味吉長龍

《味吉長龍》吉龍，北海道豚足鹽味濃清湯拉麵 🍜📍尖沙咀漆咸道南17-19號帝后廣場地下7-8號舖第二次食呢間店，上次試左白龍，白松露慢煮叉燒濃清湯拉麵，今次試另一款：吉龍，北海道豚足鹽味濃清湯拉麵 🍜首先講個湯底。店家叫個湯底做 ”濃清湯”，我覺得好特別，唔係因為個名，係因為呢款濃清湯其實就係豬骨清湯。豬骨湯底十間有九間九都係做成博多風豬骨白湯形態，而豬骨「清」湯，而又做到又濃又稠又清澈，我就絕少响香港搵到。比起上次食，今次湯底嘅鮮味更加來得驚艷，因為上次款白龍加左松露。我一直都比較少揀加左松露或櫻花蝦嘅麵款，因為只要有佢地，其他味道多數會被蓋過。而今次款麵，我就揀左淡醬油口味，而醬油味不但唔會蓋過豬骨鮮味，仲起左相當嘅提鮮作用，我第一啖飲個湯心入面真係嘩左一聲！另外，比起上次食，今次湯嘅甜味明顯地降低左，對於我呢類唔喜歡甜湯頭嘅人來講，實在更討喜。麵條方面，中細，微曲，偏黃，口味扎實，麵味夠強，配醬油味幾夾。再講具材，重點當然係豬腳啦！我本身偏愛炆得又稔又爛嘅豬腳，好似食豬骨煲入面d咁。而呢度嘅豬腳正正符合我口味，調味剛好，又夠膠。豬叉燒方面，比上次今次明顯改善左。上次略乾柴，但今次夠粉嫩，肉味又夠鮮夠甘香，好好食。雖然可能係巧合唔定，今次碗麵嘅質素明顯比上次有改善，我就相當滿意，亦乜都清晒完食，除左d豬骨 😂。…查看更多

餐廳位於尖沙咀漆咸道，門面雖然唔算大，但入面裝修以至牆上的掛畫及燈籠都充滿濃厚日本風，感覺仿如置身日本。 店舖的拉麵主打特色濃清湯，選用新鮮豚肉骨配以日本蔬菜秘制香料熬足最少12小時而成，試一試就知得唔得❇️特濃蝦湯拉麵 $128▶️每次食日本拉麵，我必定會先試個湯底，因為湯底就係一碗拉麵的重點及精華所在，無論太鹹抑或唔夠味，已經可以斷定碗拉麵唔合格。而呢款拉麵，一上枱見到湯底色澤深而且濃稠已經覺得不錯，飲一啖口腔充滿濃濃的蝦鮮味🤩但又唔會過鹹，飲完唔會覺得好口渴，試得出的確落足心機，果然有水準！👍🏻配料亦好足料，有4隻鮮蝦，蝦肉隻隻爽口彈牙，仲有一片慢煮叉燒，厚薄適中咬落軟腍，其他配料有半隻糖心蛋、香筍及炸日本牛膀條，炸過的牛膀條香香脆脆，同平時食開的牛膀口感唔同，估唔到又幾好食！😋❇️北海道豚足鹽味濃清湯拉麵 $ 108 ▶️除咗叉燒，又想試下佢地的豬手，所以就叫咗呢碗。湯底揀咗特製味噌，入口濃郁得嚟帶點點清甜感覺，唔會有死鹹的味噌味道。入面有3大片叉燒，好足料！😍另一重點係北海道豚足，好大隻，肉質腍得嚟又有少少咬口，麵條軟硬適中，爽口彈牙！😋❇️自家製魷魚豚肉餃子 $ 48 ▶️餃子底部有香脆炸皮，餃子皮唔會好厚，最欣賞係餡料入面除咗一貫都會有的豚肉之外，加咗魷魚粒，彈牙又有咬口，比起平時食開的餃子口感更為豐富，令整體味道提升，實在有驚喜！❇️鮮蟹肉忌廉薯餅 $38▶️最頂舖上蟹籽，下面有蟹肉蓉，入口有淡淡蟹鮮味，薯餅唔會好油，加埋蛋黃醬味道不錯！❇️飲品方面揀咗平時較少見的靜岡綠茶可樂 $28 及 富士柚子汽水 $28，味道清清地唔會太甜除咗拉麵，仲新推出兩款飯類，下次有機會再試下❇️據講拉麵每日只賣100碗，賣哂就收舖，所以要食就最好早D去啦！…查看更多

