影片
有史以来利安商场咁多的酒楼，呢次系我第一次觉得咁嬲。虽然我明白节日系特别忙，但是佢既服务质素真是令人难以接受，我以前同匡屋企人一齐食饭都未曾遇过呢种情况。第一，我地一开头想落单𠮶阵叫到第四定唔知第五个人先帮我地落单，之前𠮶啲应咗一声「好」之后就唔见咗人影，但系我眼见并唔系所有侍应生都唔得闲，我仲见到有啲人得闲到可以同啲客倾偈。第二，我地落单既时候，侍应生冇讲套餐里面既其中一道菜已经卖晒，但佢照样落单，直到上菜既时候我地先知道𠮶道菜已经冇晒，而转咗另一道菜，好彩我地冇唔钟意𠮶道菜，唔系就白等。之后都有疑似系老板娘既人黎道歉，都冇咁嬲。第三，我地当时叫咗两个套餐，有一个套餐已经黎齐，我地已经食完添，但男另一个套餐好耐都冇上菜，我地追单追咗3次，佢地每次都敷衍了事，亦都冇讲咩时候可以上菜，直到有一个阿姨帮我地追单既时候，先同我地讲可能系整唔见咗张单，所以先漏咗单，但系我极度怀疑系卖到冇晒货先系真正既原因，搅到我地浪费咗成半个钟系到等空气。呢餐真系食到成肚火，以后都唔会去呢间到食，人地做节日生意，佢又做节日生意，做到咁衰都系第一次见。
继续阅读
街坊评论早茶，朝早九点几十点全部茶客都系上咗年纪嘅人士，唔使等位，因为酒楼面积都大，服务嘅人手尚算足够。例牌早屎就有孖宝早餐，价钱$26左右，可以选两款食物，不过今次我就唔叫孖宝，试咗其他点心，质素一般，普普通通，冇乜特别也不过不失。茶叶品质一般，香片入口好苦，不过街坊酒楼，似乎大家都系志在有个地方坐下，饮下茶，吹下水，大家对食嘅品质，食物质素都唔太大要求。区内得呢间酒楼，所以早餐想饮茶嘅，呢度就系唯一嘅选择，如果唔系就只有食其他港式茶餐厅嘅早餐了。
继续阅读
黎呢度与亲友饮茶好几次，之前一直不过不失，系茶面会有粉状物，不过点心的确较抵食。但系今次叫左个“黄金糯米鸡"真系令人难以接受，竟然系两块煎蛋夹住糯米，仲要望落馅料好少
继续阅读
今日约咗朋友去利安打波，出完一身汗又系时候补充体力。美国桶蚝$128大大只蚝够肥美，用姜葱爆过好惹味，有8只清蒸细石班一条$78蒸得啱啱好，鱼质够滑，$78食到条海鱼，抵！豉汁带子蒸豆腐$70呢个𩠌用来𩠌饭正，豆腐够滑，带子都鲜甜。沙茶芥兰炒牛肉$78芥兰炒得几爽，牛肉同沙茶酱都夹黑椒猪手煲$78原只猪手上菜，黑椒味道刚好，唔会太辣估唔到普通食晚饭都有寿包同红豆沙送👍🏻食到咁饱又要约时间再去做运动喇😂
继续阅读
今晚成家人去屋邨酒楼食饭，呢间屋邨酒楼，都有好多款式，价钱亦平易近人。阿妈钟意食蛇羹($68)，但其他人都咳，所以叫左一碗蛇羹俾阿妈，另外加一大盅炖猪肺。点知上左一大盆蛇羹，上菜既阿姐确认呢个系$68既一碗 蛇羹，佢张上菜纸确系咁写，我地吾担心要俾多D钱，但真系食吾晒，再问楼面阿姐，最终确认了上错左，收返换过一碗，份量都吾少，味道亦 okay，不过就揾吾到蛇既踪影。白菜炖猪肺汤，好好味，真材实料，有螺头，鸡脚，猪肉，猪肺，白菜， 红枣落去煲。猪肺洗得好干净，冇异味。晚饭三宝，只系$270，有上汤龙虾伊面，清蒸沙巴龙趸，腊味炒芥兰。龙虾都新鲜架，味道亦 okay，系件数少D， 咁既价钱就梗系吾会俾好多。清蒸沙巴 龙趸好嫩滑，腊味炒芥兰既腊肠好瘦好好味，赞！👍咕噜肉卖相唔得，好似茶市食净再煮热咁。椒盐鲜鱿新鲜热辣，好好味。冬菇花胶炆鸭掌， 花胶好厚肉，鸭掌好够冧。最后仲有糖水同寿包送。第一次普通食晚饭有寿包送。😆
继续阅读