君怡閣中菜廳

营业中

休息中

兩款特價食物抵食👍蒜香古法蒸老虎斑338元一份，原來原價是588，服務員話有斤四両極力推介，重話好多熟客都讚抵食，食完當真不錯，酥炸釀鮮蟹蓋原價198，特價148好大隻食完有點飽飽，在其他食店都冇咁大隻，總結來講抵食好食😋

朋友聚會，選此店 唔洗趕交枱，地方濶落 坐得舒服，招呼好 侍應多，食到一半主動換骨碟；餸菜食淨少少 幫換細碟；食到差唔多主動送糖水，冇得揀 係馬蹄露，好夠料。肉厚伴碟都好靚噃好有特色，我尤其欣賞中間啲牛筋驚喜地好食。必叫

社會疫情問題已經差不多3年時間冇去尖沙咀🤣約咗朋友敘舊食午餐🥣行到金巴利街君怡酒店看到有推廣，就確定在君怡閣食飯入到去人不多有點🫣初初覺得有點懷疑在尖沙咀午餐應該很多人食飯治啱，感覺應該是一般，他們的食物改變了我的想法，好大隻胡椒蝦好香脆好味道是招牌菜好食😋紅米炒飯很有鑊氣好少食到，每台重免費贈送神秘的蝦👍做推廣好正，好欣賞他們的點心紫薑皮蛋春卷和蟹肉龍蝦湯包好掂，埋單的朋友重話話🆗下次再約

出得尖沙咀搵野食大多會諗起厚福街或者其他樓上小店，不過今次介紹既係尖沙咀鬧市酒店入面既君怡閣，地點都幾方便，係美麗華條街直入就係😂去到中菜廳門口都感覺到歷史既味道🤣傳統老牌酒店格局，保持返30年黎既裝修😂閒日午飯時間都好多位🙈未食果陣有少少擔心會唔會中伏🙈前菜係酸蘿蔔，好開胃，唔苦，如果間間酒樓都有提供就好😂好過勁熱氣既花生😂鮑汁蒸炆鳳爪🐣同平時鮑汁鳳爪擺盤唔同，呢到既用籠仔擺🙈搞到初初以為係普通鳳爪🙈不過食落係鮑汁黎既，好就好在個汁冇一patpat,最怕漿粉漿住晒啲鳳爪脆皮湯圓見到呢款幾特別，出面唔多酒樓有就叫黎試試😆外脆內軟，口感幾得意，皮夠薄，餡料係最愛既芝麻餡😆所以都幾鍾意呢碟點心😆懷舊馬拉糕岩岩新鮮蒸好上枱都幾鬆軟，而且甜度適中，唔會過甜，但一定要趁熱食，凍左之後啲蒸氣沉左底，會有啲濕濕地🥲蔥油蝦籽薑蔥叉燒撈麵 最失望既反而係呢碟😢都唔講叉燒量較少，已經係切絲架啦，都夾極都得幾條🙊蝦籽灑左係麵上，不過冇乜蝦籽味🙊最失色係個麵底，麵太淋太濕😢而且個汁味親偏濃，食落會有啲咸😢

旅發局推出"夏日賞賞你"優惠，搶到消費滿300減200的優惠,高高興興的預約了，打算試一下酒店中菜廳的午市點心。酒店位置便利，與美麗華同一條街。中菜廳座位比一般酒樓闊落，枱與枱之間相隔一張枱的距離，坐得舒適，適合慢慢坐，傾下偈。剔完點心紙，落單時服務員提醒茶芥及加一都不可計在300元的消費內。。。這個有點意外，消費條款只提及另有加一服務費。茶芥60元兩位。我們二人平日細食，最後點了6碟才滿300，太飽了。芥是一小碟花生，及一小碟辣魚醬。 很失望! 花生又腍，又沒有花生味， 而且有點辣。辣魚醬太辣，點兩下，就吃不到了。食物擺盤都不錯，可以用來打卡。失望的是，食物質素只有一般酒樓的水準。黑豚咕嚕肉 （＄７８） 賣相好好，味道是正常的咕嚕肉，反而伴碟的南瓜蓉有點驚喜，但份量比較少。水晶蝦餃皇（＄４８） 蝦餃上面好似有金箔，蝦都大隻，但比較乾身。蟹籽松露燒賣（＄４８） 味道很好， 食不到松露味。蠔皇蜜汁叉燒包（＄４２） 餡料不多，很一般。香煎臘味蘿蔔糕 （＄４５） 碟很漂亮。。。需要問才提供甜醬，而且竟然無花生醬。原隻鮮蝦腸粉（＄４８） 不錯，蝦夠大隻。洗手間看得出酒店有點歷史，但仍然很清潔，

