味千拉麵 (已結業)

最近成日諗起味千以前個辣麵就SEARCH下仲有邊度有分店見到新港個FOODCOURT有就黎試下呀(真係好多年無食了)點左個辣麵(有個正式既名既......但我忘記左)食落其實個湯底NOT BAD都有以前味千辣麵既感覺拉麵既質感就一般啦唔期望太高既話係正常有兩件叉燒有少少肥肉算OK呀份量都唔會太少總括黎講如果想過下辣麵隱呢個都可以試下既…查看更多

【 味道依舊 】今日去咗新港中心行街，之後落地庫食Lunch，仔仔想食麵，帶佢行左個美食廣場一圈之後，佢揀左食味千拉麵，仲要求想食日式餃子，我見加$9就有三隻日式餃子都幾抵食，所以就加左俾佢，隨餐仲有飲品送，我叫左罐裝可樂。係美食廣場內的味千拉麵有自己用餐區，也可以坐係出面。講番碗拉麵，大人食就會覺得好香濃，但小朋友食就重味左少少，碗拉麵入面有2大塊叉燒，半熟蛋，紫菜和木耳，味道唔錯。餃子3隻都俾仔仔食哂，我諗應該幾好味！…查看更多

琴日開始全日禁止堂食，全香港市民都要食外賣，嗌飯盒，我就打算今日試一試味千嘅外賣拉麵，睇吓好唔好食～～～～～～～一打開個袋，見到好大陣仗，湯係分開袋，用鋁袋，包拉麵同豬軟骨有一個外賣盒分隔，都好企理，但感覺成本都唔低，有點似海底撈的自私鍋底😂😂😂😂😂😂😂食落隻雞蛋有有幾高質，個拉麵係冧左少少，還可以啦連埋豬軟骨個味道都做到堂食8、9成始終非常時期，都不能要求太多🥰🤗🥰🤗🥰🤗🥰🤗…查看更多

唸反起真係差唔多有好幾年無食過味千拉麵，仲記得細個既時候去食味千拉麵係要排哂長龍先可以食到係新港中心food court 既味千拉麵，如果坐餐廳裏面好似要加一，坐外面大食代既坐位就唔使:):)嗌左豬軟骨拉麵，見到隻糖心蛋都知距好乾身味千拉麵既湯底係用濃縮湯汁加水煮成既，已經係眾所周知既秘密，唔会存有太大祈望豬軟骨淹幾夠味，不過咬到成口渣麵條煮得太淋，無咩咬口，平時自已係屋企煮反包裝既味千拉麵可能仲好食啲一碗依個質素既拉麵賣六十幾蚊下次再食可能又要隔多好幾年先会再試…查看更多

味千拉麵應該冇人唔識，今日唔知食咩好，就黎左新港個food court睇下，見到味千拉麵冇咩人，諗住好耐冇食，一於食下。點左個招牌味千拉麵，黎到見到隻蛋已經失望哂，第一次食拉麵隻溏心蛋係甘乾身，亦一啲都唔流心。麵同湯底都一般般，唔會再食。。。…查看更多

周日下午去尖沙咀買嘢，行到又攰又盛，想坐底食吓野抖吓。去咗新港中心地庫嘅味千。呢間味千坐入去堂食要收加一，係出面坐就唔洗，但太攰又想靜靜地，揀坐入面卡位。點咗味千拉麵，餃子，再加西瓜汁。呢間味千只有果汁供應。拉麵隻糖心蛋都ok嘅，麵一般喇，不過不失咁。餃子都ok嘅，呢個價錢可以接受囉。其實真係無乜服務，下次可坐外面免收加一。…查看更多

