味千拉麵 (已結業)

很久沒有食味千拉麵，見無人等位，於是就入去叫咗個163元啲２人套餐！２個小吃、２罐七喜加２客拉麵！唔知係咪好耐無食，今次食番好似無想像中差，小吃叫咗個蟹肉蟹籽沙律同日式餃子，餃子煎香個底，所以食落個底幾脆，Ｄ皮適中和夠熱；沙律味道一般，偏酸，好彩夠凍，蓋咗Ｄ酸味！拉麵叫咗本格豚肉組拉麵及骨雷拉麵，骨雷同豬軟骨差不多，都係肉與軟骨相連，煮得夠淋；味道唔錯，可惜湯底太肥，拉麵Ｄ麵質比較實，唔夠爽口同彈牙！隻溫泉蛋太熟，食落似自己拾熟啲蛋分別不大。本格豚肉得２片，好彩夠大片，味道比較清，似白拾咁，—般。整體不過不失，不過都會隔—段時先會再試。…查看更多

今日係星期一，為响應Green Monday食素日，走進去味千點咗個有營雜菜拉麵。等咗大約5鐘有得食。杯熱奶茶用紙杯裝。味千都算高級食府，用紙杯裝真係好唗。杯熱飲唔錯。但賣相好差。個湯麵個賣相好正。用料全素，當中有東菇、玉米、蘿蔔絲、生菜同金菇。個麵煮得好正。好彈牙。東菇好鮮嫩，爽口。其他配菜都好新鮮。全部用上等食材。個湯底好鮮。埋單都係$53.9。味千係要加一服務費。…查看更多

好耐冇食味千 再試下先😀點左個-全盛拉面都好快上這個有齊不同配料的拉麵最合我 有好多料都算豐富有溏心蛋 福袋 紫菜 日式魚蛋 吉列蝦，叉燒等等。湯底還是好咸，油膩 宜且只是微暖溏心蛋係有少少溏心 ok la👌叉燒有咬口，日式的半肥 意料之外地好食😌吉列蝦 皮已淋晒 蝦味一般麵係幼身, 但冇咩特別只算合格吧👌…查看更多

去到大埔中心的味千拉麵，環境一流，位與位之間幾寛，拍拖行累了可以選擇這間吃個麵休息一回。我今次點了蕃茄肥牛拉麵，蕃茄是碎粒的，蕃茄湯底方面，若閣下喜歡濃蕃茄湯可以將湯底下的蕃茄碎粒攪上來，若喜歡軟淡蕃茄湯的可以不攪拌湯底，肥牛片幾淋保持著一貫水準。…查看更多

今次標題的<茶餐縮半份>係指今年第一次幫襯味千，住年食開的九州烏冬由一個大烏冬變成餐牌上標明的細烏冬，而且價錢也加了$3，即係大約10%，現價$32!由於join了member，送了一個蟹子沙律，沙律夠凍，味道清鮮~九州烏冬配料特多，2塊叉燒、半隻鹵水蛋、芽菜、粟米、鳴門卷及木耳等，以前吃一碗非常之飽，現在變為細烏冬，吃完一整碗都未夠飽肚!在味千吃烏冬也別期望像外間般的湯底那麼正宗，就當吃港式食品好了~…查看更多

今日經過大埔中心商場，發現味千換了新裝修，感覺餐廳光猛了很多。剛好有點肚餓，不如進去看看。其實我對味千很熟悉，因為以前很多時都有幫嚫，但最近少了，因為在市面上開多了很多拉面舖頭，加上味千的湯食了那麼多年，都沒有太大變化，所以轉了去食新拉面。好了，講番今日的經驗，本來去味千通常都是叫湯面，但今日服務員介紹了一個新的拉面叫什麼醬油拌面，在味千食湯面就食得多，食拌面就未試過，好﹗今次我就試下。等了一會，拌面送到，首先賣相不錯，好似轉了一個新的拉面碗奉客，感覺很精緻，看看有什麼材料，有叉燒、温泉蛋、昆布、木耳、炸面等。由於我已經一段時間沒有來味千，原本味千都有温泉蛋出，有進步﹗這個面還有一個很特別的材料--炸面。原來是類似褔字面的干面碎，很特別﹗侍應教我先要攪拌，等材料混合。食落口，味道很好，不會太油，因為有些炸面，所以食起來有脆脆的感覺，口感好好。加上不會太濕又不會太干，味道濃郁。整體上，今次去味千，的確發覺有意外收穫，產品質素有改善，值得嘉許。…查看更多