參加旅發局300-200, 茶芥加一唔計， 今日十一點半去到，先安心出行，2 個人食勁飽， 埋單400-200 港元. 點心水準好， 男經理幾polite, 連廁所叔叔都好有禮貌，之前試過佢隻有米豬都好正，今次我哋食咗蝦餃春捲，黑毛豬咕嚕肉，桂花糕，奶黃包流心嘅熱辣辣好好食，碧綠帶子腸滑捋捋好正，位置坐得好舒服有卡位，廁所都好乾淨，值得一去。經理話信用卡有九折，但係佢冇講邊張信用卡，大家訂位嗰陣時可以問下佢，我諗佢會好樂意答你嘅

今日去君怡閣飲茶，因為很多朋友推介這裏的點心和小菜都好味。 今次試咗真係冇得輸，而且整體環境非常舒服和清靜。我覺得各種點心都有一定水準，金腿千絲蘿蔔酥和紫菜鮮蝦腐皮卷，脆身和食落一啲都唔會油膩，炸得非常之好，時間控制得恰到好處，令到蝦肉唔會個老。貴妃鮮蝦米腸、香煎焦糖小米糕和芒果豆沙春卷，非常好味和好有特色的點心。最後我哋都有叫鹹魚茄子肉鬆石鍋飯，君怡鮑魚蛋白炒飯和胡椒雞湯芥菜煮蝦乾魚肚都好好味，覺得簡單啲仲別具誠意的菜式。總括今日啲食物非常滿意，希望下次要再來試試他們的晚餐。

2021年 踏入11月，遇上食神！開心！香港旅遊發展局聯同約150家餐廳，推出 Travel by Palate，日期為11月1日 ~ 11月30日，這１檔預訂了14家餐廳，第１站：尖沙嘴君怡酒店君怡閣中菜廳188元/位 精選午餐，包括以下的：#炭燒脆皮腩仔併金磚豆腐：１葷１素的搭配，兩者有共通點，外脆內嫩，都好吃！燒腩仔甘香鬆化，大愛！#杏汁花膠雪蓮子川貝燉白肺湯：名字很長，有13個字，內容與名字一樣足料，不油膩，感覺很滋潤！#八香果醬海蝦伴蘋果醋沙律：refreshing！喝完足料的燉白肺湯，吃這個偏酸的沙律，感覺舒服，看得出菜單設置的心思，加分！#燒椒桃仁慢煮牛肋排：牛肋排好大一塊！醬汁濃厚，肉質鬆軟，好吃！#玉竹魚湯海味花膠浸菜苗：清淡中帶鮮味！吃完濃味的牛肋排，吃魚湯菜苗，很好的平衡味蕾，再次感受菜單設置的心思！#紅棗雪耳糖水：不是我喜歡的甜品，味道可以的！#橙汁：Wine and Dine menu配智利紅酒１杯，我不喝酒，店員幫我換成橙汁，貼心！推薦的店！下次和家人來試試點心！

初一食飯，唔係度度有開，朋友介紹呢間中菜，酒店中菜來講性價比不錯。前菜有麻辣豬肚絲，辣味剛剛好，豬肚也十分彈牙。然後來個椒鹽田雞腿，脆皮厚薄適中。最好吃的是牛腩煲，牛腩炆得入味，汁醬也好。總括來說，食物好，服務也不錯。

同外國返黎嘅朋友聚會，揀咗呢間君怡閣中菜廳。 一入到去 ，星期五晚都冇乜人都覺得有啲奇怪 另外幾堂枱似乎係食緊一啲商務飯 。麻辣豬肚好好味，個麻辣度好吸引配芫茜好襯。 片皮鴨比較乾 ，不過個皮做得好薄👍🏻 片皮鴨二食嘅肉碎， 生菜包生菜每一塊都剪到圓形，令到你非常方便去包，肉鬆都做得好好少少咸好配新鮮生菜。 牛坑腩係最好食嘅！ 一碟得八至十件,我哋每人只係食到一件咋🙈 佢面頭又脆漿炸咗，入面牛腩好淋好香， 必食推介另！！仲有個黃金茄子，雖然面頭黃金漿炸得好好好香，但係入面嘅茄子可能因為比較多水同埋冇味，未食落去有啲怪。 不過，同朋友食飯就係環境舒服大家食得開心最重要🤣 250蚊一個人嚟講性價比一般啦。

