味千拉麵

营业中

休息中

已經好耐冇食味千拉麵，細細個好鍾意食，個湯底好濃今日喺東涌快食晏晝，就決定搵返童年回憶估唔到而家佢地都掃碼自助落單落單之後即刻俾埋錢午餐叫咗個叉燒拉麵，配咗一份炸雞仲有飲品朋友就叫咗個滑蛋豬扒飯，配小食餃子仲有飲品無論味道同份量都同以前完全唔同叉燒拉麵就只有兩塊細叉燒，湯底亦都唔同以前咁濃反而朋友嘅滑蛋豬扒飯就應該係即整，因為都等咗一段時間豬扒亦都係啱啱炸起，所以係幾好食小食炸雞同埋餃子就正常發揮但呢個價錢會寧願支持小店

味千之霸：拉麵麵條煙韌，可以自選麵既質感軟硬度，而且餸菜都有五款：叉燒都算大塊但比較瘦且乾身，肉本身無肉味，質感普通；豬軟骨都好大件，肉質嫩滑味道豐富，必點推薦；溏心蛋有流心效果；配合大量木耳絲及蔥花，整體賣相都好滿意，但我覺得日式拉麵無理由無竹筍，咁就比較欠妥當。味千餃子：餃子有五隻擺盤唔算太整齊有掛邊情況，賣相就一般。味道上外皮脆身，但咬開時有豐富肉汁，肉質都好鮮甜，味道上都滿意。蜂蜜百香果茉莉綠茶：份量都有九成滿賣相都吸引既，味道上甜度適中，入口非常夠凍，啖啖都有百香果籽，口感豐富。燉煮豬軟骨：因為都幾好食，所以另外加配，豬軟骨都好大件，肉質嫩滑味道豐富，必點推薦。竹筍：要另外加配咁個份量都好夠，入口爽脆沒有筍腥味，口感好好。 

周六上午10:45 下单了一份早餐番茄拉面，11:17才送到，等了超过半小时。期间找店员，一半时间也没人理你。上了之后也没给餐具，又要自己去拿。外卖确实一件件的出货。而且他店里下单是立刻付款，就吃上你会一直等在那里。建议大家还是不要堂食了，实在想吃可以点外卖，更快一些。

叫咗個下午茶$39 +$3凍飲， 碗拉麵下午茶餐就自然世都好公平， 麵質彈牙都好食嘅 ，但係個湯底就出曬事， 我食得出出前一丁嘅豬骨濃湯麵味精粉， 最衰係個唐揚雞， 第一次食唐揚雞係有骨， 仲要骨多個肉， 個皮係炸得好嘅不過都係垃圾， 唯一叫好就係個凍奶茶個茶底合格囉。個環境就一般般， 唔知係咪下午茶落場小人 定係個冷氣有問題跟餐廳有陣味， 而家喺餐廳乜都自助落單， 自助斟水。 我都唔知咩叫服務。 食完個拉麵仲坐咗10分鐘先等到個唐揚雞上嚟， 搞到我杯凍飲都飲曬都唔知係咪專登想引我叫多杯嘢飲。

特登入東涌「outlet 」睇吓有冇平嘢執，「入場」前想食啲嘢先，再行可以消吓卡路里揀到無得揀，要求唔高下揀咗味千拉麵。Order 咗～麻辣牛舌拉麵，牛肉番茄湯拉麵，例牌小食～蝦餅同柚蜜雞翼。麻辣牛舌拉麵～無乜麻，辣偏鹹，牛舌ok正常，麵都係佢哋傳統幼身拉麵。牛肉番茄拉麵～淡淡的番茄味，唔係濃味果隻，咁佢都無寫住話濃，所以唔好強求，半隻溜心蛋～好味，但幾片牛肉，好明顯烚完鋪面～無味，小許粟米粒，睇見成碗嘢都引唔起我食慾就知有幾正？我成碗麵食晒都仲要等五分鐘啲小食至到～慢咗啲，蝦餅唔似泰菜彈牙果隻，雞翼都係靠淋落去啲汁，當塞滿個肚算。落單會唔會「蠢」咗啲，叫人櫃面落，又得一個櫃面，我前面個泰仔，成五六個人，吱吱咗咗，問嚟問去攪成十幾分鐘，如果繁忙時間又要收錢點攪？咩年代？好彩佢哋無加一，完全無服務，啲侍應都唔想彩啲客，食嘢似 food court 㔾都要自己嚟。

上次幫襯原來巳經是2019年嘅事😑坐得舒服5年前，係由員工親自落單，收錢。世界在變，5年後，巳改了客人自己scan枱角上的QR code 睇餐牌，點餐，付錢。一條龍的自助服務。全程和服務員零交流，食完可以好瀟灑咁離開餐廳😅辣椒油內有新鮮脆口嘅炸蒜片，味道係微辣--下午茶-- $39叉燒拉麵整碗份量偏小，叉燒味道一般，湯底合格，但咁嘅價錢，有個環境不錯的地方比你慢慢咁不慌不忙地進食，仲包一杯熱飲，在東涌，試問仲會有咩要求😅叉燒，拉麵，湯底整體貿，味道，就係Hongkong style嘅日式拉麵，可以用也不算差來形容，若未去過日本品嚐正宗日式拉麵嘅人，碗麵質素巳經算是不錯了。反而流心蛋和筍絲就最貼近日本風味。

