影片
港铁佐敦站 D 出口, 步行约5分钟
继续阅读
附加资料
午市主打健康住家菜，晚市鸡煲及火锅。
营业时间
星期一至五
12:00 - 15:00
17:30 - 00:00
星期六至日
12:30 - 15:30
17:30 - 00:00
公众假期
12:30 - 15:30
17:30 - 00:00
公众假期前夕
12:00 - 15:00
17:30 - 00:00
以上资料只供参考，请与餐厅确认详情
相关文章
夜晚突然有急事要出尖沙咀，已经好累，唔想再慢慢揾位，想打边炉，临时见呢间有台远少少系山林道都照book。行紧过去，侍应已经打黎问我系咪会到，系就留返张台比我，我地两个即刻冲住上去冲到身水身汗，点知上到去原来仲有好多张吉台。其实一心想食辣鸡煲嘅，但老公最终拣左胡椒猪肚鸡煲。汤底算唔错，但味道可以再浓少少。鸡唔系想像中咁好味，唔多入味，亦有d 鞋，亦无照片见到其他人相入面嘅咁多。特级雪花牛肋片，$198 蚊，成餐之中嘅败笔：分量多或少呢样野唔讲喇，最紧要无牛味，真系唔值呢个价，同新星任食嘅味道差不多，只不过肉质无咁鞋。螺片新鲜嘅，四宝丸亦唔差，食得出系自家制手打唔系出面就咁入货果种。爆芝响铃亦都有惊喜，比普通响铃好食好多。但好坦白讲，打边炉牛肉真系好重要。呢间d 牛嘅质素真系令我无兴趣再去下一次。
继续阅读
呢间鸡煲食左几次，但好似质素逐渐下降。唔知系咪转左手定转左厨师，味道好似…..一去不返！第一次同屋企人食，超级好食😋所以都回头左几次。但慢慢好似愈来愈一般。唔记得影环境…..但见无咩人同男朋友坐左张圆枱仔。因为早晨鸟的优惠，配料同小食都有半价。种类都好多选择！一坐底就有个酱料九宫格可以比我地混酱！唔洗我地走黎走去。我地叫左个BB辣麻辣鸡煲，佢叫我地等两分钟就食得，啲鸡好似熟得仔，老左。我平时食开米线食二小辣，呢个BB辣都觉得好辣。平时钟意食川菜既男朋友都变左孖润肠。建议惊愈煲愈辣可以夹啲辣椒出黎。安格斯牛小排一般，无特别大惊喜。正价$108 6只虾系唔觉得特别好食🙈所有配料都唔系特别好食同小小碟，但价钱偏贵。大柠茶都唔够冻，茶底唔够浓。食辣最想系饮冻野。最好食食最值得推介系芝士响铃超级超级好食！！！！重要系即炸嫁👍🏻但唔记得影相最后一提系服务好好！我同男朋友食食下，有一枱人黎庆祝生日，超级开心🥳开心自然会讲野大声啲啲，但可能佢地坐既位置比较应声。大声到…我地连自己讲咩都听唔到 ，同埋分贝较高耳仔好辛苦，扫哂兴。所以我地做左一次奥客同店员讲想调位。店员都为我地安排帮我地搬到较舒适的位置！最后重free左两杯野饮比我地！最后早晨鸟优惠埋单7xx蚊两位，揽住个肚走。食左好多野，但性价比确实唔抵。之前都系正价食，但个鸡煲系好食，配料无特别唔一样。但食鸡煲！！！配料系其次，个鸡煲先系主角！希望下次食可以变返以前个味啦🙏🏻
继续阅读
哗，真心推介呢个花胶鸡煲其实我哋呢一餐唔系志在食我哋志在吹水减压八卦所以本身我哋都系谂住求其揾一间鸡煲食吓吹吓水点知坐落嚟发现个Menu有花胶鸡煲我哋几个都异口同声话要拣呢个同我哋想像中𠮶啲咩辣鸡煲系完全唔同因为𠮶啲系冇汤，呢个系好浓烈嘅花胶汤然后我哋三条女鸡都未食晒饮晒人哋啲汤真系好正然后倒清汤落去打边炉我哋嗌咗唔系好多嘢粟米菜牛肉豆腐咁上下仲要啲牛食唔晒因为挂住吹水除咗个花胶鸡汤我哋清晒之外其他嘢我地都食净不过最后悔嘅系我哋应该系有花胶鸡汤嘅时候冇嗌个粉丝🙈哎呀
继续阅读
花雕药膳鸡煲(半只鸡)$178鸡煲系呢度招牌，一定要order。药膳啱我哋啲，药材份量好多，所以一拎到上枱已经阵阵药膳味飘出嚟😊如果唔叫鸡煲，都要叫鸡食，因为呢度系食鲜鸡件，唔系鸡脾起肉扮鲜鸡😂😂而且半只鸡都够2-3人食，抵呀！脆肉鲩片$70脆肉鲩薄薄一片，吸收哂d药膳汤底，鲜甜脆！蚬介鲮鱼球$55估唔到呢度边炉以外，有d小食、小菜叫，谂住叫鱼蛋时见到有鲮鱼球，呢个真系想介绍比大家：热辣新鲜上枱，大大粒又弹牙，配埋果蚬介酱，无得输😇自家制鲜虾云吞$75yes，大大粒自家出品，出面买嘅好少可用咁大只虾；而且虾&猪肉比例均匀，够鲜又好味～爆芝响玲$45(三条) / $75(六条)见好多人都推荐食，又真系第一次见芝士响铃～估唔到两样嘢咁夹，真系好朋友嚟！d芝士溶溶地系响铃入面，香口之余又软绵绵咁，好好食丫😚
继续阅读
打边炉最紧要食材新鲜，加上呢度上楼嘅私房环境，悠哉悠哉咁食番餐，推推推！蚬介鲮鱼球：坐低要先拣汤底，但太肚饿，嗌多个即食嘅小菜。鲮鱼球感觉清爽少油，不油腻，蘸上自家制蚬蚧酱，更觉惹味，当餐前小吃十分不俗。药膳鸡煲：最后精选咗药膳+鸡；点半只二人份量刚好，鸡肉嫩滑；而且中药味浓汤底，值得一尝芝士响铃：食店自制芝士响铃，响铃里面包裹著一块芝士；于汤底轻轻一拖上碟，芝士味道浓郁，入口即溶，必食！鲜虾云吞：真材实料，每只都大大粒，包著原只鲜虾，味道新鲜。脆肉鲩鱼片：肉质爽脆弹牙，味道鲜甜，不要焯太耐，否则肉质变老，影响口感。仲有自选酱油九宫格，yummy yummy😋😋
继续阅读