味旨和料理 (已結業)

Weekday night近近地在太和火車站食，男朋友話呢間日本餐廳係新開，可以一試。晚上人客唔算多，冷氣略涼。其中幾頁menu~首先上菜係壽司。三文魚壽司（$16，2件）夠新鮮美味，而火灸左口魚（$38，2件）就有啲失望，太有嚼勁，都幾難咬開😂火灸左口魚應該要入口即溶先係上品囉！重頭戲來了～味噌黑豚野菜鍋（$98）加配烏冬（$25），入面有輕微的七味粉香，好惹味！個湯底好正，正到我地食完烏冬仲要額外叫多碗白飯（$12）黎食！當然少不了我最愛的雞翼啦！（$22，2隻）鹽燒夠晒味！臨走前仲叫咗客枝豆食下，好大粒，少少咸得黎竟然有啲甜，都幾特別，不過啲甜味唔係好啱我口味～埋單盛惠$239～結論：三文魚壽司同黑豚肉野菜鍋好食♥️…查看更多

這家在大埔的餐廳日式氣氛濃厚，真心高質居酒屋平日晚上客人似是附近居民多,大多是一家大小吃飯,所以不會太嘈吵,跟朋友聊天也相當方便我們點了一個2人套餐,先來的是刺身和壽司刺身整體新鮮,而且厚身,特別喜歡吞拿魚,咬口軟熟新鮮,鮮味出眾三文魚油脂味強,值得推介壽司刺身也是相當新鮮,值得一讚是手握壽司握力剛好,飯團緊度足夠又不會太熱,一流的功夫接著來的是炸豬扒定食加珍珠白飯,豬扒不用再調味，非常爽囗香脆，鮮香十足。而且餐廳已經切開了，容易食用。金菇牛肉卷 囗味厚得來，又不會太硬,牛肉肉香濃郁,油脂味非常高，但有金菇平衡了油脂味。一味放進咀裡慢慢吃會更好吃。這個有馬山椒汁燒雞扒記得熱的時候吃，非常厚身，口味十足，香氣四溢。肉質也十分鬆軟這個味噲湯我們最後才吃，味道鮮香，入口非常清爽…查看更多

Dropped by this restaurant at Tai Wo with my cousin and little niece last week. We ordered quite a lot as we were really hungry after cycling.Sushi were fresh and tasted as good as they look.Tempura are really good especially the shrimp tempura. The combination with pink salt is very new to me and they were surprisingly match.There were a lot of seafood in this tomamto seafood soup, e.g. salmon, shrimps, mussels, scallop, etc Last but not least, I MUST introduce this baked corn with mozzarella cheese. As a cheese lover, this was my favourite dish of the day. My niece loved it too he even requested for another one after we finished this. I think this is a really popular fish among children as I saw quite a lot of tables around us also ordered this.Food here was really nice and the proportion of most dishes were HUGE which I think is really suitable for family and friends gathering.…查看更多

而家長駐沙田區，所以開始會喺馬鐵、東鐵沿綫搵食。😋 今晚就去左大埔同太和站中間既呢間味旨和。佢係一間價錢幾親民但質素又唔錯既🇯🇵日本餐廳。先講壽司拼盤，一共十二件。用料全部超級新鮮，每款質素都唔錯，最中意係帆立具同油甘魚🤤 兩者都好肥美，油甘魚更係入口即溶，吃罷猶有餘韻，令我好不回味！其他野例如天婦羅同海鮮鍋都係極度足料，我地兩個人食唔哂個海鮮鍋😂 海鮮鍋除左浮面既三文魚、青口、蝦之外，湯入面仲有大旺蔬菜及菇類。蕃茄湯底亦非常香濃，搞到我唔小心飲左三碗🙈炸天婦羅亦係超級正！仲要有我最愛既炸南瓜，南瓜好甜好柔淑，配上香脆既炸皮口感夠哂層次。另外仲有我細個最中意食既焗芝士粟米😍芝士可以拉絲到天咁高，好開心啊😍呢度雖然係日本餐廳，但呢個燒羊架係不得不介紹。羊架肉質鬆化，調味十足，唔洗點薄荷醬都夠哂惹味。最後，老闆仲介紹左新既綠茶可樂比我地。食完呢餐飽到捧住個肚又唔傷荷包 大滿足啊💕…查看更多