今次去味千唔係食拉麵，而係食日式炒飯茶餐($32)~原來日式炒飯即係西炒飯，都係茄汁底，不過內裡有蟹柳、菠蘿、火腿及蛋絲等，炒得很乾身，都好好味，估唔到味千的炒飯居然比得上茶記的鑊氣炒飯~跟餐叫了熱奶茶，想不到居然幾好飲，茶味適中，唔會太多奶，今日嚟味千有咁多驚喜既:)…查看更多

今天去了味千拉麵食TEA，原來星期六也有供有下午茶餐的~叫了九州烏冬+凍檸水 ($28)九州烏冬用好多豐富的材料製成，包括大量的粟米，木耳，芽菜，鳴門卷，蛋和叉燒，可惜叉燒太肥了，如果瘦點就好得多，而烏冬雖然唔係手打的，但都相當滑溜又無酸味，也相當不錯。配上一杯凍檸水，成為一餐豐富的茶餐，以廿幾蚊可以包埋凍飲而份量又十足，好平呀~P.S. 我有味千會員卡，唔駛加一添…查看更多

十年如一日，貫徹始終，絕對一絲不苟 keep 住味道差、質量差 ﹗都唔知點解可以生存多年呢 ﹗只可以講句家家有求，各花入各眼啦 ﹗對上一次幫襯都有十年前喇 ~第一次黎依間分店，不經不覺已經過十年無幫襯味千喇，因為當年真係難食不無輪，唔知今時今日會變成點呢？星期六晏晝溜溜唔知食咩好，到處人山人海，行過見味千冷清清唔洗等位就搏一搏啦 ﹗ 蒜片牛柳粒，好細粒既牛柳粒呀，太細會影響口感、味道同肉汁架喎 ﹗有點乾、口感欠奉，配蒜片同吃幾香口又不太油，味道還可以，唔難食入得口，免免強強。蒜片牛柳粒，第一次配芥辣同吃，都幾得意既，但不太推介。 帶子拉麵走蔥，等左很久終於到喇 ﹗女友已等到發脾氣，冷清清都要等咁耐。我都話要走蔥咯 ﹗侍應妹妹攞到黎都問多句，無走到蔥啊，您要唔要呀？等左咁耐，唔想再等喇，又趕時間，今次算數。賣相一點都唔討好，凌亂得不堪入目 ﹗湯只暖不熱又淡而無味，唔熱既湯麵會好食的嗎？大量生芽菜隊落湯度，湯底只有濃郁嗆喉芽菜味，並無其他喇。麵質腍劈劈 over cook，蛋香欠奉，略得緊要 ﹗到低有無心去飪調食物架 ？非常差。多年前層經評過味千既拉麵質地滑嘟嘟似意粉，那都還好呀，依家變到豪無口感。一口帶子細細粒，未經醃製或處理就其求白烚，無鮮味而帶點雪味。叉燒反而幾好，醃得入味，肥美囉，唔同大部份麵檔偏瘦。下次再來幫襯會否又要等上十多年呢？不思進取的連鎖拉麵店 ﹗ 九州辣麵，仲以為會好辣添 ﹗辣既來源只有少量辣肉碎，只有微微既辣味，仲要辣還辣、湯還湯，味道又淡又怪。湯底同樣只暖不熱，暖水浸杯麵咩 ﹗麵質依舊煮過火，連個靈魂都做得唔好，點會好食。叉燒幾好食，可能因為佢跟其他麵店唔同，用半肥瘦，口感會較瘦肉滑好多，又炆得入味，好食 ﹗唯一向取之處係叉燒，但已經扣到負分喇 ﹗滷蛋，我食落真係真係真係真係同杯麵裡面即食隔夜防腐滷蛋一模一樣 ﹗外觀、顏色、質感、味道都係完完全全 100% 一樣 ﹗唔係新鮮架 ﹗…查看更多