好耐無食拉麵, 係尖沙咀跳完舞, 就黎到呢間新開無幾耐的拉麵小店食晚飯, 呢度裝潢好有日本居酒屋feel, 牆上貼滿海報同燈籠作為佈置餐牌簡單易明, 主打濃清湯, 選用新鮮豚肉, 揀左邊款麵, 可選三款湯底: 海鹽､醬油､味噌:*巨龍 ~ 特盛慢煮叉燒濃清湯拉麵 $108選了海鹽湯底，味道香濃，拉麵爽口彈牙，慢煮叉燒好大塊, 份量唔小，軟腍不會肥膩，配埋溏心蛋, 蛋黃味濃郁, 仲有香口的炸日本牛蒡, 好脆, 記得要快食, 唔係會腍左*白龍 ~  白松露慢煮叉燒濃清湯拉麵 $108揀選了味噌湯底特別啲, 試下湯先, 飲落不會過咸,味道濃郁, 拉麵軟硬適中, 配以白松露, 都幾香, 豚肉新鮮軟腍*自家製魷魚豚肉餃子 $48餃子外面煎得香脆，豚肉加上魷魚和蔬菜，口感十分豐富又有咬口，點埋特製醬汁，更提味*蟹肉忌廉薯餅 $38一小件岩哂一人食, 炸至脆皮金黃色，不油膩。咬開軟綿又香口，加埋小小忌廉醬和上面的飛魚子，更有口感富士柚子汽水 $ 28 ~ 清爽帶點香甜柚子味又有小小微酸, 好岩夏天蕃石榴汁 $ 18 ~ 冰凍解渴佢都有午市套餐和冷麵提供, 又俾多個選擇大家, 而家仲可以儲印花卡, 集齊可以換小食和拉麵, 真係太好了! 下次想試下冷麵, 岩哂夏天!…查看更多

一向喜歡日本拉麵既我，飲一口熱湯入肚，暖胃又暖心。今次去到尖沙咀新開既味吉長龍，依間係石亭同沃川兩間尖沙咀居酒屋嘅新分店 (歷史26年同23年，同一個老闆)，清湯路線為主，香港市面上無咩人做，想「簡單直接」唔想玩花臣，沃川同石亭個風格都係一樣。裝修以日式、木系為主，牆壁掛上食物圖像設計，以及日式擺設及掛飾，環境舒適寫意。餐牌上有多款拉麵、慢煮叉燒日本產米飯、日式小食、汽水果汁等等  ;  午市套餐 (拉麵價+$38跟小食飲品)，選擇多元化，真心覺得唔錯呢。我地就揀咗2個拉麵套餐，拉麵、小食及飲品。金龍 - 濃湯海老拉麵         $128遠處已聞到陣陣海老湯氣味，香噴噴，廚師精心烹製嘅豚骨清湯底及海老湯，在口裏充滿濃厚嘅香味，鮮味十足，而大蝦彈牙爽口，鮮味十足，叉燒一咬即化，口感軟綿，半熟玉子嫩滑可口，拉麵吸入左湯汁，味道特別香濃，無論夏天或冬天都適合食碗熱熱嘅日本拉麵。巨龍 - 特盛慢煮叉燒濃清湯拉麵          $108依碗巨龍嘅叉燒份量係一般嘅3倍，所以絕對適合愛食肉既人仕，薄叉燒肉味濃，口感同樣一咬即化。湯底色澤清徹，味道清甜鮮香，都帶有豬骨味道，麵條亦是新鮮製造，配有半熟玉子、蔥、炸牛蒡，不油不膩，口感輕盈，不少拉麵控都會慕名前往。自家製魷魚豚肉餃子        小食有8款選擇，點咗魷魚豚肉餃子，自家製作，外皮炸至金黃，香脆可口，餡料包著魷魚和肉，味道鮮美，口感豐富。味吉炸雞另一小食揀味吉炸雞，外脆內軟，雞肉好滑，入面仍保持肉汁，沾上日式醬汁更惹味。日本 Tomomasu Soda (西瓜) 日本西瓜梳打，西瓜味香甜，梳打嘅甜味自然，唔係果種重糖漿味嘅梳打。日本 Tomomasu Soda (白桃)每次吃拉麵必點嘅梳打汽水，桃味係我其中喜歡嘅一款，清甜桃味，冰涼解渴。…查看更多