來香港工作差不多半年了,這天香港的同事生日,我們便吃飯慶祝，選了這間日式食店，它們串燒用炭火燒的，味道會比較香，坊間也較少吃得到，比較特別。來到店內，環境有點幽暗，十分有情調一坐下就先來了三文魚沙律當前菜，店員介紹這個沙律可以一試，吃來微甜的醬汁再加上新鮮的煙三文魚,味道真的不錯，每款都很新鮮，份量也是不錯的厚燒鰻魚壽司這個鰻魚壽司每人一件，味道由師傅秘製，香燒同時搽在鰻魚表面，讓鰻魚的濃香徹底滲入，鰻魚肉爽滑細嫩而有味，份量都算是多，這價錢算是物超所值。刺身和壽司拼盤都十分吸引,最好吃的一定是原板海膽，因為價錢非常吸引，不貴的價錢下便可以吃到迎鮮海膽，在香港應該很難找到,在台灣也不多,店員說這個海膽是日本貨，吃了後覺得是沒有騙人的.海膽新鮮不會有有怪味，還配有紫菜，整體味道也是相當出色。海鮮湯燒出來的時候十分熱，湯底味道剛剛好，蝦肉口感爽有彈性，味道更是十分鮮甜，令人回味。蝦串燒,朋友看到非常高興，所以決定一試，它的厚度咬口一流，蠻爽的，炭火鹽燒安格斯一口牛,十分惹味，喜歡安格斯牛的朋友一定不可以錯過。甜品來了個特別的紅豆年糕,年糕味道十分濃厚，且帶有奶香，十分討好，估計不到原來年糕也可以炸成不油膩的口感，值得一試。想吃日本菜, 香港有很多, 但地道又抵吃的, 必然選擇這一種, 選料上乘, 烹煮得出色, 值得再來!…查看更多

一大班同事ot完畢，又有少少肚鋨，一於去食串燒，又可飲酒，又可一邊吹水，十分寫意。餐廳營業時間晚上，真的好適合上班一族。叫夥計介紹飲什麼配燒物好？佢推介以下三支給我們，全是日本純米大吟讓，酒精濃度去到15-18度，對於女仔我來說要溝茶或果汁，但男仔就好鍾意。講番野食，我order鐵板安格斯一口牛,牛非常大隻，啖啖肉加上香蔥及蒜蓉非常可口，絕對無沙，仲燒到剛好熟，yummy!軟殼蟹卷.油脂㪚發適到好處，靚嘅軟殼蟹輕量調味已經令它散發美味。厚燒鰻魚壽司,講到燒鰻魚一定日式煮法最出色，滑度恰到好處，中間有鰻魚汁，咸香感令鰻魚絕不空滑，又一絕。餐廳另一招牌菜，海鮮野菜餅天婦羅,要調味再吊起令天婦羅乾身，燒出來脆皮，再臨食時加青檸汁又一芬芳。煙三文魚沙律,是女仕恩物，唔會肥膩。黃金蟹膏櫻花蝦海膽炒飯,櫻花蝦一啲都唔韌，炒飯口感滑滑的，，開心share with 同事海膽好新鮮鮮甜，其他鋪頭未必做得咁好。價錢唔貴,回頭率高!!!!!…查看更多

因為公司的關係,一連數天的假期終於到來！放工後是時候跟同事去happy hours 聯誼聯誼下 同事推介下選了位於大埔的居酒屋 -味旨和料理這家餐廳的氣氛很好，日本的居酒屋格局，聽著日本音樂，可以邊聽邊飲邊聊邊吃，確實很爽！食物以刺身,小食、燒物及串燒為主，想飽肚也有烏冬、拉麵等等，選擇很多！Drink List 也有不少選擇新鮮生蠔，用上既真係日本進口生蠔,味道幾清新,鍾意食蠔既朋友一定會大愛,落小小檸檬汁會更好味！芝士腐皮蝦膠天婦羅,芝士同天婦羅應是絕配吧？究竟加埋蝦膠味道會係點？蝦膠肉質非常非常爽口而又軟淋，芝士味很濃郁，天婦羅炸得好乾身，外層燒過很脆很香口，非常好吃。黃金蟹膏櫻花蝦海膽天皇炒飯,海膽的清甜剛好中和的飯的厚重感覺！海膽真的很鮮嫩，一切開還看到美美的金黃色！再加上炒飯已經很好味很滿足。配菜還有櫻花蝦，吃完一片海膽再吃櫻花蝦，感覺特別清新可口。　整體味道很好吃!!!!!!…查看更多

