380
9
3
港铁油麻地站 A1 出口, 步行约2分钟 继续阅读
所有分店 (3)
电话号码
39973753
开饭介绍
火锅店于旺角闹市的大厦上,食客可在用餐的同时,俯瞰热闹街景。提供多款口味的鸡煲,如重庆麻辣、花雕药膳等。火锅配料多样,亦提供不少特色小食,如辣酒煮花螺、泰式生虾刺身等。 继续阅读
附加资料
午市主打健康住家菜,晚市鸡煲及火锅。
营业时间
今日营业
12:00 - 15:00
17:30 - 00:00
星期一至五
12:00 - 15:00
17:30 - 00:00
星期六至日
12:00 - 15:30
17:30 - 00:00
付款方式
Visa Master AlipayHK 支付宝 现金 美国运通 银联 EPS
座位数目
86
其他资料
网上订座
Wi-Fi
酒精饮料
自带酒水
电话订座
赏订座积分
外卖服务
加一服务费
海景景观
电视播放
当面支付
有关奖赏计划
食记 (406)
等级4 2020-09-12
694 浏览
话说疫情之後好耐都冇出过街食饭, 第三波疫情缓和咗, 於可以出街食个晚饭轻松下。由於成日喺屋企食啲清淡嘢, 都想食番啲惹味啲嘅开心吓, 於是就拣咗呢一间《吞Pot鸡煲火锅住家菜》, 相信锺意食鸡煲嘅朋友对呢一间吞POT都唔会太陌生, 餐厅位於油麻地誉发大厦高层,食饭之余仲可以饱览一下日落美景。疫情之下,餐厅防疫措施做足, 探热同酒精搓手外, 提供咗 滚水畀客人洗下啲碗筷,食得安心。我哋选择咗重庆麻辣鸡煲(大辣) ,果然有料到,红椒乾加上辣椒油, 一片通红,食落够麻香,花椒麻醉了味蕾,够晒刺激。 而且辣得黎又唔会抢咗鸡煲嘅香料味,够晒惹味。另外, 鸡件嫩滑,可谓啖啖肉, 就算系鸡胸部分都保持到水准。另外仲叫咗脆肉鲩片, 脆肉鲩片食起嚟有少少骨,食起黎要小心。 由於砌得好簿, 轻轻灼一灼至微微屈曲就可以食, 食起来相当之爽口,夹埋少少蒜葱嚟食,既可以撇除泥味,亦可以提鲜。要食得健康又点少得蔬菜呢? 食鸡煲嚟讲我就最锺意皇帝菜, 因为锺意佢够味,黄帝菜独特嘅香气唔会咁容易被鸡煲抢去风头, 而且芫茜一样同辣味非常之夹。必点项目一定系推介嘅爆芝响铃, 本身热辣辣嘅响铃都令人难以抗拒, 加上里面夹埋溶化咗嘅芝士,即有豆香,亦食出芝士咸香, 无论当小食抑或火锅配料都相当适合。最後点咗非常「索」嘅芋丝,芋丝低卡又饱肚,中和返少少食鸡煲嘅罪恶感。而且炆耐咗嘅芋丝亦相当入味。总括嚟讲,呢间吞POT绝不吞POT,材料新鲜,可口惹味, 希望疫情过後可以约多啲朋友一齐食啦! 继续阅读
(以上食记乃用户个人意见 , 并不代表OpenRice之观点。)
