影片
港铁铜锣湾站 A 出口, 步行约7分钟
继续阅读
电话号码
26403838
营业时间
今日营业
12:00 - 14:00
18:00 - 23:00
星期一至六
12:00 - 14:00
18:00 - 23:00
星期日
18:00 - 23:00
公众假期
18:00 - 23:00
以上资料只供参考，请与餐厅确认详情
食材新鲜👍🏻味道恰好😋每碟菜式都有特别好味之处，卖相已好急不及待去品尝.所以再带朋友一起来食晚饭. 适逢朋友生曰，庆祝生日的好选择.又有卡拉OK，顶级音响器材，丰富满足的一晚. 服务态度非常好.👍🏻
继续阅读
1677 浏览
大肥爸爸友人诚意推介湾仔楼上中餐厅「味阁」，小肥循例上网揾料时，发现自己原来六年前开张之时已经帮衬过，仲好罕有地写咗篇清一色一分嘅喊评，梗系叫佢三思啦！细阅过评论后，长辈即告知店子成个班底已经唔同哂，力劝细姪俾多次机会试试个晚餐先，或许会带黎惊喜咁话；肥肥家族都算反应快，二话不说即订位周五晚去试。派对被安排于十六楼新增设嘅私人厢房内进行，私人空间足，卫生企理，舒适得很。而且有足够位置摆放随身物。全店免收开瓶费，连醒酒瓶都好齐备，酒鬼们当然系自己带酒啦！九男女饭局嘅菜单交由厨师发办，刚刚好合共十道菜，莫非系寓意著十全十美？！每位席上都摆有齐备嘅自用及公用餐具。餐前小食之凉拌海蜇皮：第一味凉拌海蜇皮修长爽脆，唯一大家食前都唔知（亦睇唔出）开胃前菜暗带麻辣。小弟愚见，菜单上应注明麻辣之外，服务生亦可于上菜时加以提点。餐前小食之椒盐鲜鲍粒：热辣辣嘅椒盐鲍鱼细细粒、容易食，炸浆唔会过厚之余，皮脆鲍弹牙，香口尤甚，送酒一流！餐前小食之慢煮卤水鹅肝：如相所示，鹅肝厚薄均匀有光泽，食落柔润不溜滞，讲真比坊间好多潮州舖做得好，只系小肥曾经食过更好嘅，所以难免会比下去。餐前小食之荔枝虾球：四款前菜中，最有特色必选劲逼真嘅荔枝虾球！菂薂嘅荔枝球凹凸不平嘅外皮松化巧脆，而且丝毫不油腻，入面旧白雪雪嘅虾球软嫩甜美，必吃推介也！羊肚菌响螺炖鸡汤：原盅上嘅鸡汤每盅都有只腍滑嘅鸡脚、烟韧有嚼口嘅响螺肉及脆嫩嘅羊肚菌，清甜足料。花雕鸡油蒸花蟹（陈村粉底）：大肥大赞蟹蟹鲜甜无比，厚身得黎啲肉好滑，美中不足系个花雕香唔系好出，如果可以多啲汁同陈村粉，效果应更佳。红烧安格斯牛肋骨：已预先切好一件件嘅牛肋骨肉嘅肌肉脂肪比例恰到好处，安格斯靓牛腍身得黎好松爽，肉香多汁调味浓，尽显多层次嘅美感。葡汁焗蟹盖：蟹盖深啡色嘅卖相或许唔系咁吸引，但却赢得席上所有长辈嘅夸奖，因为蟹盖上枱时够热，入面有足量幼嫩嘅蟹肉，而并非塞满其他食材，带有微微辣劲嘅葡汁惹味得黎食完都唔会觉得溜。龙虾球蒸蛋白：大家冇睇错，橙亮嘅菜式的而且确系蒸蛋白，只系蛋白上多咗层南瓜汁而已。垫底嘅蛋白十分软滑，已去壳嘅龙虾肉亦爽脆弹牙，个人自系略嫌甜浓嘅南瓜汁抢走哂龙虾本身应有嘅鲜甜。鲍汁刺参琵琶豆腐：用煲上嘅刺参同琵琶豆腐热力十足，而且仲入哂味，当中刺参Ｑ弹可口，琵琶豆腐香润甜美，伴配厚润嘅冬菇更显矜贵。