影片
今日去西环个边做野，做完野个肚有少少饿，见到有间茶餐厅个名叫”唔系茶记”，咁搞笑，试下究竟有咩特别先坐低叫左野食，呀姐粗声粗气咁话无红豆冰，咁唯有转热柠水然后就系无尽的等待......三点半落单，等到成四点先有嘢食，饿都肚都扁<花生酱西多士$31>花生酱西多士几好食，虽然份量唔系话好大份，但系有两层花生酱，浓郁得来都几和味㗎<瑞士鸡髀配薯格$38>但系个瑞士鸡髀就唔多掂啦鸡髀唔系好大只但系最重要系鸡肉真系好鞋薯格就好似图咁样得几旧，食唔饱
继续阅读
三十五蚊。温度，质地，颜色都好好。芝士唔会漏晒出来，仲晌面包之间融化得啱啱好！牛油份量适中。糖浆自己斟。纸巾同埋牙签要自己去收银处度拎或叫人拎。杯热柠茶我惯左唔落糖饮，就咁饮也不错。一年前我来过，我记得啲热饮杯系高身﹑全白色嘅胶杯，好容易有洗唔甩嘅灰色污迹。而我今日见到个杯系瓦杯，真系有进步，感觉干净啲同容易清洗，值得一赞。疫情其间有黑色隔板，隔唔隔到病毒？隔到一啲啲挂，不过隔唔到人声。其实晏昼三﹑四点都唔算太吵嘅。店内有老有嫩，有笑有谈，也许这就是茶记独有的风味。温馨提示︰三号台系比较大风嘅冷气位，不过我入去前好热，坐果个位就舒服了。
继续阅读
年初三喺西环行个大运，但又冻又落雨，饥寒交迫之际，双眼发光✨，皆因见到对面有间新开嘅餐厅，叫做「吾系茶记」，之前行过都唔觉眼。见到新春期间都只系收加一，合理啦，就入去试下。不过一入到去冇人招呼，要自己揾位，但张张枱都坐咗人，有啲气馁。终于坐低咗喇，店员揾咗阵先畀到餐牌我哋。其实店舖嘅侍应(似家庭式经营)唔算少，但可能啱啱接到好多单或者新开未熟手啦，所以有改善嘅空间。不过佢哋都好好礼貌嘅😊。茶记嘅价格非常相宜！早餐、下午茶餐同常餐普遍都系$3X有交易。不过下午茶要两点半先有得嗌，午餐又好似太Heavy咁，所以我同朋友都叫咗常餐($38)，有三款拣，A.沙爹牛肉面、B.蕃茄牛肉通粉同埋C.瑞士鸡翼捞公仔面。以上三款常餐均配煎双蛋同牛油厚多士，两只煎蛋煎到有㶶边唔错🍳，不过蛋本身好细只。同埋我钟意食炒蛋多啲，但呢到无得拣。牛油厚多士🍞有半块，正正常常，面包都算松软，但牛油少到一个点。蕃茄牛肉通粉，呢个有惊喜㖞！🍅蕃茄汤底几好，唔系茄膏开出嚟，茄味恰到好处唔太酸，而且够热暖笠笠。我最钟意系有好多蔬菜🥬🥕喺个汤到，成个感觉有啲似罗宋汤；牛肉亦都唔错，有好多片。至于通粉就系有坑纹比较淋𠮶种，我自己就钟意无坑同弹牙多啲嘅口感。瑞士鸡翼捞公仔面🍜，呢个就好难食👎🏻。望落啲公仔面都知唔够汁，点知食落更加无味，同白恰无乜分别，面质又淋。至于鸡翼🐔，份量有三只，其实几多，但都系好淡味，明显系有色无味，应该只系用咗老抽吧！连豉油咸味都无，更遑论瑞士汁嘅甜呢？热饮唔使加钱，冻饮加$3，我哋要咗热奶茶同热杏霜，都几大杯，但奶茶好涩😑。每张枱都有盐同胡椒粉，仲用个好得意嘅金宝汤樽装住，但唔知系咪太少客用定放得太耐，啲窿位塞住哂😅。总括嚟讲，餐厅各方面都系茶记嘅质素，普普通通啦。食物味道主要被瑞士鸡翼捞公仔面拖垮咗...，但蕃茄通粉就唔错。环境正常，但衞生同服务都有改善嘅空间🙈。
继续阅读
价钱同附近其他餐厅差唔多，厨房同厅面睇落比较干净同阔落，食物同饮品都比较大份仲有汤饮，而且质素好好。😊(加冻饮只系3蚊，仲好大杯)呢度食野未试过d野食油到想呕或者d肉咬极都咬唔烂既情况，而且份量都好大方。其他地方就算收百几蚊一餐都未必好得食过呢间。唔知系新开定咩原因，暂时食亲都见无乜人🤔
继续阅读
呢间茶餐厅都算唔错啦，食物同埋价钱都算几好，食物种类都几多下，呢度噶沙爹牛肉公仔面好好味啊，面都几有劲道，汤底好浓郁啦，总之就系好正啦，煎蛋都好有水准啊，蛋黄煮成流心甘真系好唔错，值得一试啦！
继续阅读