疫情关系,呢排都好少出街食饭难得出嚟行一阵,就梗系要拣一啲食物同环境都卫生嘅地方食饭之前嚟过呢度打边炉,因为系楼上铺嘅关系,铺头外面唔会人来人往,环境开扬舒服,所以比较有信心喺度食饭呢度嘅座位唔系特别多,而且可以先预约再上嚟食饭,枱与枱之间都隔得比较开食物种类好多,一部分仲系自家制嘅要对自己嘅身体好啲,所以今次拣咗个滋补螺片花胶鸡煲嚟打边炉鸡煲嘅材料份量十足,大大块嘅花胶,鲜味嘅螺片,啖啖肉嘅鸡,净系用呢个汤嚟打边炉已经够晒美味饺饺阵呢度系四款唔同种类嘅自家制饺子,最欣赏系云吞大大粒,虾肉饱满,食落好满足手打四宝丸由於系自家制嘅关系,每款丸都系爽滑弹牙,可以食到啖啖鲜肉味道,同平时嘅普通什丸真系冇得比自家炸响铃呢个响铃真系必食之选,新鲜炸好嘅响铃,就咁食就脆卜卜但我锺意将佢放喺汤度几秒再食,外面微脆,里面索满汤汁,非常好食西班牙顶级黑豚猪腩片打边炉唔少得有肉,因为系腩片嘅关系,肉质会偏肥少少,食落充满肉嘅美味同油香味,呢款打边炉真系推介之选赞岐乌冬通常打边炉都咁上下都会想食返个面,因为索咗汤汁嘅面系特别好食,呢个乌冬比平时更加好味我哋喺七点半前埋单,所以啲火锅配料都有半价,感觉更加抵食 继续阅读
(以上食记乃用户个人意见 , 并不代表OpenRice之观点。)
等级4 2020-05-20
1134 浏览
太耐冇舒畅地放低保护罩、太耐冇肆无忌惮地畅饮畅食、甚至太耐冇打边炉....太多活动太耐冇做,当得知终於可以逐渐重拾该乐趣的时候,特别感恩和开怀。当然距离大家可以无顾忌地一群人围在一起打边炉还很远,但这晚可以再临我最爱的吞Pot鸡煲火锅,每食一啖都觉份外滋味!吞Pot的花胶鸡煲是我食过数一数二最真材实料的。鷄煲上桌後急不及待夹起鸡肉,鷄肉肉质滑溜,真的鸡有鸡味而不是雪藏味。汤底更加加入了螺头熬煮,令汤底特别鲜甜,花胶大块而且爽口。只吃鷄煲当然不够过瘾,还是要点些火锅料”十下十下“。男友撒娇想吃牛,就满足一下他的欲望,menu上的牛类食材选择也不少,在考虑了价钱之後,衆多选择当中我挑选了牛柳粒。平常通常点牛肉片,绝少点牛柳粒,怕牛粒材料不够“靓”,口感会很硬。但这个牛柳粒口感居然意外地嫩滑而且多汁。建议最好把煮牛粒的时间掌握在一分钟左右,当肉转色不久之後就可以拿起享用,避免牛肉过分烹煮而变得硬身。爆芝响铃才对是一道必点的食材。响铃即点即炸,满满的芝士被一层层的响铃包裹住,上桌一刻已经闻到浓郁的芝士香味,非常诱人。把新鲜炸起的响铃迅速浸在汤里3秒左右,这时微湿微脆的状态最吸引人。每一口带有芝士、油炸还有有一点汤底的鲜甜海鲜味,好吃程度让人欲罢不能。这时的汤底已经够浓郁了,可以加入冰菜,索了汤汁的菜吃起来特别鲜甜。冰菜的茎部带有结晶状颗粒,好像粒粒结了冰的水珠,吃起来的口感也是特别有趣! 继续阅读
(以上食记乃用户个人意见 , 并不代表OpenRice之观点。)
等级4 2020-05-19
777 浏览
