影片
开饭介绍
味千拉面店始创于1968年，发源地日本九州的熊本。
继续阅读
附加资料
收费以四舍五入计算
营业时间
星期一
11:30 - 23:00
星期二至六
11:30 - 23:30
星期日
11:30 - 23:00
以上资料只供参考，请与餐厅确认详情
招牌菜
同阿妹去荃湾行街，见咁耐无食过味千就入去打个趸。下午茶依旧好抵食，四十蚊一个拉面连野饮，系市区算系咁。一般品牌餐厅向来都干净企理，呢样都系我乐于帮衬大企业既主因。等餐时间都还好，唔知点解点同样既叉烧拉面，阿妹个个黎得快过我，但汤色同材料就明显淡及放凉左，可能系咁岩撞换汤底／厨房交更时间？我饮食习惯系留最好味既，系最后先食，迟黎通常有个好处，啲野热啲新鲜啲，今次仲厚啲。食咁多次味千，都系呢个料比得最重，真系物超所值拉面食过咁多间，味千真系平得黎又几好食。埋单都唔洗一百蚊，用埋coupon同信用卡仲送左个饺子同打九折，值得再黎
继续阅读
继上次因为有信用卡推广所赠嘅现金券嚟食咗餐晏仔之后，今次再帮衬荃湾味千已事隔大半年嘞。老婆话想食吓拉面，原本打算去拉面台风，不过唔知点解好多人，无打算食嘅时候经过见佢就唔多人，依家想试佢嘅时候就人咁多，我哋一向食嘢都随而遇安，亦唔想等位嘥时间，所以就去咗近近哋味千，反正佢都无乜要求，都喺一餐晏仔啫 虽然拉面热晌香港热过不停，一间又一间有名气嘅拉面店在香港插旗，不过，荃湾始终唔喺拉面嘅真正战场，再者，味千扎根香港多年，都薄有名气，有一定嘅捧场客。今趟食评打算食得hea啲，所以，环境、服务，其他嘢就唔多讲，一于入直路讲碗拉面 。 猪软骨拉面 $64老婆拣嘅喺猪软骨拉面，你估点解？全因有海带㖞 ，通常拉面配紫菜，不过依碗拉面就配海带，仲喺有唔少添，认真啱晒佢，此外，除猪软骨，仲有好多银芽，亦都好啱佢。个猪骨汤底著实唔错，味道几浓鲜，又唔会太浆口 ，睇番餐牌对个骨汤嘅介绍，似乎都几认真，由「骨汤之源」、「熬汤之艺」、「取汤之髓」到「成面之魂」，真喺唔打得都睇的啦。面条方面，水准都保持到㖞，有几分弹牙，而且份量好足；猪软骨意外地卤得入味松化，足足有3大旧，带少少肥膏，油香啲 。 全盛拉面 $62小弟拣全盛拉面纯粹一个贪字，因为贪佢够料多，包括天妇罗虾、叉烧、栗米粒、蟹柳、福袋、溏心蛋、呜门卷、紫菜、葱等等，唔喺得过讲字，有相为正，啲𩠌料堆到成个碗面都喺 ，难得只天妇罗虾放晌所有𩠌料最上面，天妇罗脆浆无被浸湿，所以当然要食炸虾先啦 。叉烧属于少肥，不过都唔嚡，入口松软；蟹柳亦唔喺啲太平价货色，不过福袋就麻麻哋，福袋以豆腐皮包住日本年糕，唔知喺咪个福袋煮得唔够热唔够透，啲年糕有少少生硬，缺少期望中嘅黏糯感，而最走样喺溏心蛋变咗卤蛋 ，上次就温泉蛋变咗卤蛋，即喺问题未解决，喺唔喺一时做唔彻溏心蛋，就揾卤蛋顶住先呢？实在要改善依方面问题，因为先后两次出现同样事件！今日食到嘅两碗拉面，以猪软骨拉面优胜啲，各环节都平均，相反，全盛拉面虽然料多抵食，不过，福袋及溏心蛋就拉低晒啲分，原本可以俾个笑面佢，但咁情况就只可以俾到OK架咋。
