味皇餐廳小廚 (已結業)

選擇在外用膳，當然及不上住家菜般零味精，但這間連鎖式的味皇，實為“味精之皇”，僅次於味千拉麵。因為遊走了一整天，雙腿快要麻痺，所以隨便進去充饑。菜單上種類算是較多，聽聞當中的吉列豬扒飯份量既大塊且香脆，不過為免喉嚨痛發作，我還是望而卻步。【蒜蓉炒菜心】愛挑吃菜葉的我，常常怕莖部會很硬，不過這碟還好；蒜蓉味道亦算適中。【咖喱牛腩飯】大家有否留意多半的咖喱飯，無論是配以雞肉、牛肉或羊肉，總是只得一兩件薯仔呢～ 到底是薯仔的成本比牛肉還要貴？或是怕食客投訴偷工減料？偏好薯仔的我，每逢點咖喱吃，總會因為薯仔太少而失落。這裡的牛腩炆得十分鬆軟，基本上一夾起便會散掉，但勝在咖喱味猶存。【菠蘿生炒骨飯】別看它賣相不錯，實為劣質之作。首先，菠蘿和青椒完全沒有溫度，吃下去猶如生的一樣。其次是生炒骨不夠香脆，而且炸粉味十足，炸粉和骨中間似乎沒有殘留些什麼。【燒豬頸肉 配黃油飯】雖然肉質柔軟，不過再熱一點會比較好。飯粒既乾身且硬，我吃了幾口便放下了。【雞腳菜乾湯】雖為餐湯，但是很有派場吧！竟然給我原隻雞腳呈上…【焗海鮮青口飯】賣相認真不太好，白汁似乎略為過盛，不過配料尚算不賴，這隻青口也佔了三分之一大。&#

表姐同慶祝生日, 所以就去咗油麻地 "味皇餐廳小廚", 我地叫咗....椒鹽腰果粒粒骨 $45 - 炸得唔會黑蚊蚊, 而且啲骨好入味. 真係好香口呀. 腰果翠玉瓜炒虾球 $50 - 我覺得味道比較淡. 不過虾球都 ok 砂鍋云吞雞煲 $68 - wawawa 呢個真係好好味. 雞又唔鞋, 湯又濃味...good 呀梅菜扣肉煲 $45 - 表姐話扣肉幾好味, 入味夠林. 不過梅菜唔 ok, 浸得太耐了 加 $6 有一杯 "柑桔話梅蜜", 真係好好飲架. 下次禾都試下自己整下先得 下次可以再試

同友人食飯, 因費事等位, 見有位就一試, 點知出事.....先黎個海南鷄飯, OK 我俾7分之後個雜菜煲, 係一個白開水淥菜, 湯底都無, 0 分 之後椒鹽骨, overcooked, D 肉好實, 唔合格最後係全晚最貴的豉汁蒸鱔 $50 一碟, D 肉係"梅"既. 豉汁 ok , 俾1分 (10分為滿分)哩道餸菜唔係平, 俾一般茶餐廳貴, 但食 D 咁野, 真係怕怕, 永不錄用, 下次貪快都係去快餐店

0係附近做0左2年幾0野都無0黎0個呢道。有日lunch我同同事話不如食 海南雞飯，有個同事就帶0左我0地0黎呢道0勒。海南雞飯 果然好好食，尤其是個ginger醬--勞飯得，點雞都得。得0左，無得彈!!豬頸肉飯 個飯居然係海南雞飯0既雞油飯，但係豬頸肉就有0的 hai 同無乜味。咖哩牛腩飯 都幾靚仔，但係我就未事個。羅送(餐)湯 都幾濃幾好味環境就好茶餐廳。 以茶餐廳環境，佢唔算最平，但係好足料。雞飯好多雞。豬頸肉飯好多雞豬頸肉。直得一試。

呢間野之前都食過幾次，麻麻地咁啦。個中湯唔錯，好濃味，似真材實料煮出來。今次同朋友都食左海南雞飯 HK$35 套餐包熱飲 或湯呢個海南雞飯就唔得啦D肉白色....超粗糙.....完全唔滑後來發現原來想食滑的就要加hk$5 指定要雞脾肉D飯仲恐怖，好似油浸飯....食完見到個DISH仲有一層油....真係肥死以後都唔去食!!!!

又跟同學去食飯今次選左味皇主要係想食雞今次叫左個酸辣無骨雞飯(正確名稱唔係好記得)又ok喎，幾好食，d雞肉幾結實，個酸辣汁幾野味，仲跟一個老火湯

點了兩個餐，送飯同湯，合共90元。啫啫雞煲…聞到香噴噴，食指大動，咁多實飽到郁唔到，雞肉十 分鮮嫩，雞肉充分地吸收了乾蔥、蒜等配料的香；豬膶爽脆， 醬汁香濃，吃過後即時暖笠笠。菠蘿生炒骨…我較喜愛菜色之一，望似簡單，但做得好就難，尼到都可接受， 咸，酸，甜的平衡都做得幾好，不好係骨多肉少的排骨兼裹满了炸粉， 不够真才實料。兩樣都係送飯一流。

由於附近餐廳價錢頗貴,找來找去都看似這間較便宜,便走咗入去,點知入到去感覺唔多好,啲伙計態度唔友善,有點目露凶光,啲位又唔多好坐,感覺上間餐廳好似係專做遊客生意,一點都唔友善.講返食物,豉椒斑腩炒河,非常普通,無甚得評,不過個厚切豬扒煎蛋飯,唔知點解要等好耐先嚟,耐既時間係食完碟炒河都未嚟,塊豬扒尚算淋.呢一類茶餐廳雖然預咗無服務態度,但係都不能至於坐低感覺唔好.