大師同我都滿滿期待咁黎食拉麵…因為佢係石亭同沃川老闆開嘅新店黎~沃川係難得稱得上 “隱世 . 優質” 嘅好店, 所以好想快啲食到佢地簡單直接做好嘅拉麵呢~蜆肉我地都大讚! 粒粒肥大飽滿 更鮮甜爆汁!精心簡過咁, 一日三餐都响街食嘅我地, 堅覺 好難得!鹽味濃湯大蜆拉麵 $118大愛佢 零油膩, 清得黎好夠味~ 性價比 極高! 必試!柔軟嫩嫩的 口感好好, 少食肉嘅我 都快快食埋第二片~ 蝦大隻有肉地 鮮甜彈牙, 平日真係難得食到咁新鮮, 仲要係用黎做拉麵, 感動咗! 特濃蝦湯拉麵 $128湯頭鮮味, 麵質適中, 性價比高!自家製魷魚豚肉餃子 $48好足料, 大大粒爽彈魷魚肉~自家製 有誠意, 比例恰到好處, 要讚佢! 味吉炸雞 $38靜罔綠茶可樂 $28富士柚子汽水 $22枝都好飲, 綠茶可樂有驚喜 比預期好飲, 不妨試試~出街食拉麵, 唔會特別飲多湯嘅我地…今次不知不覺 飲曬咁滯… 店面有著濃濃日本傳統小店風, 加埋認真嘅出品, 真係有啲小旅行感覺呢~有得儲印花, 可以換小食/拉麵, 好開心喎!…查看更多

之前聽朋友講呢間拉麵好食，每日只賣100碗 賣完就收鋪🚪，專登同老公中午12點幾就過嚟食，果然冇令人失望！裝修有啲似日式居酒屋🏮幾好feel✨午市套餐 可以+$38就有小食&飲品，我哋叫咗兩碗拉麵同小食share，超滿足！🔶巨龍・特盛慢煮叉燒濃清湯拉麵🍜揀咗海鹽湯底， 清澈香濃又唔會好鹹。叉燒粉嫩色澤 ，有6大片，肉質甘香嫩滑，慢煮果然係唔同～🔶吉龍·北海道豚足鹽味濃清湯拉麵🍜｜呢碗要咗醬油湯底，淡淡的醬油+豚骨鮮味好正。豬腳好大隻！炆到好腍 滿滿骨膠原，叉燒一樣高質。每碗拉麵都配有溏心蛋🥚、炸日本牛蒡條、香荀、香蔥，麵質中幼身 掛湯力一流 啱晒我口味！🔶味吉炸雞🐔｜外脆內嫩 咬落好jucy🔶韮菜雞肉軟骨餃子🥟｜好香口飲品要咗 富士柚子汽水/ 烏龍茶，清新解膩 同拉麵幾夾！…查看更多

今日係尖沙咀搵拉麵食，同事食過話呢間味吉長龍唔錯，決定去試下原來佢地一日賣100碗only,賣哂就收舖，好彩我地係晏晝去食北海道豚足鹽味濃清湯拉麵豚足大大舊，好林好入味，拉麵湯底濃郁，麵質煙韌有咬口鹽味濃湯大蜆拉麵大蜆份量多，好大隻，鮮甜爽口，糖心蛋都好一流鮮蟹肉忌廉薯餅薯餅外脆內軟，好香好好食韮菜雞肉軟骨餃子呢個新鮮煎起熱辣辣，皮薄又煙韌富士柚子汽水日本白桃梳打兩種日本汽水都唔錯，飲品選擇都有好多…查看更多

夜晚睇完戲經過呢間味吉長龍 原來係石亭同沃川2間同區居酒屋嘅新分店 歷史26年同23年 見到午市套餐幾抵食 決定下次lunch time再嚟試下辛辣香肉慢煮叉燒濃清湯拉麵揀咗醬油湯底 辣醬係另上好貼心 咁就唔洗驚會辣過頭 有4大塊慢煮叉燒 入口好軟淋 仲有炸日本牛蒡條 香荀同溏心蛋鹽味濃清湯蛤蠣拉麵海鹽湯底好清甜 飲到濃濃嘅蜆鮮味 蜆肉大隻得嚟粒粒都漲卜卜好飽滿鮮蟹肉忌廉薯餅一咬開係好澎湃嘅忌廉薯蓉 面頭鋪上蟹籽同蟹肉絲增加口感明太子芝士焗薯角薯角外脆內軟 連埋明太子同拉絲芝士呢個組合好邪惡日本TOMOMASU SODA (白桃)桃味清新 汽泡感十足靜岡綠茶可樂可樂入面帶淡淡綠茶回甘 唔會太甜…查看更多

