味匠車仔麵專門店

嚟到厚和街車仔麵鋪, 我竟然叫咗個”日式蛋卷配鹽酥雞槌飯”. 一來有啲餓, 另外車仔麵店竟然有日式蛋卷, 好想試吓咩味道. 碗飯幾大碗, 有四件雞槌, 同埋三件貌似豆腐卜嘅日式蛋卷. 雞槌調味非常唔錯, 好惹味. 至於日式蛋卷, 入面係甜嘅, 但係加咗醬油喺面, 配合埋其他都係鹹嘅味道, 感覺有啲格格不入. 不過整體嚟講呢間鋪都值得推介, 下次嚟一定試主打嘅車仔麵. 個飯加埋Zero, 盛惠HK$50, 抵食!…查看更多

聖誕節🎄長假留港消費，來來去去都係樓下半徑二百米範圍搵食，見到飲食男女推介就入去試下牛湯車仔麵。街外降溫又落住細雨，一碗熱騰騰的牛湯麵帶著香味的蒸氣已令我全身醒神，幾口入肚心中充滿🍜猶如家的溫暖。三十八蚊街坊價，份量上足夠，味道也不錯，推薦飲牛湯，獨特的氣味清香而過癮，真係有似有種魔力令人一直回味。見到對面有人試小食推介，又真係幾惦，可惜我一個小女子一餐食唔到咁多，下次帶埋啊媽來再試下佢其他款式。…查看更多

近日午餐時間都嘗試搵下唔同車仔麵食，嚟到小街見到有間車仔麵食，就入去試吓。內部裝修都有自己風格，車仔麵比平時食開的種類雖然差不多，但都會花一些心思去諗不同的配搭。今次我就嘗試名為牛魔王的車仔麵，味道都唔錯，值得下次再嘗試其他款。…查看更多

西環有間車仔麵我好鍾意食，係响士美非路，原來附近嘅厚和街最近開咗間好有特式車仔麵，當日去覓食先發覺，特式在於一個牛肉湯底，而餸就分開另上，保證原汁原味，價錢又非常親民，CP值高，好快會再去幫襯。三餸麵 $38 (凍檸茶加 $8) - 牛筋、冬菇、大腸配牛腩汁跟油麵牛肉湯底非常濃郁，一d都唔油膩，入口感覺有藥材味道，好味！油麵爽口彈牙，唔會有油饐味，牛筋好膠、冬菇厚實、大腸超腍，全部都入味，讚！另外檸茶無冰唔會變淡，有檸味又唔會太甜，不錯。三餸麵 $38 (汽水加 $8) - 魚腐、豬腩肉、大腸配牛腩汁跟粗麵粗麵爽口吸湯一流，魚腐有口感、腩肉肥瘦平均，全部都可一試。經典韮菜豬紅 $20豬紅唔會一夾就散，有少少煙韌口感，入味兼味濃，份量唔少非常抵食。孜然鷄搥 $28得意之作，鷄搥面包了雲吞皮，香脆可口，咬落有鹼水味之餘亦不失孜然味，多重味道同口感，而且鷄肉炸完仲有肉汁，不錯小食！二人共消費: $140…查看更多

一間只容納不夠三十個座的鋪頭，確係令我印象深刻。我已經連續去左好幾次，仲要帶埋家人和朋友。我係第一次食車仔麵，係麵和餸分開上，甘就一定唔會錯過麵和餸用不同湯汁。我最鐘意就是牛肉湯底的麵配辣汁的餸，辣辣地，好野味。簡簡單單的餸，食完都已經好滿足，再配上自家製的檸檬茶(仲有一片檸檬)，正， 而且性價比高完全體會到師傅對這車仔麵的講究和堅持，果然獨具匠心…查看更多

網路上看到媒體報導特意來光顧試試味道，找了很久才找到，原來是在一條200米長的巷子盡頭那邊，門口放置了一塊不起眼的小黑板。小店沒裝潢，沒有服務，沒有招呼，環境一般，用餐時感覺猶如旺角太子的小店，沒有西環小資風情，沒有特別之處就沒人打卡，這年頭好不好吃一回事，最要緊是有特色能拍照放䋞路分享引人關注。六點多吃到七點多也就我們兩個客人而已，小店在這條巷子純粹守株待兔的經營模式有點吃力。食物味道就是車仔麵的味道，沒有特別，份量也舆售價相符。唯一特色主食與配菜分盤。…查看更多

都算新新地開既鋪，諗住試一試外賣番屋企。佢既選擇都算多，不過無乜好特色既選擇。我要左淨餸，豬紅牛腩同豬腩肉。湯底要左牛骨湯。推介1. 牛骨湯底，幾濃郁！2. 豬腩肉，真係幾肥幾正！其他就正正常常。抵讚係淨餸佢有好幾條菜，唔算太吝惜。不過我都加左個腐乳通菜，個腐乳醬好正喎！好想睇下係咩牌子，研究下個食物label。菜量都算多。男朋友要左油麵，牛肚，豬腩肉同豬紅。佢本身啲野唔算貴，不過外賣加兩蚊，仲要每碗麵加的。唔知拎個碗落黎洗唔洗加呢？…查看更多

