影片
相关文章
原本想嚟和味打边炉，一到舖闻到隔离枱食紧醉鸡煲好香好似好吸引，就叫咗半只嚟试鸡斩咗件再拼返好上枱，并唔系放晒落煲，所以无花无假好足料。汤底食唔到有味精，难得！煲完鸡净返一半汤嘅时候饮汤，好浓好正！天气冻食完成个人都暖晒。极力推荐
继续阅读
❤小分享❤以前就有炭炉边炉☄️而家已经转哂做gas炉🔥 但都好有风味💫环境类似大排档咁 不过佢都真系大排档黎 有得叫𩠌食饭 最岩就叫支啤酒 啤啤佢🍻爽！两个人食到好饱💦汤底: 双拼 🍅🥔蕃茄薯仔/🥚🌱皮蛋莞茜👉手切肥牛🐂(好食👉鹅肠🦃(极肥美👉鳝片🐋(爽滑👉🏻双拼 云吞 鱼皮饺👉🏻炸枝竹(肥牛同鳝片底会放啲生菜垫底 所以都无特别叫菜)食完已经好饱好饱🌚食唔哂☹️ 汤底入面已有好多豆腐 🥘打边炉前会比碗🌶辣椒豉油比你(好似细个屋企打边炉咁☺原来食材掂就真系唔洗点咁多唔同酱料黎调味气氛环境都够麻甩 我中意🤗啲姐姐好有人情味 又nice又好人 服务态度好☺️可以一试👍
继续阅读
从前标磅炭火打边炉既和味，如今已因牌照问题冇左风味炭炉，唔知系咪因为咁人客都少左。所以坐得好舒服，环境都干净。当晚2人饭局，叫左个蕃茄薯仔汤底，饮左好几支啤酒，叫左碟鲜鸡肠，饺子并墨鱼滑同杂菜，多食唔晒，碟碟都好大份，新鲜，大满足!!成餐饭既主角，超大碟肥美新鲜鸡肠长到食面咁食!满到泻既杂菜埋单唔使三旧，非常饱同满足!
继续阅读
好耐之前经过见到炭炉火锅好想试下, 终于黎到,点知无炭炉!! 仲要搭台, 时已10点,周围火锅都满晒,唯有一试!点知,一坐低来左个gas炉已知中伏, 最少全场有5-6个人食紧烟! (未开炉又无人食woh! ,如果有,一早走左)地方好细, 坐得极唔舒服!叫左: 桶蚝, 牛肉, 唐生菜唐生菜有沙,明显无洗过.牛肉垠到无朋友! 无肉味!桶蚝 就经典, 真系成桶上,未开, 未洗!无够伙记,结果,揾,叫,摧伙记足足20分钟先至系咁依冲下水返黎!清汤底: 明显味精水! 口渴到你死!
继续阅读
天气冻冰冰，来个暖笠笠嘅火锅就最开心啦。听过炭炉火锅好耐，但系一直都无机会嚟帮衬。一行八人，早两日已做好准备订定枱，订七点半，讲明要坐出面。晚饭当日，大家都被相中的碳炉胆得好开心、好期待。七点四我哋已经有四个人到咗。同时，两名男子早我哋两步到，老板问佢哋有冇订台，佢哋话无，老板叫佢坐喺我面前张枱。老板安置两名男子之际，我就同阿姐报道。阿姐望望我、望望佢张纸、望望老板，指住我同老板讲：「喂，呢张台佢哋架㖞」。老板无理，阿姐就同我讲：「咁你一系坐上面好唔好呀？唔系你一系等等啦...」吓？订枱嘅时候讲明订坐出面架㖞？你比咗我张枱人，要我等等？好，算。反正未人齐，即管等等。等时环顾四周，只见电炉同「嘅士」炉，就多咀问下阿姐：「咦，炭炉系唔系要特别嗌架？」阿姐回应：「呀，无炭炉㖞！」「吓！无炭炉？」「系呀，炭炉嚟唔到货...」唔系化？比咗张枱人都算嘞，无炭炉？我特登嚟食炭炉火锅，你无炭炉？难道你以为我只系嚟坐系你个张高度只去到膝头哥嘅枱度打边𬬻呀？顶！争啲扯火爆炸。最后都系去咗第二度食。呢个page一定系太耐无人update过！大家如果系要特登去食炭炉火锅，咁我劝你打电话问清楚先嘞。PS... 拿...做人要公平啲，我哋系等人齐嘅时候，阿姐系有请两位哥哥仔（佢哋都未人齐）去楼上，两位哥哥仔获静鸡鸡被暗示可以喺楼上食烟之际，都有好合作咁让返张抬出来。但系无炭炉真系不能接受。但系如果indoor smoking你唔喜欢的话，咁你订枱时，你又即管试试讲清楚啦。
继续阅读