蜜汁叉燒： juicy好香，食完胃口大開，正！牛脇骨煲：入味軟腍，個汁友人推介加生面，不過我地食完已經太飽無加燒鵝：要咬一陣先吞到，唔算香，可以唔食蝦子柚皮：無咩味糯米飯：唔乾，調味幾好，足料壽包：正常，但食到最後太飽，無食晒

現今要找一個較寧靜、舒適的粵菜廳真不易。某天有人建議去尖沙咀君怡酒店的君怡閣晚膳。最初沒有甚麼期望，去到發現地方舒服寧靜，菜餚美味，價錢合理，服務周到！本來沒打算寫食評，怕多人知道這地方就會破壞它寧靜舒適的環境！不過，回心一想，這樣自私對它不公平！

今次呢篇食評真係拖左好耐先動筆，只能怪我太懶惰，實在踏入2018新一年，應該改掉拖延嘅陋習。話說一月頭嘅時候，相約幾位久別重逢嘅同學敘舊，選擇來到君怡閣食中餐。呢個選擇絕對正確，因為無論環境同食物都值得讚嘆！首先介紹係鎮店之寶，美人叉燒，果然名不虛傳，叉燒肉質嫩滑、肥瘦適中，仲有陣陣香烤嘅味道，真係色香味俱全，令人多吃幾塊都唔嫌多！另外叫咗半分炭燒妙齡乳豬，乳豬BB雖然唔係好多肉，但皮脆肉滑，咬落卜卜脆，真係好正呀⋯⋯我地個個都一路食，一路讚個不停。再來有蝦子山根燒豆腐，初頭仲以為呢樣餸好普通，我真係太年輕啦，唔識野，原來好好食嫁，當山根吸收哂個汁既精華， 軟lum lum,不得了，豆腐熱辣辣，滑溜溜！之後簡簡單單一個時菜上湯煲、西芹炒魚塊都係無得輸，我覺得呢到所有嘅餸菜調味恰到好處，食物又夠熱！食左咁多都覺得再有空間可以繼續叫，因為d野食真係好得。我哋又叫左一份蟹肉荷葉飯，廚房即叫即蒸，哈哈，可能係，除非唔係！因為上枱時，打開個荷葉時，真係見到有煙嫁，證明溫度夠熱，呢個飯絕對係推介，個炒飯充滿荷葉嘅香味，飯粒唔油又夠濕潤，我足足食左2碗半呀！埋單前，餐廳仲送中式糖水桂圓雪耳，真係好好

兩年前首次在君怡中餐廳食晚飯，當時一試難忘。朋友從外國回來亦會選擇在此飯敍，因食材品質有一定保證，所以都值得推薦比其他朋友。今天又有朋友提議到此午餐，當然就豪爽地邀約，不須思考就叫了必食的义繞及蝦餃，义繞肉爽，肥瘦適中，加上還是和暖的溫度時上枱，味道更出。而蝦餃就皮很煙韌，裏面的蝦肉是滿滿的，亦有鲜味的蝦汁，好滿足的感覺。今天亦試了幾款食店新推介：紅菜頭粿、繞汁鰻魚花卷、盬酥百花釀鮮鱿。紅菜頭粿的餡是香菇及有点紅菜頭蓉，所以整個粿是濃郁的菇味加有少許甜甜的，都算清新。鰻魚卷就不是太特別，味道是預期的，不過包皮質感很好。百花釀鲜鱿脆皮做得很薄同酥，似酥炸生蠔的脆漿，香口加魷魚的爽，很夾。點心以外，還叫了古法班球煎米粉，份量足夠6-8位享用，班球厚身而有鑊氣，汁醬很鮮甜也充滿濃香的果皮味，唯一有改進的空間是米粉過厚，所以煎米粉的效果略遜色，但總括來說都是一道出色的麵食。至於甜點就叫了兩款，中規中矩，反而食店送的紅豆沙更出眾。順便一提，君怡的XO醬品質很好，喜歡辣的朋友不能錯過！

今年一大班朋友在一間中菜餐廳吃飯，每個餸都有驚喜，尤其乳豬鮮准山香苗，外型美觀，外皮酥脆糥米軟滑。牛肋骨煲真材實料，味道濃密，現在逢星期一至四中午、晚飯都有八折，是必食推介。