继续阅读
自江户时代（1603-1867年）已被广泛用来腌渍鱼类和蔬菜的盐曲, 是平民百姓家居常备的调味料。简单地说, 它是由米曲、盐和水混合, 再经时间发酵而成之产物, 有魔法调味料的美誉。盐曲的咸度是较盐为低, 味道也较温润醇厚, 可以提升食物的鲜味及令肉质变得松软, 更神奇的是凡是经时间发酵的食物, 例如黄豆变纳豆、蔬菜变泡菜都会有益菌生长及存在, 能有效调理肠胃甚至抑制皮肤老化的美容健体功效, 也难怪那些日本人对盐曲为之著迷呢！盐曲拉面...猪骨汤底拉面, 加上角型叉烧、半熟蛋、木耳丝白润的九州猪骨汤底味道特浓, 配上味千特调酱油, 口感丰富更有层次。面条一开始已经是煮得偏腍, 之后随著时间流逝, 面条只会越吃越腍下去。卤水半熟蛋的蛋黄味浓郁, 油润带甜, 蛋白软嫩入味, 最赞!最初望见角型叉烧, 见它们四边有烧过的痕迹, 瘦肉与脂肪行行相间, 连脂肪望落都是晶莹剔透, 想必是入口甘香软嫩, 即入化境；事实上, 叉烧煮得未腍, 而且脂肪食落黏口也带有肥腻感, 连浸过热汤也无补于事。把汤喝尽便可以见到主角盐曲的分身(米曲)分布碗底；但究竟有落盐曲的猪骨汤底与普通的猪骨汤底, 有啥不同!? (疑问中) 复刻明太子豆腐 ... 送来的豆腐并非如餐牌展示般完美, 豆腐面层的明太子也非涂满豆腐, 幸好微辣但味道霸道的明太子碰上淡味嫩嫩的豆腐, 有互补的效果。
继续阅读
味千拉面呢个名多,但同友人都会笑佢地味精拉面,加上本人一向唔太喜欢连锁店,所以好少帮衬但今晚咁岩行过又想食,所以就黎左荃湾城市广场呢间味千啦我地夜晚十点先去到以都唔使点等位一入到去见到经理埋紧数,但都好热情咁招呼我地同攞茶俾我地一向喜欢食猪软骨,同女友一人嗌一碗我惊唔够饱,所以叫埋加大($10)另外嗌左客手造饺子等左无耐头盘小食饺子就上左啦味道其实好一般最差系个皮煎一d都唔脆咬落无口感下次唔会再叫呢个小食!主菜一本豚软骨拉面可能因为加大既关系,份量都比一般大碗,食完好够饱猪软骨如图所示都好大份,咬落淋得黎又有口感,好浓味可惜当日伤风,个鼻唔多闻到个汤底有几香但食落系几够味唯一美中不足系只蛋望落好细只,似3分1只左右如果可以改善呢样就好埋单$193,算抵,下次会再帮衬!
继续阅读
都有年多无帮衬味千拉面~最尾食果次..因为觉得水准下跌同埋个汤底好咸~所以无再帮衬!! 依日系因为好想食拉面所以再去试下呢! 今次既水准..真系喜出望外11点多去到..坐到卡台~其后已经见好多客人入黎好快已经半FULL~服务有礼貌虽然拉面要等10-15分钟..反正唔赶时间~亦代表新鲜即整仲好味呢"北海道带子拉面"叉烧好好味~肉质浓香..外层仲烤得够干身~入面既肉质又唔鞋..好够味带子味道都好鲜~煮既时间刚好..嫩口唔韧身"九州辣面"叉烧既味道同上~肉酱料唔算辣但够味..肉质都唔鞋口卤蛋都OK..有弹性入口唔硬(新鲜)伴上银芽,葱..整个面都好提味又有清爽感~汤底够浓但唔会过咸煮面既时间刚好~面质有咬口冇过腍整体食物好味~坐位舒适
继续阅读