影片
【西贡区】【和大人】喺将军澳想食吓甜品，同美女朋友揾到呢间喺将军澳海边嘅甜品店，就去食吓佢。佢开喺海边比较新嘅居屋屋苑雍明苑嘅商场，对住海边都几正。将军澳站行到过去都要少少时间，行到之后我都发现自己有啲肚饿，咁啱佢哋都有啲小食，咁我就一次过叫埋。侍应话佢哋𠮶日新出有粥食，我又觉得唔使咁夸张，食啲小食得啦。首先食 $10 嘅「猪肠粉」，呢个价钱三条算几好，味道都正常。跟住食 $20 碟嘅「一口芝士粒」，一共有六粒芝士粒，炸到外脆内软，热辣辣。估唔到呢两款小食又唔差，绝对畀到惊喜我。甜品我就食个糖水，叫咗 $28 嘅热「蛋白杏仁露」，呢碗就平庸啲，冇乜惊喜。美女朋友食嘅系 $28 嘅冻「芋头椰汁西米露」，始终本身都系比较普通嘅嘢，好难变出啲乜嘢变化，佢都冇乜感觉。不过咁样 $86 埋单，呢个价位食呢啲嘢我又挑剔唔到啲乜。。。（地址：将军澳至善街5号雍明商场地下4号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西贡区 #将军澳 #和大人 #猪肠粉 #一口芝士粒 #蛋白杏仁露 #芋头椰汁西米露 #1am1716 #1ambackup
继续阅读
以前食过，认真麻麻地最近再同朋友去食，觉得进步左好多个椰皇莲子雪燕炖蛋白，真心好味值得大家一试个芒果雪糕冰，配料多又大份价廉物美，味道唔错依家香港小店难做，肯改善进步，我觉得值得继续支持！
继续阅读
店员几靓，嘢食可口，宵夜一流，稍嫌刨冰冇乜味，西瓜刨冰可以落多啲西瓜，焦糖炖蛋唔错，有兰黄蛋的味道，会继续追捧，希望可以开分店，本人住长洲和南丫岛，期望离岛能够有和大人的分店
继续阅读
行过将南想饮杯鲜橙汁，见到呢间糖水舖有「鲜橙汁」卖，就走入去order咗一杯俾完钱，见个侍应攞个橙出嚟切4份再搣皮，个心已经知伏伏伏，再睇住佢加冰加水放几楷橙落搅拌樽打，我想问店主，知唔知咩叫做鲜橙汁？？我从未饮过淡而无味加水打嘅鲜橙汁，直情无辱咗鲜橙汁个名，做食肆咁无诚意，不如执咗佢啦！
继续阅读
明白现在饮食业经营困难所以食品质素非常重要，以挽留客人的心，可惜好多食肆食物质素真是非常一般，昨天我我经外卖平台点了三款糖水，三款糖水都非常难食，我点了芝麻杏仁糊，完全冇芝麻味仲有少少㶶味有杏仁味，总之非常难食，另外点了芋头西米露，完全冇芋头香味得，几粒正方细粒芋头仔，同我外边食的芋头西米露完全两样嘢，人哋将啲芋头蓉打埋落去西米露度，佢就将普通一个很奶味重的西米露加几粒芋头，另外点咗一个仙草芋圆，简直真系难食杰挞挞，我奉劝佢一句，俾多啲心机钻研点整糖水，讲真𠮶句我系唔会再嘥钱再帮衬佢一次，真是非常失望⋯⋯…．．
继续阅读