脆皮炸子鸡：炸至红当当嘅招牌靓鸡皮层脆薄脂肪少，鸡胸肉一啲都唔嚡唔干，如果有得食埋啲杂就更加完美啦！黑松露海皇炒饭：成座小山丘嘅炒饭绝对称得上为劲量级呀！散发出阵阵松露香嘅金黄炒饭干湿度适中，最正系所选用嘅虾仁粒粒肥润爽甜，溢满鲜香。水果盆：结尾嘅哈密瓜清脆爽甜。杨枝甘露：杨枝甘露尚算浓滑，内含甜甜嘅芒果肉同酸甜嘅柚子肉，只系饮咗酒嘅人未必会想饮糖水，建议师傅可以转做固体嘅小甜点代替。湾仔楼上中菜馆「味阁」疫后改变经营策略，焕然一新嘅厢房式设计成功提升舒适度！店子虽则有点儿人手不足，但胜在服务生友善落力，大厨发办嘅十道菜海陆晚宴优质精美，价格合理，全方位嘅升呢足以令XO仔重新写出笑评，除咗想表示改观之外，其实都想加以鼓励一番，支持有心食肆！
继续阅读
同事welcome lunch聚餐选择来这家餐厅尝试全新供应的点心试菜，由于人比较多有8位，因此几乎把点心纸上的点心都点遍了。上菜速度有点慢外，点心有部分还是不熟的！其中两笼烧卖的肉是生的，先夹去吃的同事就这样不小心吃到了软绵绵的还是鲜粉色的肉的烧卖，唯有立即叫店员拿进去再蒸上一段时间，随后上的排骨蒸饭的排骨肉也是粉粉的，不敢吃了，再次要求店员拿进去再蒸久一些才端出来。提供的点心没蒸熟实在是罕见的！有好几个同事吃完肚子不舒服，非常差的一次用餐体验。其他的点心一般般，没有什么特色，有的太咸了。
继续阅读
年年父亲节都系去酒家食，今年就转一转食私房菜事前订枱店主好细心帮我哋出菜单，之后想转几款菜式都冇问题！本来订7:30可能老人家早食晚饭早到咗都冇问题！先讲环境装修得好靓坐得又舒服，好适合家庭朋友聚会！好喇人齐上菜😆先嚟前菜＂四小碟＂跟著就系是日老火靓＂汤系苹果响螺煲鸡＂个汤好正，连我妹妹都话冇谂到咁好饮，侍应招呼周到帮我哋分好上枱清蒸海斑泰式咖哩炒蟹配法包，个汁好正配上法包一流，连我老豆好小食呢类菜色都食咗几件😂😂😂黄金虾球太爷烟薰鸡鲜果咕噜肉南乳杂菜斋煲芥末安格斯牛柳粒其实仲有个＂海鲜脆米泡饭＂因为我挂住食唔记得影相😅不过个泡饭真系好食，我老豆食完都话好食仲对我俾咗个👍🏼添😂😂😂最后甜品出场＂果皮红豆沙＂😋😋😋又系挂住食冇影到😅不过甜品又点只一款呢.....呢次我记得影喇😆拔丝芋头，外脆内软唔会太甜又香口总括嚟讲全家人都食得好开心，环境舒适招呼周到，菜色味美连我个咀刁细佬都话D嘢好食😆😆😆下次一定会再嚟！
继续阅读
我个人比较喜欢中菜，所以四处找寻不同美食，上星期经朋友推介去一间上海广东私房菜馆尝试美食，第一印象十分好，这菜馆虽然地方不大，竟然环境舒适，装饰华丽，还可唱K，好适合好朋友们及小团体聚会。要提一提就系所有菜式都十分美味，其中我最欣赏就系' 太爷烟薰鸡 '，肉有茶香软滑多汁，食到停唔倒口，及别外一味 ' 黑胡椒炒蟹 '，十分鲜味，能看出制作用心，值得各位喜欢美食食家一尝
继续阅读
您可能会有兴趣的...