今日約了朋友到東涌行街，午飯時間路過此餐廳，於是就嘗試這裏的拉面。我叫了一份味千拉面，加了一份小食味千餃子及配上橙汁，橙汁無需要額外加錢。味千拉面有义燒、溏心蛋及木耳絲。湯底是豬骨湯底，非常濃郁，性價比非常高。味千餃子可以搭配餃子汁調味，令餃子的味道更突出。

行過見到，又咁耐冇食，就去食下手機自己掃code落車叫左千味叉燒拉麵，湯底勁鹹，食完要飲水，叉燒都算厚身，有兩塊，但冇乜味道，似放兩塊普通嘅肉入口！糖心蛋正常發揮入黎食，應該食回憶，唔係味道

今日行過味千拉麵，啖啖肉的豚骨湯底留低滿口回甘，豬頸肉拉麵真係肉多得滯，食落肉質鬆化，咁滿足！湯底濃郁得黎唔膩口，簡直係滋味爆燈🔥！拉麵絲滑得嚟煙韌，估唔到得個「叮」字，完美咁夾住嗰個湯，嗰個感覺真係好掂！惡魔拉麵羅，辣度選到唔太辣，但已經夠你暖笠笠，辣油畫龍點睛，食得我心都暖。旁邊嘅餃子爽脆得嚟唔死鹹，啖啖肉嘅口感加上啲餡汁，正到不得了！提提你哋啊巨峰提飲，酸甜過癮，真係正中下怀，解辣解渴正呀！而家的我，滿心滿肚，都食得過癮，味千，你仲存唔存心要攻陷我嘅胃啊！🤤🍜💥

服務態度好差，服務員行來行去見唔到客人嗌人，落單要直接登記買單，叫服務員攞個碗冇人應，叫自己去攞，呢度係自助餐廳咩，以後唔會再嚟了. 今時今日呢個服務俾人感覺差到爆

假期入去大嶼山郊遊吓，途經富東邨見到好耐無食過嘅味千拉麵，整番碗攞吓啲回憶都好吖。入到去無人招呼都無所謂啦，依家QR code 落單，省減人手，明白嘅。自己乖乖搵個位跟手落單，太太就諗住斟定杯水洗吓餐具。揸住隻杯起身出去，可能隻手似搋俾個侍應，係似咋，無講過叫佢斟架。條四眼肥妹見到即刻大喝...自己行出嚟斟啦。我話你鬼上身牙？太太話唔好嘈，廢事掃興。就俾條生路你條四眼肥妹行。下次你無咁好彩。不過都唔會有下次

經過，見到入去試吓，點知，店員冇理你都唔緊要，重要啲嘢食難食到一個點，後來睇番先知咁多間收晒皮，唔怪得喇，睇黎個招牌應該臭晒，以後行過都當污糟嘢，見唔到見唔到。時運高

東涌對我來講係一個充滿回憶嘅地方，味千拉麵嘅地點係一個屋村商場，其實呢個舖位之前應該係其他茶餐廳，今朝特登入去睇醫生，見到佢有提供早餐，見到時間仲係11:30之前，好奇之下就入去試吓啦，今日係平日嘅朝頭早店舖唔係好多人，不過空間位置算係寬敞合理，我嗌咗一個雞扒蛋拉麵，其實都係嗰啲味道啦，都係一般味千風格，油咗少少，不過早餐來講$42有拉麵食，包一杯熱飲，今時今日呢個價位我覺得算係合理，我揀嘅位置係坐喺窗口位置出邊又落少少雨, 感覺都幾舒服😊

見出面有人排隊諗住入去食下點知俾左個近廚房門口既位俾我, 諗住人多將就下, 點知全程食野有昆蟲飛黎飛去🥲個餐廳又無冷氣甘, 明明叫唔辣既拉麵都食到出哂汗, 都係早d賣單走人Fairly speaking, 拉麵味道正常無失望, 我都會連湯都飲埋, 慢煮牛柳味道同肉質都唔錯, 希可以多d呢種特別又少見d既選擇而唔會淨係得x燒希望餐廳見到呢個comment會有改善🥲 始終係香港牌子侍應服務都算ok, 都見到佢地好忙 所以唔敢要求太多

Nice Japanese food on the go.. Does not having fancy menu but yet satisfying enough.Flavor's are dense and spicy too. The beef fried rice we tried was very spicy but tasty. Good food and amazing. It was a bit difficult to coordinate with the staff as they did not English so well but managed to get the order we placed for.It is easy on pocket and not very expensive.  The order was quickly served. Can try restaurant if you are in Tung Chung.