每次都系我最早到步细阅餐牌,计划点什麽食材,打点一切等待朋友们来临。竟然系姬斯汀第一位到达,跟美女先撑一会台脚,转眼亚军森鵰都杀到喇!食饭或打边炉真心唔想饮啤酒,成肚气成肚酒顶住个胃食唔得多,我要食野呀!但高高兴兴跟朋友们畅饮,真的很难抗拒。无帮衬段长时间,再次到访!色香味质素都大插水,生料质素下降到吊车尾,依间火锅系我拣选,十分抱歉,对不起朋友们啊!五个麻甩一个虚,雷奥、神州、神都、云娘、利民,养生全席。花螺、生蚝、鸡子、花胶、螺片,多款食材都滋阴补肾又壮阳,爽啊!Asahi 啤酒,最支持日本啤!清爽顺喉不呛,酒味温和不苦涩,大啖灌入透心凉!Wasabi 牛柳粒,全熟牛柳粒六面煎封十分香口,外层咽韧里面水润极弹!肉汁泛滥,毫不留情的青芥辣汁,直击脑袋,鼻孔打震,感觉爽爽。牛味浓郁甜美,给您满分!脆皮炸大肠,有凤梨伴碟呢,非常传统。薄薄肠衣香脆带甜,厚身白肉肥美爽弹渗出猪肉鲜味,不腥不嗅,追食几件无得顶!辣酒煮花螺,不是大就好食架!好睇唔好食,硬掘掘的花螺肉,黏黏厚厚的麻辣芡,甜味出众麻辣微弱,过过口瘾的质素。雷式混酱,我的独门混酱,指天椒、生蒜、炸蒜、生葱,简单好味劲辣吸引。火锅必备,葱香、蒜甜、椒辣、油鲜,所产生的化学作用难以形容,无与伦比!配肉配海鲜同样出色!另外仲有麻辣酱、芝麻酱、豆瓣酱、沙茶酱提供,本人少食少食。滋补螺片花胶鸡汤,落生鸡件大火滚开熄火耐心等候 10 分钟,启动﹗打开浓烟密布香气突袭,鸡汤芬芳无比,索一索口水滴滴!厚厚胶胶黏嘴,滚烫的汤汁舒服畅快!极浓的鸡甜味道,凤脂无敌甘香,提味百倍!鸡肉弹滑娇嫩,花胶爽而咽韧,非常出色!大家都饮到乾塘无得剩,未打边炉就要先加汤咯。打到尾声汤汁极浓极甜,百味融合鲜甜无比!比个面或比个饭我就更赏心悦目。煮完肥鹅肠後,鹅油提味无限,虽然油腻但非常香喷喷,无论如何都要饮几啖才心息。韩国顶级牛肉眼,薄切极嫩滑,乳香突出,牛味清淡。牛三朗,比韩牛味道浓很多。雪花肥牛甘甜的油脂,牛肋片牛味浓稠,牛柳粒弹弹有咬口有牛油香。羊肉片,羶到尽头无止境,食到我𢲡住块面,格硬吞落肚,虽然松软微弹,但真的羶到吃不消啊!赤贝肉,罕有地将刺身料用作火锅食材,雪藏货不会有任何鲜甜味,只有少少的爽感,淡淡然的海鲜味道。脆肉鲩鱼腩,爽脆有微弱鱼味,不过鱼脂欠奉偏瘦,未够香甜。日本广岛蚝,雪藏货没有异味已很安慰,储存得好散发鲜蚝味道,蚝肚厚滑多汁﹗新鲜肥鹅肠,小心翼翼灼两灼,缩一缩,不能过火!要保持鲜嫩,要保有鹅油才是皇道!甘香滑溜油润兼带爽,不得了!鸡子,雪藏火鸡子烚熟一点,缩多一点,可去多一点腥味。滚上雷式混酱整粒啪入,皮脆肉嫩,汁液激射。膶一样的质感,喷汁滋润双唇。十全大宝丸,每款两粒分贜唔匀啦!生拆蟹粉墨鱼丸、黑松露墨鱼丸、黄金海胆墨鱼丸、香煎鹅肝虾丸,有创意不过馅太少,所有味道都被墨鱼味盖过,当普通墨鱼丸食,弹牙结实有鲜味,合格。芝心牛丸,只得这款另类,芝士馅水汪汪,牛味浓而咽韧质地。香煎鹅肝虾丸,食不到鹅肝味道,虾胶弹滑鲜甜味香浓。