味吉拉麵館 (已結業)

星期五晚上，同朋友傾完正經事，去旺角搵食。到處都很多人，去到家樂坊地庫，人不太多。一行三人，決定食拉麵。喜歡豬豬紙巾，很可愛。點了二款小食1. 煎餃子其實跟韓國餃子味道一樣，只有五粒，頗貴。2. 特色雞翼剛好一人一隻，燒得恰到火候，配上特有醬汁，很想再來一隻呢。食完小食，到主角出場了，我們三人各叫了三款不同拉麵。這是我點的別府地獄辛辣湯拉麵(~$65)普通左啲，湯底好一般，又唔會話好正。友人點的2. 東京極上醬油拉麵(~$7x)友人點的3. 博多豬骨拉麵友人話很咸，不太好味，跟自己去超市買的味千湯包差不多。總結:結帳付了 $338說真的沒有甚麼特別，侍應叫了幾次也沒有人理，唯獨雞翼比較好食，其他一般。…查看更多

星期六同朋友去左旺角行街,行完潮流特區。見肚餓就係附近搵野食,去左家樂坊到食~見外面個裝修都幾好,就去試下食~我同朋友各人叫左一碗拉麵,我叫左墨汁拉麵,個樣都正正常常~味道都唔係難食,只係覺得有少少苦澀味道,麵質料就好一般~$85一碗都幾唔值~下次就唔會再食了!!到了結算,一共連加一就$191,我地比左$200,等左10分鐘都冇人找錢,我見格黎枱都係甘~都唔知係米有心唔找囉-__-''…查看更多

某日同男友去左e間野食之前都已經食過幾次覺得唔錯男友嗌左個豬骨湯沾面 我嗌左個醬油牛肉拉面個沾面出到黎好似食緊海王粥咁 唔咸唔淡 仲要結達達 而且有小小異味個醬油拉面我真係好想問一句 師父你係咪放左雪糕落去整?難食都算 埋結要收我$200幾蚊你問心你值唔值e個價啊)?幾年前食到e加 真係愈整愈差 有人請我食都唔會再去見過鬼已怕黑若大家堅持要去 都係嗌番d普通野:豬骨拉面果d 比較安全p.s.我從來未寫過食評 亦懶得寫 今次真係諗番起都頂唔順:/…查看更多

今午路經旺角家樂坊、被主打博多風拉麵的味吉拉麵館給引著我的視線，所以決定試食一番！店內裝修帶點日式居酒屋風格。黑墨豬骨湯麵、有漆黑黑的湯汁、卻沒有漆黑黑的墨汁味道！湯汁比較油膩又淡口。配料尚算足夠、有䓤粒、黑木耳絲和叉燒！鹽燒雞翅、燒烤時間控制得幾好、雞皮有小許燶但十分香脆、入口有小小咸雞汁味四濺。好味！中午顧客並非特別多，而且此湯麵是餐廳推介、應該好味道，唔明白點解湯唔熱？食完之後有點失落！…查看更多

星期六同老公買完模型後先發覺成十點鐘， 拿拿林去附近商場搵野食。  味吉拉麵館唔使等位， 拿拿林攞位入去坐低叫野食， 點了醬油湯牛肉拉麵加糖心蛋、 豬骨沾麵、 蟹子沙律和燒豬頸肉。醬油湯牛肉拉麵加糖心蛋糖心蛋熟左DD， 唔夠流心。  半生熟粉粉地既牛片食落都有牛味， 但的而且確瘦左少少都唔會太靭。  個湯味道咸咸地都不過不失。豚骨沾麵這個沾麵個湯都幾咸， 因為個湯用黎沾麵食， 所以個湯調較得較稠。  當D麵一沾完湯後， 成住麵變得好咸好重口味。  除了用咸來形容湯底味道外， 都難以用更貼切的詞語來形容個湯。   豚肉骨半肥瘦， 都幾香口。燒豬頸肉小食 呢個小食都十份值得推介， 豬頸肉燒既生熟程度剛剛好， 唔會過熟而乾靭。  咬落去有D彈牙多肉汁， 沾少少醬汁都好好味。蟹子沙律~ 同平日一樣， 普普通通不太大特別。…查看更多