一開始見到入面一個客都無以為堂食無開門，結果原來只係入去食要加一所以無人入去食，咁無問題入左去食一開始服務生俾左水我地，之後我地睇食咩食咩，決定左想叫人，一個人都無，結果我地出去叫人入黎同我地落單，之後落完單等食物同到食完我一個職員都無見過，到想埋單果時見到有個職員幫手加水就順便叫埋單，個職員都話好，之後個職員就無左影啦，我地一直等一直奇怪點解張單咁耐，最後都係我地自己出去埋單，走果時見到有職員係到玩手機結論係：食物質素係好唔錯，但係服務係真心差，其實做服務業就算無咩客都唔應該唔理唔理咁囉…查看更多

2017第一個工作天，我同兩個呀姐打算要食好啲開年，所以就去左千両食lunch la.相比晚餐，午餐比價性高好多，好味之餘，價錢又合理，值得推介148定食有好味關東煮，天婦羅，鰻魚飯，靖魚，同刺身，另加面豉湯👍🏻👍🏻正呀…查看更多

今日做野咁啱路過尖沙咀，有幸同男朋友仔食個午飯。事關我地大家都趕住做野，就把心一劃，落樓下個food court度覓食。好可惜，呢度已經被攻陷了，我地黎到味千門口，見到有位，行埋去見到要收加1，諗住快快醫肚既我地諗住都唔會貴好多個10幾20蚊就當買個時間同買個位坐。立即叫野食，侍應再次提醒有收加1，我地表示okay便即刻落單！我揀左要豚肉拉麵。叫左之後佢落單行返轉頭過要10至12分鐘，男朋友仔話okay，我地就好Sad咁開始低頭㩒電話做野，2個都不停手！等呀等，個麵終於到喇~ 餓死左我地。我地2個繼續低頭，不過今次係搏命食，夾夾下，我發現我碗麵啲拉麵一舊舊，好似未煮開咁，好傷心，但因為要快，同唔想等所以冇出聲。個麵質地唔差，但真係未煮開，相信係先前煮好準備午市用既原故，所以佢地叠堆晒。個湯都唔錯，但相比地坊間啲日式拉麵店，當然冇咁出色喇。不過味道都算幾好。另外到豚肉，好多塊薄薄片，奈何太dry，唔係應該會更好。總括黎講，係自己趕時間既情況下係一個咁爆既food court搵到一間唔洗自己搵位就有位坐，味道又唔差既拉麵，其實真係幾幸福。…查看更多

餃子的肉不新鮮而且帶有微酸味, 但本人沒有加醋.拉麵嘛, 味精的拉麵, 味精的味道已經令本人不記得點了什麼湯底, 味覺的創傷. 麵放湯裡面太久了吧, 很難食的軟.湯麵得材料, 叉燒很一般, 就係一舊染色了的豬肉, 味道等同普通未調理就煮的平凡豬肉. 豚肉也是, 基本上味道同叉燒一樣.其他的配搭, 例如豬軟骨, 玉米, 粗鹽, 牛油等都普普通通, 但都係濃厚味精湯底. …查看更多

行完街友人就在新港中心看到味千的廣告牌就建議去味千吃晚餐這店的食物選擇比其它的少我們點了叉燒拉麵、豚肉拉麵及餃子一客(6隻)食物方面：拉麵水準與其它味千分店相近但餃子的肉懷疑是壞了因為我們一行三人先後吃掉三隻才討論說，懷疑是壞的肉是酸了最初誤以為餃子加上醋，才會覺得酸到其中一位友人吃一隻沒加醋的餃子也指肉是酸的眼見餃子給我們吃了大半碟又不好意思這時才投訴便結帳離開了現在想起，當時應該就算不投訴，也應告訴味千的經理服務方面：店員不斷為我們添水除了這樣，我想不到其它了:)我想我不會再光顧這間分店情願到其它分店或其它拉麵還好.....…查看更多

南瓜拉麵湯底係好濃既南瓜湯, 冇豬骨湯咁香, 不過好有南瓜味南瓜好粉, 又好林, very good.不過不足之處是南瓜表面的炸粉林晒, 炸過的南瓜好好味, 但又浸林晒個脆皮就好難食.如果可以分開上就好喇.粟米拉麵好多粟米, 豬骨湯底好香…查看更多