和味龍美食外賣到會 (已結業)

成日喺呢間外賣店對出嘅巴士站等車，睇佢哋個menu都想試吓，不過呢間小店星期日唔開，終於揾到個星期六有機會試吓佢哋個下午茶餐啦⋯⋯最初想試豬扒鴛鴦漢堡包餐，不過佢哋話依家冇‘鴛鴦’，只有豬扒漢堡包，我又再問塊豬扒係煎定炸，佢哋話係炸，我又唔太好炸嘢，結果叫咗個珍寶雙腸熱狗少醬，加熱檸茶走甜。兩條腸煎過嚟，個包有烘過，都算軟熟，唔錯喎！檸檬茶正常港式有輕微澀味，正！$25喺銅鑼灣嚟講係超值！ 👍🏻 不過要注意佢哋個熱檸茶default已落糖，並不是另外俾包糖，所以order時要提早講定走甜啦⋯⋯

銅鑼灣其實食乜都貴，早餐下午夜晚都好，今次搵到間平靚正既快餐，快餐34仲要每日都有六個飯餸比你揀，今日落大雨同埋又肺炎，外賣最穩陣，味道黎講拍得住附近貴價茶記 外賣餸上嚟嘅速度亦都好快， 作為銅鑼灣高消費地方 ，價錢相當吸引又抵食

日日行過公司附近都見到依間野，基本上早餐午餐下午茶都食過。早餐黎講呢我就覺得佢係好香，但係佢就好鍾意咩都擺埋曬落一碗野到，我就唔係咁LIKE囉。午餐黎講呢，其實佢Ｄ炒粉麵係唔錯既，都夠穫氣，問題就係太多味精，好似次次食完佢都會好口渴咁。下午茶就冇得頂啦，就算真係有味精，因為份量唔多，所以都唔係好覺。佢係炸脾式者炸雞翼都好正，配埋個沙律應該冇得輸。最後要講既就係佢既外賣啦，一個字講曬「快」！絕對合乎外賣既必要氣件！

平時唔多行開呢頭，係因為同事試過話抵食所以㴝試試。因為今日遲左放lunch ,我㴝到時2點零已經有下午茶menu.左睇右睇 ，最後揀左個最穩陣概炸雞比同薯條餐，一共29大元。因為係即炸，所以都等左一陣，不過唔算太耐 好快就拎到啦～。一打開 個雞比都大份喎，食落唔太油，最滿意係d薯條熱辣辣 ，夠脆口，如果係女仔一定夠飽，佢仲有跟埋一盒沙律仔。食完感覺上無咁罪惡。。。。。哈哈。呢個價錢加埋食物質素 唔錯唔錯!下次都會再㴝試下!

今日放lunch行過呢頭諗住買撈面 ，點知原來已經轉左手 ，而家買既飯中式飯餐 ，睇睇餐牌都ok ，$30一盒飯仲包野飲 ，份量我覺得好多 ，食剩左唔少 ，下次叫落單叫少飯先 ，估唔到銅鑼灣地區仲有$30蚊飯餐 呢間小店值得支持