影片
以前食开呢间铺就系喺西湾河嘅湾仔呢一间都系第一次试我呢世人最钟意食锅贴饺子类嘅嘢架啦呢度啲锅贴真系好有水准嚟得啲平民化地区预左唔会有咩招呼自动波揾位 攞酱料就算啦2点30就下午茶啦，10几蚊就有个餐但我太饿都系叫原价下午茶份量亦都唔会够我食先嚟5只锅贴排得唔齐唔紧要食落好食就得啲肉好鲜甜多汁个底真系煎到脆卜卜而且锅贴与锅贴间唔会痴埋一齐同埋个醋更滋味17蚊only之后个小棠菜好翠绿好彩佢啲蚝油系分开上嘅个生煎牛肉包都好味但就无锅贴咁推荐啦都等左好耐我催过单同食晒啲嘢先嚟面层啲包系松软嘅但热度不足而入面啲包俾牛肉汁整到淋晒有啲浆口不过肉馅好香依然系好食嘅
继续阅读
突然想食栥饭，谂起公司附近有间旧式装潢，又平，味道又唔差，食上海传统美食的店舖。栥饭用糯米饭包住肉松，榨菜，油炸鬼，制成一个长条形饭团，即叫即整大大件，都系$20，有手掌🖐️咁大，真系抵食夹大件，一定够饱可惜内馅的油炸鬼唔够脆，好淋，如果系新鲜脆卜卜会好食啲～红油抄手 $28用肉松、蒜蓉作汁料之一，都系第一次见，味道偏酸，没有辣味。我麻麻地个汁，比较期待食到有酸辣得味道。反而抄手令我感到惊喜菜肉云吞既size同粒乒乓波一样大，菜肉馅的味道调配得十分好，皮又滑，好食！
继续阅读
今日想食上海菜 咁啱经过君户 外表望落有少少简陋咁 不过入面都ok嘅餐牌选择劲多 咩𩠌嘅面都有 另外有菜饭 粗炒小食都好多 又栥饭 锅贴 生煎包 豆腐化▶️雪菜肉丝面 ($27)估唔到佢好大碗吓 上面啲雪菜都超多虽然可以拣面 但系原来如果你冇特别话转 姐姐会自动式帮你拣咗上海中面同清汤底味道方面 汤底的确较清 唔太多油咸味适中 可能因为佢加咗少少辣椒 食到微辣 不过可以接受雪菜真系好多 用黎捞面好正😋食落爽口 又酸又咸肉丝就比较少 不过都好食 好淋又唔韧 亦好有味 同雪菜劲夹我觉得佢个面先好食虽然未至于非常烟韧 但系个质感好好加上较粗身 所以唔易断 食落仲有啲面粉味😍正宗嘅上海面！食完成碗面好够饱 好满足-成个面都好好食 好正宗嘅上海菜味服务态度就差咗少少 不过预咗环境都算ok 起码眼见干净CP值超高 好耐冇食过$30一餐 仲要系好食够饱 份量足😮又冇加一果然系平民美食 当悭钱！其实佢啲生煎包锅贴都好吸引
继续阅读
到实习嘅最尾低三日，之前食咗太多好嘢，荷包干硬化要食返啲平嘢，但系湾仔呢一区出名贵，真系谂到头都大埋周围行紧嘅时候见到呢一间君户锅贴大王，外边鬼死咁多打工仔喺度排队，心谂一定冇死，就同我嘅朋友一齐入咗去作为菜饭嘅爱好者，我今日嗌咗一个猪扒菜饭，$40两只拳头咁大块嘅猪扒真系非常之抵食，佢块猪扒系即刻炸，完全冇雪藏味，不过如果去可以剪埋上菜就会方便我食，至于个菜饭佢啲菜系炒过嚟，令到成个菜饭都好香，值得赞赏我朋友就嗌咗猪扒云吞面，净系$38咋，佢额外再要多五只饺子，真系好鬼抵食！虽然佢味道唔错，价钱都好平，但世事总系冇完美嘅，环境个方面我觉得佢有少少污糟，如果佢系清洁个方面做多少少功夫咁就满分啦！
继续阅读
系湾仔经过呢间野咁多年，我都冇入过黎食，想简单食啲野就黎试吓❤️➨招牌酸辣汤面 $36觉得好足料好够味，唔算太辣！👍🏻 比想像中大碗好多，配埋小食豆浆超级饱🤣➨炸酱面 $36未嗌之前都谂紧佢既炸酱系咩样，英文写系with black pepper sauce？🤷♀️ 不过黎到又觉得卖相okay㖞，好多冬菇粒系入面，好多生菜🥬垫底，我又几中意因为可以食多啲菜，面份量都好够，不过食到后面，啲炸酱食晒得返啲面🤣➨炸小馒头 $18炸馒头加炼奶食几时都系perfect match，虽然望落有啲太㶶，可能啲油返用过好多次，炸过好多野所以偏黑，唔够金黄🙊 不过食落都okay，点埋炼奶食好味🥰➨生煎鲜肉锅贴 $16/5只反而呢到既锅贴我就一般，皮好厚，馅又唔系特别好食，不过就胜在大大只，点下醋同辣椒酱食😊两个人食，埋单人均都系$50-60左右，真系好抵食，每人可以一个主食，小食，仲配埋豆浆，未必人人都觉得好食，但我觉得以呢个价钱，质素都算系好唔错👍🏻
继续阅读