冰菜,可以生食当沙律菜,我较喜欢热食。表面盐结晶已提供少少咸味,质地独特咬到索索声,菜甜味清淡,试试无妨。胡椒猪肚鸡煲,头啖汤淡茂茂如水清澈,中段渐浓饮得过,尾段有苦涩味。腐竹厚身滑滑,给鸡汤带来浓郁豆味,怪怪的。萝卜爽爽爆水,少少涩而甜味欠奉。粟米超甜粟饱满,激甜爆汁。猪肚先弹牙後咽韧,阵阵猪甜。鸡件没有惊喜没有特别,平庸唔难食。鸡翼好多毛及毛管喎,清洁得不够细致乾净。酥炸鱼皮,乾身脆卜卜,净食有点咸,浸汤半湿半滑,咸味搭着胡椒鸡汤,很有趣。牛颈脊,除蔬菜外,应该系全晚最优质的食材。牛脂闪令令的,网油平均靓靓的,滚汤拖两拖粉红色,出烟入口。牛味鲜气野蛮霸道,肉味甜甜的,咽韧滑滑有赵头。象拔蚌,跟我预计的完全相反,没有味道硬硬的似足水鱿。白鳝片,虽弹滑但不够肥味,瘦瘦的泛着强烈草青味。滑嘟嘟,即系鲜滑三拼。蟹子墨鱼滑腥酸,蟹子虾滑同样腥酸。鲮鱼滑免强可以,起码不腥不嗅,全部新鲜度低下。手打四宝丸,手打黑墨丸、手打牛丸、手打虾丸、手打墨鱼丸。手打丸全部硬实不滑不弹不鲜,粉多肉少极黐牙,非常失望。饺饺阵,即系饺三拼。自制韮菜饺,韮菜爽甜强差人意。自制鲜虾云吞,云吞虾仁咸腥。自制蟹粉蟹肉云吞,略咸味浓不鲜。鱼皮饺,滑溜溜,咸味突出不呛最正常。莴笋,爽嫩翠绿清甜。蔬菜篮、生菜、金菇、秀珍菇、鲜冬菇,全部合格美丽! 继续阅读
(以上食记乃用户个人意见 , 并不代表OpenRice之观点。)
等级4 2020-04-27
1035 浏览
一个几有质素,坐得舒适,可能同时食到靓鸡煲既楼上火锅店,不过由於店内枱数唔算多,建议大家预先订位喔坐底落左单後,店员会比呢个酱料盘你,可以随时调配所需既酱料味道喔,选择都算多,生蒜炸蒜芫茜辣椒等都齐全架!落单纸有齐所有食物既选择,分类排好,见到选择都几多,而且价钱都合理。左边可以拣返鸡煲的味道及款式,如果只系想打边炉都可以,有返纯火锅汤底比你拣架鸡煲到!一上枱真系盖住左都闻到佢既香味,真系不得了,卖相都好吸引,基本上鸡件已经煮熟,再煮多阵就可以食鸡件份量都几多,每件都几大件,唔会只系得骨或肥膏,所以食起黎啖啖肉得黎,味道又够香浓,而肉质都几鲜嫩,感觉唔多似系冰鲜鸡添食完好出色嘅鸡煲,我哋加入上汤开始正式打边炉啦!个汤底加咗呢啲清汤,味道都唔会太淡,用嚟打边炉好好味,甚至将鸡煲嘅精华,都留咗喺个汤底度呢个牛肉出色,系特级雪花牛肋片,脂肪分布非常均匀,薄切得来,食落好有口感,而且好重牛味食落都几爽口弹牙,就算将佢煮熟之後,大大块,真系唔错自家制芝士脆炸响铃,有之前系入边嘅响铃,你食过未啊?原来都几好味台湾A菜用黎打边炉,食过既就知有几好味啦,因为同一般蔬菜有少少唔同嘅系,佢有一种特别嘅味道,加上吸收咗汤底嘅味道,呢个菜好好食今餐都食得几满足,绝对会再有下一次,大家都可以试试佢 继续阅读
(以上食记乃用户个人意见 , 并不代表OpenRice之观点。)