯咁有心介紹嘅店員我眼見真係唔多，繁忙時間無介紹唔奇，喺唔忙嘅時間好多店員就更加hea住做懶懶行，一間餐廳除左食物水準重要外，服務都好緊要，大家再唔努力做好啲好快就會比啲外勞搶埋飯碗。支持香港用心小店

去到一間「拉麵店」又唔一定食拉麵嘅，小編就叫咗兩個丼飯，覺得都唔錯！！🐷 滑蛋豬肉丼滑蛋煮得啱啱好，蛋汁香滑，豬肉片嫩滑多汁，飯粒吸收晒蛋汁同醬汁嘅精華，食落去好滿足！每一啖都充滿幸福感，絕對係丼飯愛好者嘅首選！🐷 三文魚丼三文魚新鮮肥美，魚油香濃，飯粒軟硬適中，搭配少少Wasabi同醬油，味道更加豐富！每一片三文魚都充滿鮮味，令人回味無窮！整體嚟講，「和拉麵」食物質素唔錯，價錢合理，係深水埗區一個唔錯嘅選擇！和拉麵📍 深水埗荔枝角道390號利聯益大廈地下C號舖

呢間拉麵店睇住佢開但一直無機會去試（屋企晚晚煮飯）直到碌社交平台睇落d湯底好有心煮一坐低時店員好有心去介紹，不過本身上網睇完menu都目標明確叫期間限定雞白湯雞白湯拉麵$108湯底濃厚雞味但又唔會死咸 成碗湯飲哂，麵軟硬度適中（有張紙可以自己剔），豚肉有4-5片 脂肪比例剛好 唔會成口油又唔會柴 肉質有彈性有咬口，配菜夠軟淋 唔會似其他拉麵硬到未醃未煮過加$38 刺身 （1隻甜蝦、1隻帶子、3片三文魚、2片北寄貝、仲有2片似鯛魚）加$10 套餐有2隻煎餃子 （套餐仲有汽水不過加左錢轉左特飲👇🏻）套餐再加$12轉本地小店 癲hi士多特飲 揀左桂花海燕窩 好多料店員見我話想飲凍d 仲比左杯冰我👍🏻埋單有加一，不過服務好係抵比既呢碗係香港食過最好食既拉麵Top5

若有人問「同道」去曬邊度！？我可以話你知，最起碼仲有我和我一家在此！如果有得選擇的話，我們一家仍然選擇到 "良心商店/良心食肆"，「和拉麵」就是其中一間 ~雜錦壽司： 在吃拉麵的地方，點壽司來吃，似乎是有點「法國大餐 - 多舊魚」， 不過點都好，既然餐廳有供應就試下， even though 壽司未達到壽司專門店的水準，但也算是即叫即握，魚生件都新鮮，壽司飯都勉强合格，ok 啦 ~豚骨拉麵：去到拉麵店，通常我會點一個最基本的拉麵，就會知道其質素如何。賣相 OK，湯頭是豬骨湯底，味道濃郁，馥郁芳香；拉麵的質感Q彈牙，掛湯力一般；日式叉燒，肉質鮮嫩香滑又入味，口感佳；雖則未算有驚喜，但見到我連湯都飲清光就知道不會太差，是一碗不錯吃的拉麵 ~本篇完 ~

見有人介紹這店的拉麵有幾好味，於是抱住一嚐什麼龍蝦湯拉麵和豬骨濃湯拉麵，煎餃子。真糸不值一嚐。龍蝦湯底，用龍蝦罐頭，超咸。豬骨濃湯都未翻熱好，凍的。那些所謂日本拉麵是即食麵條。餃子似炸多過似煎，最正常得罐汽水。

因達哥社交平台 介紹此拉麵店，未食過試吓先！我同阿仔order了辛豚骨拉麵、豚骨拉麵，逢送每人二隻餃子及罐裝飲品，我再叫了蟹籽沙律、蟹籽軍艦、鰻魚壽司；湯底不算咸👍🏻叉燒好味道，有咬口不像一般拉麵店薄切，餃子熱騰騰味道似現貨，但尚算okay,蟹籽沙律青瓜很新鮮，調味也okay; 壽司🍣紫菜脆卡卡，總括味道都Okay

深水埗咁多間壽司外賣店，買個魚生飯有幾難，居然走去拉麵店食魚生飯，主子拉我入黎食拉麵，但我見角切魚生飯都係賣58蚊，咁既價錢，咪同外賣店差唔多，坐底即刻有杯水等你慢慢睇，中午咁熱，呢個價錢，宜家仲要做緊八五折，茶仔食碟頭飯都要50蚊啦。魚生飯好厚好多，平時唔慣相機食先，是但影左張，玉子蛋下面仲有魚生架，魚生飯上枱時，仲會跟埋支豉油任你加，唔洗慳住用。宜家八五折，六日晚市會加一。食四哥單餸都要40蚊，仲要開口叫姐姐拎先有杯出煙既熱水。揀平日午市折左50蚊，有靠背椅坐舒舒服服，仲主動俾杯水唔洗乾哽。

和拉麵對啱胃口！呢區拉麵選擇唔多，因為趕時間第一次叫呢間外賣，落單咗一份雞白湯拉麵加雜錦壽司丼加一份小食熟芥辣八爪魚。一般對外賣期望唔會太大，但打開至食落都真係有驚喜，拉麵足夠彈牙，湯份量雖然目測感覺比較少但原來足夠，（如果係元素表湯嘅比多兩兜你又點話吖）。熟芥辣八爪魚感覺新鮮彈牙。雖然我冇親嚐雜錦壽司丼，但睇到感覺非常新鮮份量足夠，引誘到我想要去試一試堂食。相約屋企人堂食當晚，叫咗四款拉麵加三款小食，三文魚刺身、煙肉芝士焗大菇同埋玉子燒，三文魚刺身後尾更要追加，玉子燒比我五歲孫女掃晒😭煙肉芝士焗大菇同樣要等到下一次堂食先至有機會再親試。堂食其實真係好重視招呼，唔好睇呢間舖頭多數都係比較年青嘅工作人員，留意到佢哋工作經驗應該唔會多，但感覺佢哋用心同足夠體貼亦懂禮貌。街坊留意到嘅真心可以一試💛最終外賣或堂食我都比足滿分💛💛💛💛💛