影片
系深水埗其实想揾一间干净既餐厅食野，确实有难度。 我次次去完深水埗买完电器后就立即坐的士闪人。 从未试过会停留在深水埗揾野食。 今次因为早上去深水埗，见仲做周围冇咁多人，就即管睇下边间环境可以入去试下。 行过汝洲街，见到有好多间餐厅。 其中有两间有出炉面包，但装入去望环境不太舒适。 再行前小小见到呢间「和味餐厅」睇到佢地门面餐牌好靓，厨窗好企理，感觉几好。就即管入去帮衬。入到去，见到d食客都系斯斯文文，坐低拎餐牌睇，台面餐具罢设都好整洁干净。 服务员态度又好。我叫左仿鲍鱼出前一丁早餐，唔错，坚出前一丁。 好开心，终于俾我系深水埗揾到间干净又好味既餐记
继续阅读
好耐冇食呢间餐厅嘅早餐,今日心血来潮反正又放假所以 order外卖一份精美早餐。 我叫咗一个系猪软骨配汤意粉,肠仔炒滑蛋同埋厚多士 。先讲个多士 厚度十足,同埋有两块, 我嘅食法就将滑蛋夹入多士内变为蛋治烘底 其实食完份多士已经有三至四成饱。另外个猪软骨亦非常之入味,仲有三大嚿猪软骨 ,一咬即开唔需要用太多牙力咬,个汤意粉份量亦都足够； 配合埋杯冻咖啡总数外卖都系$39蚊真系平民价及食得好饱肚的早餐
继续阅读
服务态度十分差 嘢食嘢饮乱掉 问佢呢个餐喺点十问九唔应，又唔喺话好忙问下佢就好厌弃咁 一眼都冇望过客都算仲要侧面厌弃 仲串不如唔好开餐厅啦 真系下次绝对唔会再来罗钱买难受又唔系话好食
继续阅读
下午茶餐叫左个猪扒炒乌冬同星洲炒米。 黎到个炒乌冬得2旧猪骨，完全冇肉。 同个呀姐反映个情况， 点知俾个呀姐闹话猪扒系有骨架啦，咪嘈啦，你咪唔好食啰。 真系未试过食个饭都要俾人闹。 猪扒有骨系正常既，但系唔系成碟乌冬得2旧猪扒骨，1旧肉都冇呀？ 呀姐坚持唔肯换俾我， 然后我问呀姐咁我退左佢唔要得唔得。 呀姐话咪退俾你啰， 然后我check番单，佢退左我个乌冬，但冇退我杯野饮， 夹硬屈我要俾净饮双计。 我明明系成个餐咁叫， 点解我要求换你又唔俾，然后我退又要退净我杯野饮？ 我买既系一个餐咁买， 点可以退净杯野饮屈我要？呢间野一定唔会有下次。 P.s 个呀姐叫珊姐， 唔知系咪上篇食评口中态度差劣既员工呢？
继续阅读
其实听电话个呀姐唔炒真系生意一落千丈，长期叫个外卖都要受你气，佢应该戾气好重，比钱买难受感觉真系好差，希望贵公司认真严正处理下，大家街坊街里。野食好食会继续支持。
继续阅读