好嘢！又有一间好嘢食嘞！一入餐厅，第一眼见到里面都好干净，有人会招呼问你几多位，又会尽快送上茶问你食啲咩，好有亲切感，好有老街坊feel。:):):)坐低后老公就要咗碟咸鱼鸡粒炒饭同冻啡；我就要叉烧鲍片米同菊花蜜。从未食过一间食肆啲米粉系咁滑同唔碎o架，因为好多都系滑得嚟就碎晒、一系就o鞋拾拾，老板娘好好o架，菜都比其他人多啲o架；杯菊蜜对我嚟讲就啱啱好，唔会过甜。:):):)(不过就要因人而异嘞！)
老公个饭就要等多一阵，(大约五至十分钟)
因为系逐碟炒，好够镬气，呢间舖头个师傅煮o既食物全部系逐碟炒o架，
佢唔会一次过炒几碟或者炒定先咁样上比客人啰，感受到佢o既用心，够热之余重好香喷喷，
未入口已经闻到阵味令到你漏口水想去食，师傅好嘢！咁样留客o既方法真系一流。:):):)老公话杯啡都好掂！价钱算公道，佢午餐时重会有蒸鱼、蒸肉饼o添噃！下次再试过先得！…查看更多