上星期去尖沙咀做完野，經過一間新開的拉麵店「味吉長龍」😍😍小店主打特色濃清湯，湯底選用新鮮豚肉豚骨熬製而成🍖！佢地每日只賣100碗，賣哂就收舖～一於入去試下先❤️❤️🍜午市套餐 $108 (+$38升級套餐)✨📍辛辣香肉慢煮叉燒濃清湯拉麵賣相吸引！包括有慢煮叉燒、溏心蛋、炸牛蒡同香蔥等，仲有香肉辣醬另上～～拉麵Q彈爽口、好掛汁，慢煮叉燒嫩滑入味！湯底味道濃郁，加上香肉辣醬後辣辣地好開胃🤤🤤📍鮮蟹肉忌廉薯餅薯餅炸得金黃香脆，裡面包住綿密幼滑的忌廉薯泥🥔～加上面層的蟹籽同蟹肉，口感層次豐富！！📍富士柚子汽水(+$10)選用富士山天然水，加入富士川町的柚子汁製成🍊！味道酸酸甜甜，口感好清爽😋😋…查看更多

這家餐廳的主打是拉麵，特別值得一提的是他們自家製的魷魚豚肉餃子以及多款日式小食。拉麵的麵條硬度可選，分為硬、普通和軟三種，湯底則提供海鹽、醬油和特製味噌三種選擇，讓顧客能依照個人喜好打造專屬風味。❤️ 特盛慢煮叉燒濃清湯拉麵上枱份量十足，非常大碗，拉麵配料包含半隻溏心蛋、嫩滑的叉燒、脆口的荀、炸牛蒡和香蔥。慢煮的叉燒肉質極為嫩滑，入口即化，湯底選擇了海鹽，清澈的湯色與鹹度恰到好處，層次感豐富，讓人一口接一口，回味無窮。❤️ 白松露慢煮叉燒濃清湯拉麵同樣選擇了慢煮叉燒，但湯底換成了更具奢華感的白松露及醬油口味。湯色呈現迷人的茶褐色，入口先是感受到淡淡的醬油鮮味，隨之而來的是白松露獨特的香氣，瞬間提升了整碗拉麵的格調。肉香與松露香在口中交織，帶來多重感官享受。麵條Q彈有嚼勁，充分吸收了湯底的精華，每一口都充滿了幸福感，食後令人感到非常滿足！❤️ 鮮蟹肉忌廉薯餅蟹肉與忌廉薯蓉的混合，內餡柔滑綿密，散發著濃郁的鮮味。表面炸得金黃酥脆，搭配豐富的蟹籽和沙律醬，口感層次分明，風味獨特。再搭配一杯Asahi啤酒，簡直是絕配！❤️ 自家製魷魚豚肉餃子外皮煎得香脆，底部微焦，餡料中魷魚粒和豚肉的結合，讓每一口都充滿了肉汁的鮮美。搭配特製的醬汁，味道更上一層樓，令人食指大動。❤️飲品:日本Tomomasu Soda 白桃白桃Soda，天然清甜，果味濃郁，食完拉麵飲非常合適。現時可以儲印花換拉麵或小食，而且每日只賣100碗，鍾意食拉麵既朋友就要早D去呀~~#美食推薦 #香港美食 #香港好去處 #尖沙咀美食 #拉麵 #美食推介…查看更多