以前住在油麻地, 這裡是我幫襯得最多的茶餐廳, 尤其當我想食雞的時候今天因工作關係路過此地, 入去點個無骨海南雞米線回味一下!其實在香港食雞, 只求肉質嫩滑已經收貨, 夠不夠雞味已經不再是重點, 因為在活雞供應越來越少的今天, 這個似乎已是過份執著的要求...一直幫襯這裡的最大原因, 就是他們的雞很有雞味! 而且雞肉結實, 感覺上像是吃走地雞一樣! 不過是不是真的走地雞我沒有證實過, 因為如果她們是用上走地的活雞那真的很不得了了!這天, 又因為吃到好吃的而心情好了一整天~其實餐廳級數一點都不重要, 重要的是食物質數!

第一次來 是弟弟生日 家人求其找個地方吃個晚飯第二次來 就是特意回來找抵吃的牛扒!兩次吃的 都叫了肉眼扒不像一般的平價牛扒 (或大家樂的) "那"的過了火但肉地仍是軟軟的有肉味大大塊xp只是$45!西湯兩次都叫了紅湯 (因只有紅湯跟中湯選-,- 沒理由要中湯麻-,-)不過不失不是太水也不是太濃第二次又叫了炒通菜一開始吃還算不錯 (可能因為見到kitchen內裡火光雄雄 又加了幾分xp)但吃久了 放久了 快吃完之前菜開始沉於fuyu汁中變得有d咸又有d飽 就不吃下去了....最後...有些服務生有點惡@@

我不留都喜歡食海南雞差不多專賣海南雞既都會去試今日想食雞去金山樓唸住買半隻雞外賣返屋企食但又賣哂咁啱附近見到有雞食完來係味皇呢間味皇從未試過..油麻地彌敦道個間就食過都可以啦''但呢間Ｄ雞好肥好厚皮雞肉好難..最得人驚係Ｄ油飯完全爛到似糊狀再加上完全係油浸飯真係從未食過咁油咁爛既油飯真係好嚇人..所以只係食哂Ｄ雞飯就完全食淨//可惜浪費了食物但係呢間招呼係好好可惜食品咁不濟請打理人注意一下食品質素先比人食

叫左個無骨海南雞飯，央走(落煉奶代替砂糖)，外賣。收銀姐姐重複一次，但說了焉央，我提返佢落煉奶，收銀姐姐話："哦～你下次叫焉央走丫嘛！"．．但我有講不過茶餐廳係咁上下啦，算吧啦～之後我見佢落單都有寫，但水吧冇落到煉奶，我最後都係要返到屋企自己落．．．海南雞同最近食既幾次都係一樣，好韌～記得初初光顧這集團的海南雞飯才上年既事，係經一位在這集團工作的朋友介紹說這產品一直很受歡迎我才去試！頭幾次真係好好食，唔鞋唔韌！唔駛大力趙～我仲介紹過同事食，同事都讚不絕口可是現在已食唔返以前的口感了．．．會趙到兩邊頬骨感覺酸軟，像香口膠～我朋友說公司已轉了供應商，真可惜．．．不過我仍然會繼續支持，因為我貪佢ｄ海南雞起晒骨，而且雞油飯好香好濃郁，點雞的汁都好惹味～Yummy

來到佐敦區，食的選擇真的多如天上星星，有道花多眼亂，在這區街頭來來回回，終於選了門面開揚，人多熱鬧的味皇！心裡沒有特別期待，只想五臟廟盡快有東西到肚吧！點了一味豉汁蒸倉魚，去骨海南雞和肉碎四季豆；倉魚由於有豆豉等配料一起，所以很惹味，普普通通喇；去骨的海南雞樣子與味道都好，雞肉嫩滑，沒有抽秤的餘地了；至於四季豆就差強人意，別處吃到的會加上欖角，會令整個味道和諧，就因為欠了這一樣，整碟四季豆都失真了！可以加回少少分數的，就是下鑊前豬肉與豆都要切碎的工序多了些吧！

其實已經係第三次係呢個舖位食野，但係今次而經同以前唔同左名，所以都要再食。店舖裝修冇變，依然好光猛。如果想食前身個間茶餐廳既名菜深圳向西雞煲已經冇可能，因為佢餐牌已經唔同哂。佢既晚餐選擇甚多，價錢由$32-$45不等，而家食茶餐廳唔係平架喇(不過總好過太x燒味話$44一個餐蛋麵都話係特價左好抵) 呢間係一間專食雞既茶餐廳，咩泰式海南雞、手撕雞、酸辣雞....花多眼亂。最終叫左晚餐既沙薑雞飯($35)+焗鮮茄魚柳飯(超大碟, $45)，配飲品(其實係湯或飲品)，但係侍應硬係問我地飲咩，唔俾人鐘意要湯唔飲野架?個沙薑雞個醬好似冇咩鹹味，d雞亦唔夠滑! 不過個魚柳飯就幾香，茄味夠濃，可能好過某些打正旗號做西餐既餐廳!當晚有啤酒姐姐推銷啤酒，但係銷情麻麻，不過佢放工後就好多人飲啤酒，下次啤酒姐姐遲d開工可能好d!

星期五同爸&媽一齊出去食飯,本來諗住去唯珍,點知勁多位,又要等位,所以行左尼呢間,記得christmas係度食過個豬扒包,好好味,好新鮮!生炒排骨(包飯+湯)($45): d排骨好多豬油,好少肉,非常一般泰式炸魚(烏頭)($45): 我唔食魚,所以唔知好唔好味,但ma話好味,條魚好夠熱,好脆,唔腥砂窩雲吞雞($45): 5隻雲吞,一d素翅,都ok雜會炒麵($35): d麵都脆,一般總括來說,唔會特登過尼食!p.s.好似裝修過,另價錢貴左!