影片
本身住呢个屋苑好耐，老实说，真系好少上二楼行，住咁耐都无帮衬过呢间，亦唔多觉二楼有野食，依家好似新开左间咖啡店，而今日拎淘宝咁啱见到呢间，决定试试。睇相都知系颓，但颓得来有心机，野食系即叫即整，要等10分钟左右。9菜水饺系自己包，屋企味度，唔会重味精，亦够大碗。牛扒并餐肉烟肉饭（𩠌可自选）,黑椒汁，用料唔会有什么特别，但胜在材料无雪味，而且牛扒唔韧无根，黑椒汁调味不错，整体算好食。个饭送纸包饮品，如要罐装加3蚊。成件事80几蚊，呢个质素，CP值唔错，街坊街里唔挑剔的话多个好选择。起码一定抵食过楼下呀一猪扒同果间酸辣粉，好食过果间两𩠌饭同佢对面糖水铺。
继续阅读
今日经开呢个小区，系一个住宿商场发现呢间小店，呢间小店得一个人打理。舖头细细但门口都有一排枱椅可以坐，大约坐2~3个人。见d野食都算平，大部分食物都系$20以下，所以就买个猪扒包加$4加蛋。怕肥既我，叫左店主走沙律酱，店主就建议我落蕃茄酱，令个包既味道无甘单调。等左5分钟就有得食la~ 个包既size都吾细，好似平时d热狗既size。个包有煎一煎，外脆内软。食每一啖都食到肉同蛋，估吾到蕃茄酱同猪扒包又几夹。
继续阅读