餐廳：味吉長龍🍜尖沙咀帝后廣場地下7-8 號舖朋友上次食過，話每日只賣100碗，賣哂就收鋪，重點係好好味，今晚我終於同屋企人一齊嚟試吓，真係好掂❤️拉麵主打有七款，各有特色，我哋揀咗「吉龍」同「海龍」👍「吉龍」呢款海鹽湯底好正，味道清甜唔鹹，帶陣陣海味鮮香，啱啱好嘅鹹度令湯底好清爽又唔會悶口🌊🍲。湯入面仲有北海道豬手，滾到入味，肉質軟腍香濃，好有層次感，配埋拉麵真係一流！😋🍜另外，「海龍」鹽味濃清湯蛤蜊拉麵又係正到爆！湯底鹹甜得嚟好濃郁，鮮味十足，啲蛤蜊大粒又多肉，啖啖鮮甜🐚。拉麵彈牙唔軟爛，加埋半熟蛋同叉燒，食落好爽又夠飽肚🍜🥚。 小食揀咗鮮蟹肉忌廉薯餅同韭菜雞肉軟骨餃子🥟，兩樣都好味！薯餅外皮脆到爆💥！一咬開，忌廉同蟹肉湧出嚟，好creamy又鮮甜，真係足料😋！餃子皮煎得香脆，咬落「索索聲」👂！韭菜味好出，雞肉唔鞋口，加埋軟骨啲脆脆口感，好正👍！…查看更多

響尖沙咀有間每日只賣100碗,，賣哂就收鋪嘅拉麵鋪🍜 有7款招牌拉麵，然後可以再攞自己中意麵硬度同湯底味。今次我就擇咗其中2款，分別喺: 1️⃣特盛慢煮叉燒濃清湯拉麵($108) : 呢款個湯我擇咗醬油味! 滿滿叉燒又香又熱辣辣!!2️⃣白松露慢煮叉燒濃清湯拉麵($108): 呢款我就擇咗鹽味，白松露加埋鹽味好夾，仲令到個湯入味啲而小食方面，就嗌咗1️⃣香炸雞翼: 真係新鮮滾熱辣，外脆，咬落好脆，汁仲滿晒岀嚟2️⃣自家製魷魚豚肉餃子: 一定要配佢附送嘅汁，酸酸甜甜，好開胃富士柚子汽水同個番石榴汁鋪頭裝修以日式拉麵風格，想打造好似響日本打卡！另外，凡係幫襯舊$78就可以有1個印仔，集齊4個印仔，即可以換$38/以下小食。(當然詳情請以店舖公佈為準)…查看更多

如果唔係同事介紹。跟本唔知道公司附近有嚟間咁有水準拉麵店，值得推介。鹽味濃清湯蛤蠣拉麵鮮甜的大蜆充滿海水味，搭配清爽的鹹味湯頭，確是絕配。以鹽作為湯底主要的調味，可強調食材本身的原味，不錯。湯頭清澈透明，加上大蜆的鹹香嫰滑。整體風味清淡而不失鮮美，令人感受到食材的天然風味。麵條爽口，掛湯力強。鮮蟹肉忌廉薯餅即叫即做，熱呼呼的。外層酥脆，內裡軟糯，綿綿口感內有著蟹的鮮味。𥚃𥚃外外，蟹肉滿溢，滋味無窮。…查看更多

拉麵店感覺好和風, 滿滿 good old days日式味道呢~左: 富士柚子汽水 $28右: 靜岡綠茶可樂 $28特盛慢煮叉燒濃清湯拉麵 $108鹽味濃湯大蜆拉麵 $118拉麵好 “打卡able” 呢! 仲有大大粒蜆肉列陣~ 湯 濃淡恰好 感覺順喉, 平時甚少飲麵湯嘅我哋, 不知不覺間差唔多飲晒添~ 後: 自家製韭菜雞肉軟骨豚餃子 $38前: 自家製魷魚豚肉餃子 $48魷魚餃子比較特色食到粒粒魷魚我地見到 lunch set menu 唔錯; 原來仲有儲印仔 換小食/拉麵計劃, 咁再抵食啲添~ …查看更多

之前食過呢間拉麵，覺得佢嘅醬油湯底都唔錯，今日就嚟試吓佢嘅鹽味湯底～拉麵嘅價錢唔算好平，但係加$38就有埋小食同飲品，性價比都算幾高～-鹽味濃湯大蜆拉麵（$118）蜆嘅份量都算多，而且蜆肉都好大隻，鹽味嘅湯底相對清淡，配合大蜆食就比較夾～-特盛慢煮叉燒濃清湯拉麵（$108）叉燒份量超多，而且叉燒煮到好腍，呢款最抵食👍🏻-小食就叫咗炸雞翼同埋魷魚豚肉餃子，第一次食餃子係用魷魚做餡料，食落有啲脆口嘅質感幾特別～-建議大家可以lunch嚟，因為呢度每日只喺賣100碗，買完就直接收舖，唔想摸門釘嘅就要早啲嚟啦～…查看更多