因人流太多，轉移走進了味千拉麵。因質素和款式少，所以很少走進來，可是今次也是失望！豬軟骨拉麵：水準一般，不夠熱。炒雜菜：叫了少油，可是仍是多油，又鹹，真不健康。天婦羅：漿粉厚，似中國炸物，連番薯也是國產，似吃街邊的香港小食炸番薯，真失望！蒜香牛肉：最差的一款，牛肉口感硬實，無肉味，似把平價黑椒牛肉切碎煮成，差差差！…查看更多

想食些熱騰騰的東西，於是到了大埔超級城，到處都是排隊的人龍，唯獨味千拉麵剛好有位，屈指一算，都有好幾年沒吃味千，這天就正好一試，所以就不作他選。豚肉拉麵呈白色的香濃豬骨湯底，放上幾片又薄又爽口的豚肉，拉麵質感較以前硬了一點。蒜片豬軟骨拉麵雖然賣相跟餐牌所示圖片相去甚遠，幸而味道不錯。其實以四十多元的一碗拉麵來說，這樣的質素尚算不錯，比起近來相繼襲港的各大拉麵店，七十多元一碗拉麵，確又更划算一點。…查看更多

同友人黎味千食個下午茶, 主要係想食個炸蕃薯~上次響旺角果間食過呢個炸蕃薯, 好掛住佢...點知....失...望....脆漿好厚, 好硬, 炸得好燶...其他野(餃子, 薯餅, 拉麵)都OK, 今次少少失望啦...…查看更多

今日早左少少放工，6點幾諗住食埋嘢返屋企，可以睇下電視......點知.......去到大埔超級城行左好耐，突然之間好想食下拉麵!~ 見到味千無乜人，都好喎!~ (因為見佢平時都大排長龍)入到去，見佢做PROMOTE，食滿$100，可有免費小食一份 ，所以我和朋友，每人各叫一個拉麵，加左個煎餃子，可以叫一個小食- 燒雞軟骨 (味道一般，談不上好味)坦白講，都唔係為左佢份免費小食，係因為突然間好想食煎餃子，點知個煎餃子一上枱，似蒸完係咁依放落鑊度，煎一煎就比人食，叫WAITER換過佢，佢轉頭都係攞番同一碟嘢嚟!~ 比錢食埋你咁嘅一碟六隻嘅所謂煎餃子，仲要比埋加一你，我喺超過買包返屋企煎仲好過佢，個拉麵又唔係好食過人，真係食到頂住條氣!~ 超嬲囉!~我覺得自己去左被千拉麵多D囉!~唔駛指意再幫襯佢囉!~…查看更多

由於尋日天氣凍，所以想食D熱野，最後去咗味千，其實呢間係我近期去得最多的食店，原因係剛去完日本，好回味日本D拉面，但大埔唔多拉面舖，十勝已不會再去，故都係選擇返味千。去到要等佢執好枱才入得，入到去服務員態度一般，落單位肥哥哥都OK，不過幪咗D，因為我話未黎齊人，叫佢唔好收餐牌，但佢無理會照收，算啦！唯有之後再叫佢攞過。又唔記得攞餐飲，要我地提佢先記得。:(其實服務員，可能每人有個崗位啦！所以叫佢唔會回應你，聽到都當聽唔到。野食一般，可以接受，我最鍾意食呢度既餃子，但可惜唔熱，拉面OK，不過價錢其實都貴咗D羅。…查看更多

我本人好鍾意食拉麵，但味千的拉麵質數就滿足唔到我，但轉烏冬後就完全唔同(轉烏冬要加$5)，豬軟骨拉麵轉烏冬是本人最愛，因豬軟骨造得好好，豬軟骨好入味，煮得好淋，好味。而烏冬相當唔錯，幾彈牙，好食。牛軟筋拉麵轉烏冬好味，牛軟筋都煮得好淋，好味。烏冬都是幾彈牙，好食。相當唔錯的青蘋果汽水。值得一試。小番薯天婦羅一般，冇成意，因有五舊小番薯於炸的時候是纏在一起的:(，好難才分得開，而味道都幾香番薯味。埋單$163.9，唔貴。…查看更多