影片
星期日呢条街间间午市都无位,唯独呢间。谂住求期一餐半餐算。所有食物加热饮都要加$5叫咩又无咩。价钱又唔值咁贵,本身一个普通油菜饭已经$48,如果加杯热奶茶已经$53。味道又唔好食
继续阅读
上水依个美食沙漠终于有一间系可以比我称为饭堂❤本身自己系好钟意食水饺，食到依间嘅水饺的确系好有心机，好健康嘅，尤其系佢嘅汤底有得拣鱼汤同鸡汤，鱼汤个感觉似屋企煲嘅老火汤，带甜味而饮哂都唔会口渴上海面口感有韧度，唔系一夹就断，非常好食雪菜猪肉同韮菜都推介虽然后者同出面其他铺嘅系有分别一咬开成个馅都系绿色而且唔见到有韮菜嘅老板话因为想经过搅拌成菜碎后菜汁可以带入饺内而不会浪费掉很好的心思而且感觉菜比较多食完自我感觉良好今次介绍嘅系我成日食嘅肉燥拌陈村粉(sorry太肚饿食到一半先记得影相)肉燥好食，味道一d都唔味精，似自己做嘅屋企味道陈村粉本来就唔多地方有得食，即使系有，都通常会整到劲油，成件事好腻见到有食评话依度陈村粉一旧旧唔好食，但系依度就系因为冇乜油，而令拌陈村粉做到唔腻，配埋肉燥一流小笼包唔错，皮唔会太薄而一夹就穿会一直帮衬
继续阅读
首先我唔系个d打开美食既kol，但系睇到个食评我觉得需要为呢间小店平反，呢间小店由佢开头试业个时我已经食，初头我系因为夜晚收工返到上水，而呢间野系我屋企附近，加上我好钟意食饺子咁开正我𠮶瓣，再加上我觉得系上水其实系冇咩野好食，见新开咁试下啦，认真第一次食可能因为系试业关系，d野食系偏淡味既，但系佢令到我再返转头既原因，系因为我饮到碗饺子个汤，系真系同屋企阿妈煲个粉葛鲮鱼汤一样味(我记得我系叫鱼汤个饺子叫左咩就真系唔记得)， 因为咁之后第二个礼拜我就再去食，我自己系比较钟意食d厚身既饺子皮同云吞皮，而我乡下仔亦都未食过，一块薄既云吞皮可以装到个馅又装埋d汤而粒云吞系唔穿唔散既，可能系有人食开灌汤饺当云吞啦，咁其实个粒系饺而唔系云吞，而我不懂，算喇讲返d野食，云吞系既块皮比出面d云吞皮厚既，但系我觉得唔影响个味道啰，呢间铺餐牌入面既野，鸡汤鱼汤药膳，云吞饺子有8成我食过，咖哩，肉燥，陈村粉，近排仲多左个狗仔粉，仲有佢地食汤饺/云吞会跟一小碟菜脯，碟菜脯次次我都清哂，食有汤既野我一定饮哂碗汤，我想讲陈村粉唔系好多地方有得食，一碗饺子加面收你四十几蚊你话贵，请问你系唔系平时食开廿蚊碗，可唔可以介绍下?我明白唔系所有人都同我口味一样(比起出面食到既，系偏淡，但系我觉得系清d，但其实冇问题，而唔系冇味啰)，我敢讲佢算系上水既清泉之一，一间咁用心去做食物既小店，如果因为d咁既食评kol而令到佢冇左，咁香港人跟肥妈返大湾区食鲩鱼生鱼片吧啦利申:我个个星期都会去食，希望多d人可以支持呢野铺
继续阅读
我当日入上水做啲野，见楼面呢间都唔错。。咁入去试下，好耐冇食过狗仔粉🤭狗仔粉几好味，同啲料都几足，感觉都几老实🤭🤭饺子个皮几好味，比较重面粉味，记得细细个呀妈包果啲都系咁样😆平时出面食饺子好重味，我觉得呢个味淡淡地都几ok总括，有下次！。
继续阅读
工作时 路过食个快饭见人少少 唔迫就试下茶仔一间本来无期望但拣面餐见到汤底可选鱼汤 或鲨鱼骨鸡汤 又好似有啲料到主打上海菜，北方云吞 及水饺于是点了个猪扒韮菜饺上海面一试 正㖞个汤好鲜味 唔肥腻 食到尾畀我饮埋饺子 坚多菜 馅料绿油油 食到忘了影猪扒有调味 入味 大大块厚切唔包嘢饮44元 价钱ok侍应nice 似住附近街坊妇女食客问路又详细教我要食药又畀暖水如果开喺屋企附近 一定成日帮衬
继续阅读