吾家 (已結業)

呢間小店開左向呢頭都一段時間，今日終於可以試試佢嘅餃子。芹菜鮮肉湯餃 - 個湯底係蕃茄薯仔湯，不過佢嘅蕃茄味完全出唔到嚟，淨係飲到蘿蔔嘅味道，所以真係有啲失望，芹菜餃相對比較正常。煎韭菜鮮肉餃 - 煎得比較偏油，而且完全唔香口，而且完全食唔到韭菜嘅味道。馬來咖哩蟹柳豬肉餃 - 呢個就係炸餃子，3款餃子入面唯一最驚喜嘅餃子，炸得夠脆而且咖哩味完全食得到，重點係食落亦都唔會覺得好油膩。炸花枝丸 - 最正常亦都最普通嘅小食。

成日都去開虹橋搵食，阿仔話要食餃子，就試下食呢間吾家餃子，佢嘅口味係偏清淡嘅，食得出係冇味精，真係好似喺屋企自家製嘅感覺，叫咗咖喱蟹柳餃不過不失，韭菜鮮肉都幾好食，仲有煎粟米餃。另外餐有得加呢個炸花枝丸都幾香口。但反而佢招牌嘅炒米粉就有啲失色，真係好似完全我又炒咁冇任何味道或鑊氣，同自己喺屋企煮一樣，希望佢哋可以改善。蕃茄當湯底都係不過不失。如果想搵啲健康嘅餐廳都可以以一食，沒有太大驚喜，不過裝修都唔錯幾有特色。

【屯門——REtro餃子】屯門虹橋不嬲都多嘢食，今日見到有間餃子店 @ngka.dumpling 未試見，裝修又幾靚，就決定試吓。入面裝份係復古風，尤其係窗口卡位位置，有塊大玻璃，以復古字體印有餐廳名，鮮橙色嘅牆再配以米白色沙發，好似返咗七、八十年袋嘅Diner 咀。雙拼湯餃子（蕃茄薯仔湯：鴨胸欖菜餃、韭菜餃）$49蕃茄薯仔湯係店家自己熬製，味道清甜，有蕃茄天然嘅酸味，亦有煮爛晒嘅薯仔，飲落有嘅粉粉哋嘅口感。不過小編嫌個湯太重紅蘿蔔味，有少少喧賓奪主。餃子皮薄肉餡扎實，包得幾靚。但每粒唔算好飽滿同大隻，而且一碗得六粒，冇其他份量揀，對於男仔或大食嘅人嚟講，唔算好夠。但餃子嘅味道係唔錯嘅，例如鴨胸欖菜餃，估唔到用鴨胸做餡又幾好味，有齊鴨嘅香味，肉質亦唔會韌，但欖菜嘅角色就唔多明顯，基本上味道同口感都係俾鴨胸霸晒。韭菜餃就唔算冇乜特別，味道正正常常。味道：7.4/10抵食：6.8/10環境：7.3/10服務：7/10 #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #屯門 #屯門美食 #tuenmun #tu

🥟 湯餃6隻 (蕃茄薯仔湯底) $42(粟米鮮肉餃) + 配淮山麵 $8粒粒餃子都好足料, 又大粒, 蕃茄湯好濃郁, 好好飲 , 淮山麵又健康又吸晒湯汁, 好好食🥟 湯餃6隻 (蕃茄薯仔湯底) $42(韭菜鮮肉餃) + 配淮山麵 $8韭菜夠新鮮, 食落好爽口🥟 時菜配蠔油 $20🥟 煎蓮藕餅 $28煎得好香, 仲有蓮藕粒, 口感好好🥟 豆漿 $9～～～～～～～～～～～～～～～～～～～～～～📍 吾家地址:屯門青菱徑6號富麗大廈地下D2號舖※※※※※※※※※※※※※※※※※※※※※※※※※※※ 

去完新田食晏，再落流浮山，成日落陣雨，基本上帶住寵物唔想出街食晚餐，咁就喺返屋企嘅途中諗住喺新墟睇吓有咩外賣買返屋企食，跟住見到呢間門面幾特別就買呢間。本來想試佢餐牌上面個蔥油撈麵，但係佢話而家冇做。因為實在太大雨，連個花膠雞湯都唔記得嗌，有機會下次要試返。整體食物嚟講，餃子係出色嘅，嗌咗個炸餃係韭菜餡，返到去個皮仲係脆，同埋咬落去爆餡多汁又夠皮薄。另外湯餃跟豬扒酸辣米線個湯餃係芹菜鮮肉，都好好味。但係個豬扒就薄咗啲同鞋厚啲。藕餅就過火咗少少，墨魚丸就正常。下次後天有路過屯門新墟，要試吓堂食會唔會再好食啲。

我坐對牆一人位，落單叫套餐一跟韮菜餃，然後過咗一陣，隔離嚟咗一個人，我聽到佢叫套餐一跟粟米餃。我掛住玩電話，冇留意到隔籬嗰個人已經有嘢食，跟住我望一望，發現佢食緊嗰個係韭菜餃，我再望一望佢張單個枱號，同我一樣係8號😅 咁唔怪得之會上錯餐，但係隔離條友又唔出聲㗎喎🙂 雖然佢出聲都冇用啦，佢已經食緊🙂然後過多幾分鐘，有其中一個職員同我講唔好意思，話已經幫我催緊單。再過多10分鐘，我嗰個餐先嚟到，前後等咗20幾分鐘。我覺得搭枱打同一個單號，真係好奇怪，平時起碼都會打8A或者其他數字，上菜嗰個人唔睇單又係有問題。食物一般般啦，畢竟無啦啦等咗咁耐影響咗心情😞

