君成酒樓 (已結業)

前身為「新寶城洒樓」的君城酒樓，係大埔區內超老資格的地道廣東茶樓。昨晚去賀壽，訂位個陣一早同君城講明係擺生日，叫預備壽包就真係送比我地！廿幾人叫左兩圍酒席埋單都係$3870 咋！(個餐係$1880 x 2, 連加一&茶介汽水啤酒加埋！) 係做冬前既旺季，呢餐真係唔算貴，d野食梗係比一般連鎖集團新鮮熱辣啦，壽包絕對handmade，個樣唔係好四正，大家本來對各樣野都係彈三彈四，見到上壽包又係度嫌，點知，一食包落口竟然齊齊大叫「嘩~~好好味呀！！！」 (超似做戲 ^^)，因為係新鮮夠熱，擺左好一排都仲熱又好好味！班友鍾意到叫洒樓比多籠！真係~~其他野大致都ok，食到係無味精既！係個羹咸同稀左d。當然，真係要受得到街坊酒樓個種「服務態度」囉，佢地真係好老實咁同我地講野架！態度真係....... 好街坊囉，會串返轉頭囉，訂位講十次既野都係冇同你寫低囉....... 都算快手既，一揚手都有即係埋來招呼，但係咁抵又夠味既廣東酒樓，真係越來越少喇！聽佢地講09年1月會裝修唔知搞幾耐，要去就快，係大埔墟新巿政大樓對面，算近火車站同巴士站，附近又有得泊車，交通都算方便。佢地下既門面好細唔起眼，二樓都算闊

上星期日，老公話去飲茶，想試吓新地方，問我有乜好提議、我上openrice 見個個都讚君城,‧便和老公揸車過去。上到去，覺得環景非常麻麻，裝修又舊。既然黎到，部試吓啦！坐低 叫了茶，跟住 order 點心，但係叫極都無人理，服務差。我叫咗燒脯仔，想食mustard, 於是去燒味檔，但唔見有，問其中一個姐，佢叫我自已入厨房攞。泠氣又唔夠，我同老公一路食一路抹汗。食物味道好一般。我見個個都話燒脯仔靚，所以我又叫。嚟到點知凍冰冰。個皮就好鬆化，但係D肉好似煲完湯般腍。係煎腸粉好食，腸粉好滑，而且好香。但係價錢唔算平。以這個價錢，去稻香好得多啦！

大埔區的酒樓......最近愛上這一間..............差不多每星期日都會同家人去飲茶...但之前去開的酒樓都變哂質......唯獨近幾個月發現....君城都係一個唔錯O既選擇.........................樣樣食物都咁好味......點心類：白雲鳳爪....蒸鮮蝦腸粉....馬拉糕(最潮..但味道最傳統).....魷魚蘇(好好味).....干蒸牛肉(其他酒樓巳揾唔到).....春蛋燒賣.................白灼尤魚牛柏葉.....芋頭鴨腳扎(係老豆的至愛)等......味道很傳統.....炒粉面都一樣好味：...干炒牛河...肉絲炒面........正!!!!.........前幾晚...成家人都諗唔到去邊度食.....所以我"口出狂言之下".....係..."大"呀媽咁..."去君城呀BUN"............咁就去咗試晚飯.......我記得响君城食得最多係...... 白事O個餐...."解X酒" 因為佢地好多時都不是太迫人.... 安排得OK..........But Anyway........講返正題.............

小時候每年暑假便愛到婆婆家度假每日就跟婆婆.公公到這裡飲茶這個習慣,兩老一直沒有改變,一直十幾廿年!我最愛都是見到推車一直叫賣的情況,很熱鬧現在的都已經變了"點心單"可幸是,這裡保存了一點傳統!酒樓,來來去去也是一點 普通不過的點心...燒賣 ,蝦餃, 腸粉, 雞扎,排骨 等等,數之不盡我 獨愛"馬拉糕"十分鬆軟,講不出的好味!由"冠年華"做到現在的"君城"一定有它獨特之處希望一直可以再食到...

有一個星期天，到君城酒樓食茶，胡亂點了「避風塘茄子脆奶」，就看看是甚麼家科。嘩! 超好食，炸茄子上有椒鹽，少許辣椒碎，原來再點砂糖一起吃超正! 脆奶我吃得多，脆蜜瓜奶真第一次試，都幾香嫁，咁新奇的菜式都是28蚊，真抵食!波型馬拉糕都好好味，其他點心都好足料，平日我們一行人要叫八籠點心，當日叫了五籠已經飽到凸，還要打包走呢，下次再去大埔一定要再光顧。

點心選擇多，好多都好味，之前好多人都講左我都唔多講喇，但係我就知道ｏ個位點心部大師父黃先生係ｏ個度做左成二十年喇，由以前既”冠年華酒樓”做到而家既君城酒樓ｄ點心都係佢一手包辦，經驗十足，而且唔會偷工減料。但係間酒樓裝潢左之後衛生情況都冇乜改善．．ｄ枱仲要係好迫．．又要行樓梯。晚市亦一般。