今日同朋友慶祝生日所以就去咗大埔味旨和料理坐底食飯順便吹吓水,點知一打開門就覺得好驚喜. 感覺好似去咗札幌嘅居酒屋一樣好熱鬧又坐滿曬人。成件事好開心。2個人黎,唔駛食好多野,今日反而想食D熟食多D,唔想食壽司黑蒜叉燒豬骨湯拉麵,湯底味道幾濃厚,呢個我諗去拉麵店都未必食到呢個味道,湯底幾有水準,叉燒唔太肥,入口岩岩好,麵條幾煙韌彈牙,而且好大碗,夠曬飽蕃茄海鮮野菜鍋,入面有一咬落去多汁又有青口,鮮甜係重點,再加埋個蕃茄湯底！我本人覺得呢個湯底好夾到海鮮嘅味道完全唔會搶味~.另外蝦肉質爽口彈牙新鮮度係完美食落完全冇沙~佢既鮮甜真係講唔到嘢去形容最後都食左個刺身沙律,依度既煙三文魚都幾有鮮味,沙律菜好開胃,作為最後小食都唔錯.下次可以試下依度既刺身,應該唔差又搵到個可能飲飽食醉嘅地方！開心緊係要叫D野飲下高興吓啦！叫左日式桃味汽水，飲完再吹左陣水,下次會再黎…查看更多

刺身不新鮮！鰻魚天婦羅非常腥。烏冬湯底過鹹。除了年糕較為正常外，其他食物的品質不太好。難怪晚上亦只有少量客人。因看見openrice上沒有劣評才來光顧，但卻令人非常失望…查看更多

住大埔其實都習慣咗步行，我回家的路很遙遠，因為住嘅地方就係喺大埔墟同太和嘅中間，有時候搭火車行出來，會見到隨意好多嘢食,我自己就偏愛食日本菜。大埔除咗連鎖嘅日本料理之外，我最喜歡都係呢間味旨，皆因刺身質素高，喺大埔食到飛機貨真係難得。另一吸引我嘅地方就係免收加一呀！一坐低叫支特色飲品先慢慢睇MenuMenu第一版好特別，講天婦羅的故事，咁我都大概估到師傅應該係幾專注做天婦羅嘅，決定叫特別推介！活蝦天婦羅，果然係有質素之選，大埔應該冇乜邊一間日本料理會用活蝦來做天婦羅咁高質素，重點係價錢親民，我覺得直情食到高級酒店的美食一樣，鮮甜富彈性。蒜香燒廣島蠔，係我心水推介之一，蒜香撲鼻，蠔肉入口 creamy 我覺得最驚喜都係個特上刺身盛物拚盤 $398，有我最愛的吞拿魚腩，入口即溶。其中一款係海膽，海膽色澤新鮮，香而不腥，入口味道濃郁到極致，滋味無窮。仲有就係好似喺北海道食到嘅牡丹蝦一樣咁鮮味。坐得舒服又抵食，值得下次再來幫襯。…查看更多