#pb食在屯門 #pb中式系列 屯門新開「吾家」餃子店🥟New Restaurant Alert🚨✨屯門人注意啦🤪 屯門虹橋個邊出名多野食 最近仲新開左間餃子店😋 呢間新開嘅餃子店用左橙色裝修 非常搶鏡😍 店內外裝修都好懷舊 佢連餐具、碗碟都襯番店內外嘅懷舊裝修 感覺幾特別🥰 店內環境唔大 只有4-5張枱 坐得都幾舒服👍🏻.佢有5款餃子選擇 包括韮菜鮮肉餃、香茜鮮肉餃、粟米鮮肉餃、素五鮮餃、芹菜鮮肉餃😋 湯餃6隻價錢$42 煎餃6隻$46👍🏻 可以另加$8淮山麵😍 🔹韮菜鮮肉餃🥟🔹香茜鮮肉餃🥟湯底用左蕃茄薯仔湯 冇咩落味精 味道好甜😋 兩款餃子都漲卜卜 落足料 豬肉份量比菜多 所以食6隻都幾飽👍🏻 如有唔夠飽 仲可以加個淮山麵 配埋湯食幾鮮甜😍.整體✨ 呢間屯門新開嘅餃子店裝修好搶鏡 店內外裝修都好懷舊、好特別🥰 湯底用左蕃茄薯仔湯 幾足料😋 餃子豬肉份量幾多😍 不過價錢唔太平 間唔中食去食下都幾好👍🏻吾家 (屯門)屯門青菱徑6號富麗大廈地下D2號舖

在20:37外賣自取，樓面說等待8分鐘左右最後在20:59才拿到外賣。叫左套餐一 72蚊餃子得四隻，size又偏細，味道都一般。蔥油拌麵都一般，入外賣兜之後壓實曬變咗一舊。湯係幾好飲，不過成個餐得咁少嘢但係賣好貴，一啲都唔值得買黎試。

呢間新開業既餃子小店🥟，見到裝潢幾得意就入左去試下😋以橙色做主色的裝潢，入到去充滿復古既感覺，入面企理乾淨，位置都坐得舒服。-粟米鮮肉煎餃 加8蚊 准山麵🥟🥘餃子煎得香口，皮算薄身，咬開粟米都幾多粒，外香脆內軟熟，不錯！准山麵配上自家的蕃茄薯仔湯，清甜微酸，薯仔煲到好淋，岩啲鐘意食淋薯仔既朋友仔。粟米鮮肉湯餃 加8蚊 准山麵🥟🥘湯餃一樣都簡左粟米餃，個人覺得煎餃比較好食😆炸花枝丸🍢大大粒既花枝丸，配上泰式辣醬，都不錯的，略嫌質地比較粉同實。

屯門虹橋出名多餐廳選擇，近日有間新開張小店，門面裝修十分搶眼 😳 「吾家情常在」，朋友以為食中菜，去到先發現主打餃子 🥟 同海螺花膠雞湯，菜式選擇都不多～👧🏽 身為餃子控當然要實測一下有兩款套餐，主要有四款煎餃選擇同海螺花膠雞湯 🍲 分別配搭蔥油拌麵配太陽蛋 🍳𝗛𝗞𝗗𝟳𝟮 或蠔油時菜 🥬𝗛𝗞𝗗𝟱𝟴 。店員先奉上海螺花膠雞湯，上枱個下真心有詫異 😬 十分細碗！湯味尚算濃郁，只見有些少瑤柱絲，如果有多些少湯渣會比較好 💓 而蔥油拌麵配太陽蛋 🥢 麵底比較過腍，無咩咬口，味道一般三個人亦都選擇咗三款不同口味餃子，🥩 香茜鮮肉餃芫荽味重；🥬 韭菜鮮肉餃則一般；🌽 粟米鮮肉餃相對比較𝖩𝗎𝗂𝖼𝗒，但整體上都無太大驚艷之處 😅另外再一試小店既全部小食 📝 每款都係 𝗛𝗞𝗗𝟮𝟴，煎蓮藕餅有三塊，肉質鮮嫩，內裏有蓮藕粒有咬口 👍🏻 ；炸花枝丸有六粒相對上比較抵食又大粒；滷水雞翼炆到好腍，但未算好入味；另外再叫咗杯豆漿 🥛 普普通通～用餐前有期望過一下，結果有落差 🙂 係屯門虹橋呢個地段餐廳定價偏高，而且食物份量比較細，味道質素都不算太突出。

46蚊得6隻煎餃. 食得出係出面現成買既餃子. 非人手自己包. 啲餃子都幾味精. 啲味精餃就一定唔會唔好食. 但無肉汁. 煎出黎啲餃子皮都係穿窿. 連豆漿都唔係自家制. 好失望. 6隻雙拼餃加埋一杯9蚊豆漿真係一個女仔都唔會飽. 性會比真的太低.

餐廳選擇唔多，叫左個餐有四隻煎餃 一碗湯 一碗撈麵，先上既係一碗花膠湯，湯完全係凍，味道只係正常，亦好細碗，再上煎餃，我揀左素餃，素餃味道極淡，而且餃子尺寸偏細，撈麵味道正常總括依然，呢檔野性價比低，同甜記或餃子屋味道及份量相差好遠，而且價錢亦貴