無意間發現呢間車仔麵小店，呢間同出面市面既車仔麵最大分別係個湯底，飲得出係花過心思去熬製的，飲落係好濃郁既牛肉湯，味道有少少似馬來西亞既肉骨茶味道，有少許藥材湯味🤩而且湯麵和餸菜係分開另上的，可以同朋友一齊開心share之餘，又唔會污染到濃郁既湯底，一舉兩得😆👍🏻分別點了白麵同米粉，個人認為白麵比較出色，口感比較彈牙，而米粉亦不差，係幼身米粉，似粉絲既感覺☺️唯一美中不足既係飲品方面，可能人手關係，飲品都係預先準備好了，檸檬茶、奶茶都只有凍飲選擇，甜度就劃一，無得少甜、多甜或走甜😣…查看更多

其實堅尼地城可以坐底輕食又好味嘅地方唔多。係有食粉麵、點心嘅地方，不過食材都麻麻。嚟咗呢度第三次，發覺鮮腐竹同魚腐加埋d腩汁好正。今晚叫咗芥香雲耳仔...話就話雲耳仔，都唔細塊，仲好爽呀！第一次嚟試咗牛肚，下次試吓食飯先..…查看更多

作為一個西柚，係西環群組見到其他西柚推介，一於試下佢。的確唔錯，值得推介，我都係第一次見車仔麵餸同麵係分開既，我叫左米粉清湯底，素湯有冬菇蘿白既味👍🏻如果食素既值得一試～米粉有咬口同埋個質地非常好，份量都唔少，夠飽肚叫左三餸，芝士丸，春卷，同豬手，芝士丸就無乜特別，春卷好味，厚身啲，不比南記差。特別要讚既係豬手同奶茶，豬手鹵得入味，奶茶入左樽，飲唔晒可以攞走，茶味濃得黎唔會好澀，好滑，好過好多茶記。…查看更多

牛肉湯夠濃郁。。加上佢嘅辣味好正又唔太辣適合女仔。。必試。。今時今日$30有2餸1麵$38有3餸1麵。。去邊搵。。而家是但去任何麵店買碗可以入口嘅魚蛋粉都唔止呢個價錢。。平靚正。。仲有外賣粉麵同湯分開裝。而家仲有幾多間會同你分開粉還粉，湯還湯呢。。外賣檸茶奶茶仲會變樽裝。。唔好以為價錢平民化就俾行貨。樽裝檸茶奶茶並非係超市買嗰啲。。支支自家制新鮮檸檬錫蘭紅茶。不惜成本。。只為方便食客。。2個字。。無得頂。…查看更多

厚和街美食雲集，難得有一間價錢親民，又是香港特色的車仔麵。配搭簡單，有兩餸($30)、三餸(#32)及淨餸。埸地雖小，但位置寬敞又舒適。詢問店員後，推介牛根、牛腩及韭菜餃是自家製作。除此之外，湯底方面更是驚喜，清湯用花菇淆製而成、喝下反而有種家的味道。 另外，餸菜及湯麵是分開奉上，雖然不像傳統車仔麵，但能夠保持每種食物的味道及本質，又不會互相影響。 而且，若然同行是素食者或是戒牛者，也能夠一同分享，不會因牛骨湯而令同行的少了選擇。 這裡飲品款式不多，但推介樽仔奶茶，比起茶餐廳的茶味也來得濃。我希望港島區、或是香港有更多更多小店，用純樸的味道勾起你的最初，至少不會被世界淹沒，至少用心去感受食物。 …查看更多

今日試左呢間車仔麵，點解係與別不同？因為呢度既車仔麵，好似拉麵咁有得揀湯底，同埋啲車仔餸係分開上既，我又覺得幾好喎，最好係大家嗌左唔同既餸可以一齊share 黎食，咁可以試多幾款麵就點左牛肉底，味濃而清，👍🏻話梅豬手，爽口，天氣熱都死，話梅個感覺好fresh~ 必食豬紅大腸，豬紅唔會碎濕濕，口感很好，大腸鹵得夠入味，最主要唔會有大腸個啲異味～三個人，叫左3個三餸，韮菜豬紅，話梅豬手，都係舊幾水。唯一缺點係坐位太少，總括黎講，有水準既小店，下次會再食～…查看更多

百味鮮fans見到過來試，牛肉湯底好得，望上去以為會好濃味但係飲落係清嘅。叫咗牛腩牛𦟌加鮮腐竹，都好好味。最後加個芥末雲耳小食，非常開胃。不過試業中，午飯時間人多要等等，差小小去隔離食東陰功…查看更多

今晚初試左好特別既車仔麵😋😋牛肉湯底真係好好味呀！一上台聞到陣香味已經忍唔住開餐(搞到差d 忘記左影相🤣🤣🤣）第一次見到車仔麵會將餸分開上，兩個人仲可以一齊分享👍🏻👍🏻👍🏻正😋😋鐘意食牛既朋友一定要試下牛腩牛筋牛展🐮真係非常好味😋好果唔係太飽，牛肉湯都可以飲埋勁辣魚蛋一定要試之後仲有支勁好味既自家制檸檬茶（飲完都係忘記左影相）😑😓😂😂😂佢地話仲有自家制奶茶！下次一定要試…查看更多