今日行過這裡又比我發現了間新嘅日式料理店，望真啲係間新店，唔係以前個間，望吓餐牌價錢都ok，入去試吓，裝修整潔，靠牆位置有卡位，地方闊落座位舒適，再望望餐牌，食物選擇類型都十分之多，有套餐或從餐牌上選擇，今晚就試吓由個餐牌選擇，一打開就有重點推介，活蝦天婦羅(3隻)$68，同平時有什麼不同？如果喜歡食天婦羅嘅我當然係食炸蝦啦啖啖肉，而呢到就係用活蝦做炸蝦嘅材料，叫了一份試試，首先入口時會發覺啲炸醬唔會太厚身，啱啱好，而入口蝦肉肉質真係相對彈牙爽口，加埋少少岩鹽，味道更佳！而個蝦頭亦十分香脆可口！當然要加杯啤酒$35，更加配合！見到個特上刺身盛合拼盤$398有差不多八樣刺身選擇，計落都抵食過單點，要食就要食最好，有最愛嘅海膽，雖然份量少但勝在味道鮮味；又有肥美嘅吞拿魚腩，入口即溶，而深海池魚肉質緊實而爽口，味道鮮味；油甘魚脂 肪分佈平均，肉質很甘甜，口感油滑幼細；牡丹蝦肉質爽口彈牙；帆立貝肉身肥厚，味道鮮爽帶甜，喜歡吃新鮮刺身嘅朋友，呢個都真係推介！係呢個地方用呢個價錢品嘗一餐滋味美食，感覺真好！…查看更多

鐘意周圍食嘢野既我又係附近開飯，其實我住開呢度本身係冇乜好嘢食，但近幾年真係多咗食肆，而且仲越開越多不斷擴大，唔駛下下搭車出去食近近地食夠方便又慳時間，講番今次係食日本料理，係呢區來講真係冇咁多選擇，不過今次終於發現呢間日本料理店平時行開冇留意到就直行直過，而且仲係開張冇耐所以冇乜人知，我就今次去品嚐一下唔知有冇驚喜，入去坐低先看餐牌，大致上有齊刺身，壽司，天婦羅，串燒，爐端燒，揚物同御飯等美食連豐富套餐選擇，而且價錢又唔貴可接受:)就點咗幾款品嚐先有係天婦羅，原條海鰻魚炸至金黃色，入口好香脆粉漿脆薄咁先係天婦羅做法，食到魚肉嘅鮮嫩香甜，輪到有燒和牛粒串，和牛肥瘦適中灑上少少黑椒粒，食落肉質細膩味香濃啖啖肉再來爐端燒係蒲燒深海鰻魚，已聞到鰻魚香味趁熱食咁先最正，鰻魚燒得啱啱好食到香脆魚皮，魚肉嘅鮮嫩帶點肥美口感豐滿當然唔會少咗壽司，要咗味旨壽司盛合拼盤（12）件，已可以食到不同時令刺身壽司賣相精緻，又有我至愛吞拿魚腩，見魚腩夠光澤就知好味，入口鮮甜又滑溜，真係得1件唔夠喉，唯有食埋其他先至滿足，又估唔到其他款式食落都肉質鮮嫩完全有驚喜最後食埋一品料理大板風海鮮煎餅，回味一下呢種風味已經食得好飽滿又多一個開飯嘅地方，唯有留番下次再品嚐其他美食…查看更多

上個月去完日本旅行, 可惜食到既刺身串燒都未令我滿意, 決定返香港要瘋狂食返夠數!!!呢間位於大埔餐廳集中地既味旨日本料理餐廳, 經過幾次想試, 今次就揀呢間食餐廳內裏裝修型格中有格調, 有點帶有日式風情枱設計既感覺, , 哈哈~幾有趣。廣島蠔蒜蓉燒,味道幾到位既小食! 廣島係地方名, 亦都係我好鍾意既地方鮮蠔沾左醬汁再燒, 蠔本身幾嫰滑, 但呢道菜靈魂之一就係佢既汁, 第一啖食到係常見既味醂帶甜既味道,  幾有層次, 本身我食燒物最怕係好傑既汁, 但食呢個蠔郤令我忍唔住成舊一口氣食曬串燒就係居酒屋既代表食物之一吧, 呢到串燒選擇好多, 即叫即燒, 上枱依然見到冒煙就知温度有保證~串燒中除左牛舌之外, 煙肉荔枝串燒都係常叫, 呢個幾推介!! 最正係塊牛舌!!!!燒得相當乾身,佢用既係牛舌靚既部位,所以唔會有羶味!!! 入口有咬口同煙韌感, 兩種口感同時在口腔爭寵, 十分滋味!而荔枝煙肉同樣紮實又帶動人既口感, 入口荔支會糠汁,煙肉燒得好夠味,好好食!!!!菠羅串燒,呢個都係常見既串燒, 菠羅其實係營養價值相當豐富既食物, 又可以抗衰老、皮膚好、對心臟有益等等(吃貨總係對食物既好處好好記住, 就可大條道理食多D 哈哈XD) 一碟都有6塊, 燒得岩岩好,唔會好乾, 調味唔多, 更能突出本身獨有既香味。蝦肉脂肪偏少而肉多, 正合我意~ 未食都聞到油香四溢,正正係蝦串燒唯有既特徵之一~  我同朋友每人都食到一隻, 我最中意當然就係落埋檸檬汁, 對我黎講, 無檸檬汁就無咁好食芝士厚燒玉子,好彩呢到都有玉子燒食到,  玉子既份量幾大,仲有流心既效果, 玉子燒好飽肚, 加埋咁多串燒, 滿足地離去~…查看更多