星期六行旺角，行到攰想坐得舒服D，黎左味吉試拉麵⋯因為天氣很熱，比佢個蘋果酒配炸雞吸引左，蘋果酒又涷又香，配炸雞加紫菜蔬菜餅非常好味，就算熱氣也要豪一豪，結果和男友再encore多一支蘋果酒^但拉麵卻平平，豚肉太厚太肥，望到未食先飽。湯底豬骨味不夠，而且有些太咸，配料沒甚特別，而且隻溏心蛋十分細，加錢加得不太抵。沾麵比拉麵更咸，完全食不到其他料的味道。總結是，當味吉是居酒屋，食小食加酒便好，食拉麵都係返達磨丶拉麵來丶或䐁王啦！…查看更多

今晚，一人在旺角味吉拉麵館吃晚餐，　點了一個有半隻薑蛋和幾片叉燒的拉麵，　豬骨湯底，名唔記得lu…因為我不太喜歡拉麵所以轉了烏冬，但要加＄１５，　我都唔知原來烏冬值錢過拉麵咁多添=.= 另外侍應哥哥話今天豆腐特價＄１５一碟，也點了一份。豆腐是正常味道，有３件。烏冬來了，賣相普通．．．最重要是湯底，但一飲啲湯就發現湯入面有一種很重的豬羶味！唉～～～薰蛋的蛋白太生，又無薰味，埋單＄１３５，之前冇睇清楚價錢，原來拉麵是＄８５一碗！！！如果非常美味我唔介意，但真係唔得囉！…查看更多

今日放工早到旺角, 7點已在家樂坊都未有等位人潮, 諗緊食18GRAMS定係呢間, 最終決定呢度啦!!入到去都仲係不太多人, 卡位幾大幾好呀~~ 不過我地得兩個人冇得坐卡位!!!!:(我ORDER左個極上醬油湯底本格美國牛肉拉面加粟米, 老公叫左個豬骨湯叉燒拉面加糖心蛋, 冇見野飲口呀, 冇咩興趣~!黎到個碗真係超大, 顯得碗面好似好小咁!!~我個碗D牛肉黎個時真係半生熟咁, 試下個牛真係好有牛味WOR, 好似食緊扒咁, 不過都係UN左小小, 可以林D就更加好!! 試下個醬油湯, 真係好咸呀.......本人已經好愛重口味O既野食, 但都覺得好咸呀........仲覺得有小小食緊出前一丁O既感覺........失望!!:(老公個個豬骨湯就不過不失, 都OK啦, 又估佢唔到D叉燒咁軟林林幾好味WOR~ 而且個糖心蛋也不錯!! …查看更多

入場睇戲前，先醫肚。都唔知點解，竟會去了味吉，食拉麵。大概是時間緊迫，不再選擇。先揀碗特濃豬骨湯拉麵，湯底和叉燒都是普通貨色，沒出什麼問題，所以也沒有投訴。只是麵條，一舊舊的，都未煮得開，是有點令人失望。加款小食，鐵板牛舌，說是新登場的。出來是熱騰騰，有點炸蒜鋪面，都幾惹味，只是牛舌有欠彈牙的口感，總覺差一點點。查實不算太滿足，但要先埋單，趕住入場，睇完戲再食下午茶吧！…查看更多

今次是第二次去了，可能第一次去時，我還未食過其他拉麵店o既拉麵，所以覺得呢間都算ok，但當我試過一風堂、將軍拉麵後，再去食返呢間，就覺得呢間真係唔好食，湯底唔夠味，d叉燒雖然係大塊，但又冇味，仲覺得個質感好硬!不過佢個杯水蜜桃梳打又實係幾好飲o既~~…查看更多

今日時間不多，聽人講味吉拉麵都不錯，就諗住去試下啦去到門口，見到拉麵有咁多選擇，已經心知不妙... 好食既拉麵舖通常都係專攻豚骨湯底或者醬油湯底，呢間做晒兩樣都知死... 仲要個名同另一間連鎖拉麵店一樣用「味」字開頭，我心諗：__ 入到去，叫左個吉列豬排豚骨拉麵... BINGO！D麵就同d稍微貴價少少既即食拉麵基本上一樣。個吉列豬排就一般啦。個湯底... 唉，個menu仲要話咩係濃郁湯底，我真係笑而不語。諗住落個辣粉快快趣哽埋佢算數，點知落左幾廿羹都無味 sosad其實係咪咁唔好味呢，又唔係，但係個價錢就真係好唔好味囉！88蚊碗麵，去一風堂都得，豚王一蘭都係貴少少，你整碗味千拉麵比我，我唔好返去自己煮營多經濟又實惠...最後，其實餃子反而不錯。不如考慮轉做餃子館算啦 lol…查看更多