這間舊式酒樓幾乎每星期也來，自從沒有大籠馬拉糕供應，不少fans 甚為失望，但原來只是改了原籠蒸，一直蒙在鼓裡。星期日跟爸爸飲早茶，看到對面一對老夫婦叫了兩籠，前後左右也有人叫，已知不簡單。所以爸爸也叫了，馬拉糕不是太甜，而且好香，雖然欠缺了搶「邊位」那種樂趣，但原籠也有原籠的好處，就是每人也可吃到「邊位」

有一天路過，所以入咗去~見個樣好似唔太衛生... 有d後悔...但反正都黎咗 ... 食埋先走la ~點了燒腩仔飯~ 賣相極差，但味道一流~ 皮脆肉滑~ 真係好好食~還有燒腩卷~ wa～有蛋ga ~ 好正ar ~ 係5花腩黎ga ~ e+ 已經好少酒樓有ga la ~ 好味得令人感動~西米角都係懷舊點心之一~ 都係做得好好ar ~ 今日最差算得上係鱗蝦魚翅餃了...原來... 好味與否... 同賣相係冇關ga ^^如果唔係離我家咁遠... 我一定會再去ar ~

星期日去飲茶周圍都好多人等位,不過君城就通常好快可以搵到位,不過早去o既話就要自己搵位, 有d唔方便,不過好在d侍應都會幫手, 當然熟客佢地就會幫多d啦~以價錢來說雖然唔講得話好好抵食，不過食物質素就幾好，例如: 皮蛋瘦肉粥、盅頭飯、煎釀茄子、芋絲餅，都好ok~不過環境就唔係話坐得好舒服同埋通常都會搭枱，多人o既時候都幾嘈下嫁，所以如果要坐成日o既飲茶就麻麻地啱喇，但係如果想快又好食又唔係好貴就啱晒喇~!

其實逢星期日都來，食來食去都係生滾粥、煎腸粉、麻蓉包等，所以不寫食評。但對上個星期日，我和爸爸要了一碟炒米粉，米分好大碟，好足料，有銀芽、西芹絲、蘿蔔絲、火腿絲，最驚訝的是有魷魚(白灼三寶o個種)，米粉雖然食落味精頗多，但炒得好香口，還有些米粉焦，是日只是吃了一碟已經夠飽，雖然要成$12.8，但都覺得物有所值。

自到樓下食家介紹，星期日早上便拉爸爸來飲早茶，要了五香鹹肉粽和水晶包，粽好多綠豆，勁喜歡，五花腩太肥了，看見都驚，但整體味道也是ok的；水晶包分別是豆沙、白蓮蓉和奶黃，沒有麻蓉餡令我煞是失望，雖然白莗蓉夠香滑、豆沙不甜不膩，但我想食麻蓉囉！

跟爸爸來這兒飲茶,蒸腸粉- 好味好滑!麻蓉包- 半溶狀態的麻蓉餡,超好味!水晶包(奶皇,蓮蓉,麻蓉) - 彈牙好味!煎腸粉- 一般

昨晚一家人出來吃晚飯，由於好多酒樓都冇位，所以來了這兒。記得上年好似試過佢o地o既任食火鍋，覺得ok，價錢亦合理，但因昨晚跟婆婆一起，沒理由打邊爐，便吃小菜，點知便中招，味道超唔掂，淡口而求其，碟蒜蓉豆曲仲起晒渣，炒得勁老，除此以外，那碟白汁扒什菌，個茨汁杰得一pat pat，望到都唔想食，還有一碟叫干煸蜆肉四季豆，一粒蜆肉都冇，完全搵笨，其他菜式其實好普通，但係都整得唔好食，最好只有個例湯，好夠火喉，雞腳好腍，不錯，幸好埋單每人平均不用$80，尚算合理，但我想沒有下次囉(我指晚飯)。

昨午與教友一吃來這兒用膳，我們四個人食到飽飽，都唔駛一百就可以落樓，真係又抵又好味。 是日叫了一碟生炒牛飯、一碗豬粥、一碗三(墨魚丸、蘿蔔和魷魚)車仔麵和一碟西汁餐\腸飯，每樣都唔錯，尤其是炒飯，因為樓上酒樓o既廚飯炒的，夠晒鑊氣，而且飯粒粒分明，蛋漿均勻；豬粥豬好得，夠爽，但粥底略嫌水太多，吃吃o下己經生水；車仔麵就比較失色，魷魚完全冇味，墨魚丸唔夠爽口彈牙。總括而論，真係好抵食。

點心夠熱夠好吃，有機會是即叫即蒸，即使不是也吃到此質素。油菜也應該不是平價菜，因為吃起來有點甜。但還是一貫酒樓作風：味精不少。總括而言，可以一試。