影片
是日黎左味香荟x羊瘾起买外卖，听讲呢度个羊腩煲好好食，特登过嚟试下。嚟到舖面睇佐阵餐牌，除咗羊腩饭，睇下叫多一份咩饭返去同家人一齐食先。作为外卖小店，口味选择唔算少㖞，而且门口有几位街坊等紧外卖，小店似乎好受欢迎，多人食即系好嘢嚟啦😋⭐双冬羊腩饭小店名物羊腩煲，屋企人少就唔嗌成个煲啦，叫咗份双冬羊腩饭试下。羊腩炆得好入味，南乳味超香，个皮煲到好软腍，入口有胶质状，羊肉鲜味，仲有厚身冬菇同爽甜冬笋，超好食😍羊腩饭个饭系荷叶饭嚟，蒸起上嚟米饭吸晒荷叶香，真心正。⭐梅菜扣肉饭另一盒拣咗梅菜扣肉饭，扣肉炆得入心，脂肪位入口即化非常甘香，梅菜爽甜，白饭除咗吸咗荷叶香外，仲有扣肉嘅猪油，劲好食🤤⭐手撕鸡半只最后仲有半只手撕鸡，半只份量都唔少㗎，一个胶盒塞到满晒，鸡肉咸香有鸡味，口感结实有嚼劲，鲜嫩靓鸡黎㖞🤤蒸饭仲有甜豉油送，但羊腩煲咁好味，梗系捞南乳汁啦😆
继续阅读
羊腩煲关注组最出名 本地新鲜黑草羊 成hkd888 有3磅 有两盒羊肉，一盒全肥 全肥 全肥 另外一盒系劲多骨 多骨 多骨 店家回覆 「明白🥹我岩岩都同左师傅反映返 新鲜羊系真系比较肥同难控制啲 因为都系煮个阵先知🙏🏻非常唔好意思今次只羊比较肥」 真系超级失望 原来新鲜本地羊会系肥到咁 上年食过几次好食，谂住再支持 点知送到就系咁 自己无 QC 就要个客食哂 咁做生意好似唔系几好 post 相系羊腩煲关注组 就立即认错话退钱 跟本都知道理亏 我冇要到退款呀 话就话包送货 去港岛要加50蚊 第一次知道原来港岛系偏远地区
继续阅读
秋冬起就来食个古法羊腩煲！我推荐食这间！煮滚软烂不膻，香味浓郁，足料，好好食！门市到取更送手撕鸡！扭盖式的汁袋不会倒泻汁，到取时汁袋仍是暖。我有请店家给多汁，再自行配台山蚝豆苗乌冬打边炉慢。大家记得要电话提前预订喔！和家人朋友宅在家慢慢叹美食！
继续阅读
今日想食羊腩煲，经朋友介绍话呢度啲羊腩好食，我哋就要试吓啦！呢度系冇堂食，只得外卖，我哋18:30嚟到已经卖晒第一轮，职员叫我哋19:30再嚟，我哋买完再到朋友屋企食。羊腩煲有分几个价钱$88 例牌（1人份量），相中$388（3-4人份量）仲有$688、$888要早两日订，因为职员话呢两个价钱系用新鲜羊肉，全部系腩部位。我哋就买咗一个$388 嚟食。佢哋包装得好好，好密实，还有个保暖袋保温。虽然平价系用雪藏羊肉，但都炆得好腍好入味，系有几嚿肉比较靭，最可惜系个汁比较甜。食羊腩嘅灵魂系腐乳酱，加埋佢哋自家制嘅腐乳酱，口感更惹味！**依家买羊腩送手撕鸡**手撕鸡好够味，肉质嫩滑。整体嚟讲系好食嘅！值得推介！
继续阅读
今日喺土瓜湾站买咗荷叶蒸饭，真系好满足！首先，功夫鸡蒸饭香气四溢，鸡肉鲜嫩，配上特制酱汁，味道相当入味，饭粒吸收咗鸡汁，口感一流。而火腩饭就更加唔使讲，肥瘦适中，内里软滑，咬落去真系好过瘾，配埋白饭，味道更上一层楼。至于手撕鸡饭，鸡肉撕得刚刚好，搭配特制的酱，味道真系一绝！虽然三款饭都有各自特色，但我最钟意嘅系功夫鸡蒸饭，鸡肉嘅鲜味真系无得输。总括来讲，荷叶蒸饭既有传统味道，又唔失创新，每一口都令人回味无穷，绝对值得再来一碗！如果你系土瓜湾附近，记得试下呢几款，肯定唔会失望！
继续阅读