唔知大家知唔知, 家樂坊地庫有好多食野既地方呢?  今次我要講既係"味吉拉麵", 呢間分店都黎食過幾次~ 起旺角黎計, 叫做"OK LA"食過幾次, 今次D厚切豚肉最難忘,  特別大同厚, 一層肥膏, 一層豬肉, 烹調時間夠晒, D肉好林, 加埋入口即溶既油香~~ 正!呢到地方算大, 坐得都幾舒服~~~* 呢個"豬"LOGO , 我好LIKE AR, SO CUTE ''3件''厚切豚肉拉麵 (博多極濃豬骨湯底) $78-"  如果你地唔想食咁多, 可以要''1件''厚切豚肉拉麵 就$58-我幾大食GA, 所以當然要"3件"啦  今次我要試D未試過既湯底~ 就叫左 ''3件''厚切豚肉拉麵 (札幌明太子極濃麵豉湯底) $75"我自己本身就幾鍾意食明太子既, 但配拉麵到食就真係第一次 @.@ 不過有不足之處, 加左入湯到, 因為會沉晒起底, 係食唔到D明太子架-,-""湯底麵豉味唔夠香濃呀, 而加左粒牛油, 的確幾香~ 湯底方面有待改進, 次次食完都會覺得比較口渴~ "本格美國牛肋肉 (東京極上牛骨醬油湯底) $88" 牛肋肉份量唔少, 加埋D脆蒜同醬汁, YUMMY~ 牛骨醬油湯底比較清~ 有牛骨味, 但不是我喜歡的, 都係大愛豬骨湯底~麵質合格, 吸到個湯底D味入去~~ 鹼水味唔會太多, GOOD~ 以前拉麵都就只得醬油 & 豬骨湯味~宜家就越黎越多元化~~ ^^ 岩晒鍾意試新野既我~~我好鍾意食拉麵架, 希望可以起香港有更加多出色又真材實料既拉麵店~~!!! :)…查看更多

是日晚餐飯友想食拉麵，就如佢所願啦~我點左叉燒醬油湯拉麵，老實講，如果味吉想成為大眾食堂，呢個水準已叫合格但如果想成為驚天地、泣鬼神既殿堂級拉麵icon，就仍需努力啦味道普通，無乜驚喜的普通醬油湯底，鹹鹹地；麵質超級一段，填肚OK賣相沒特別，幾塊叉燒、玉子、配料麵上，即係普通麵一碗 (<-- open rice要求我寫賣相的)價錢方面，$85/碗 (未加一)，我就覺得性價比唔高啦...…查看更多

味吉係香港都黎講都算多分店，我都幫襯過佢其中3間分店，拉麵水準比較平均，所以我多數都係食拉麵，今次都唔例外! 時間仲早晚上6點半左右唔算多人，:(不過冷氣開得有d大，位置又窄，隔離講咩都可完全聽到，而且服務員態度都一般，要求加熱水，只加一杯，另一杯無加到! :)好快5分鐘就有拉麵食，我倆同樣叫豚骨湯底，不過唔同材料，湯底唔太鹹幾好，麵質剛剛好唔太”林”，豚肉/叉燒3大件抵食好味，半蛋糖心蛋係細d，不過好好味，另外鍾意蔥味就啱哂，真係幾多蔥，桌上仲有蒜蓉可加，蒜蓉及蔥令湯底更香噴噴!…查看更多

本人喜歡食麵，經過家樂商場，見到有間味吉，所以去試食下。入到去得幾枱人，可能係落場時間啦。地方算大。叫左碟餃子，冇咩特別，冇咩肉汁，味道算一般。叫左叉燒拉麵，有厚有薄叉燒，我同個朋友分別叫左2款叉燒，都係豬骨湯。厚身叉燒似腩肉，唔算好好味，反而湯底有驚喜。味道適中，又唔會太淡，食到有豬骨味，真係ok。不過麵有d"簡"味，呢度有d要改善下，總括ok.會再黎食。…查看更多