雖然近幾年旅遊的目的地都是日本，但在香港能品嚐到的東西往往在外地便會光芒頓失，因為即使在日本人氣有多高、分店網絡有多方便的餐廳，在香港也絕對有機會吃到不過吃慣了油尖旺區的日本名店,有時間也想回歸自然,吃一些遠離市區的居酒屋,不過並不是每一家也有質素,幸好這次女朋友家附近這一家味旨和料理算是較有質素的居酒屋跟這位女朋友拍拖後我才開始走進大埔,這家味旨裝修不錯,頗有和式風味看著餐牌,這兒主打的是天婦羅,喜歡天婦羅的我正好不過具有嚼勁的「活蝦」可說是天婦羅料理中最具人氣的食材,這兒用的更是即日新鮮活蝦,常被指稱就算說「吃天婦羅就一定要吃這個」也不為過的經典就是「活蝦天婦羅」了。蝦子本身的多汁與麵衣酥脆咬感即已是令人陶醉的美味。不論是單吃即可口，還能與許多料理搭配，如：烏龍麵、蕎麥麵、丼飯、壽司，還是御飯糰等料理，享受多種變化，當然最棒的就一定是單單吃炸蝦天婦羅了.除了醬汁之外，也可以配合鹽巴一起吃。所以除了食材本身滋味之外，依據不同調味料所創造出的滋味也是享用天婦羅的樂趣。份量方面適中,而且相當乾身,看來餐牌上說老闆是得獎天婦羅廚師出身的話並不是自吹自擂鰻魚天婦羅,原本不喜歡吃鰻魚的我,也不禁愛上這一款天婦羅,外皮香脆之餘,內裡的細骨炸了後也是可以咬碎入口,點上醬汁吃更是不錯串燒方面吃了數款,不過最有印象的是這款雞軟骨串燒,炸得相當香脆,但口感又不會很硬實,面習的海鹽味道剛剛好雖說在日本,高級料理、宴會料理也會推出天婦羅，但天婦羅同時也是各家庭都能享用的庶民料理，因此從日本高級料理店到有如連鎖餐廳的家庭料理店、居酒屋、日式料理店等多種店家都會提供天婦羅料理。而這家味旨和料理,是少數在香港可以真能嚐到最正統的天婦羅滋味。喜歡天婦羅的朋友一定不可以錯過…查看更多

依間日本餐廳晚上都幾多人，D刺身好似幾靚,決定一試味旨壽司拼盤,成個畫面好靚師傅上一件壽司，睇落去已非常肥美，一上即食，非常鮮味~海膽壽司 - 嘩，滿滿的海膽，睇住師傅加呀加，加呀加，撘左幾層，真係好開心。食落鮮甜無比，真係好正!,紫菜好脆,口感一流帆立貝壽司亦都係一個驚喜,刺身比其他店食過既更有味道,醬汁點小小已經好夠味櫻花蝦壽司- 師傅推介壽司，果然蝦味好出，好爽口,飯團好實,一流手工。三文魚好肥美,好香濃既魚味,油脂濃郁，漏晒出黎赤身吞拿魚- 脂肪分佈好平均，入口好快溶吞拿魚腩- 啲脂肪走曬出黎，好香，油份好高，好愛呢件。三重味覺享受~整體質素唔錯，為這一餐劃上完美的句號。…查看更多