影片
招牌菜
难得朋友黎湾仔接放工，梗系顺道食好野喇👯♀朋友推介名门私房菜撑枱脚，贪佢用料靓同埋服务一流，所以已预先安排好菜单，拣晒舖头啲招牌菜😋天气咁冻，一坐低梗系饮返碗名门靓汤先！1）杏汁炖白肺汤盅汤呈奶白色，热腾腾蒸气夹杂南北杏既香味，再捞一捞个底见到好大旧猪肺同埋白果，猪肺仲要洗得干净，未饮已经觉得落足料👍🏻平时好少饮杏汁猪肺汤，因为洗猪肺功夫多屋企好少整，一见到私房菜有得拣梗系一试，系冬天饮够晒滋润。2）蜜饯藕盏煎金蚝手掌咁大既蚝！只蚝煎得金黄，外边有少少焦香。亮点系要连埋蚝下面块脆藕饼，再点少少蜜糖一齐食😋虽然可能较为甜腻，但只蚝咁肥美，啖啖肉冇停口。3）荔芋乳鸽苏 自家制XO酱(辣）强烈推介⭐经理话食呢道菜最好点埋名门自家制XO酱，先会更加惹味。个XO酱唔太辣，配埋香脆既芋头苏一流👍🏻好足料，食到呢味菜已经半饱，战斗力好低haha4)虾子柚皮又一道系屋企好少食既𩠌！传统中菜馆先有既虾子柚皮，朋友话难得有梗系嗌。柚皮食落一啲都唔苦，睇得岀厨房用左好多心机僻走柚皮既苦涩，配埋浓既酱汁焖得好软身易入口👍🏻5)粥水白果浸菜心食左咁多浓味野，要食返啲菜消消滞。上碟见到份量好多，配埋粥水白果煮好清淡即刻balance返。6)腊味滑鸡煲仔饭冬天咁冻，嗌左个腊味饭暖胃。一开盖简直哗一声，劲大兜煲仔饭😆经理好识做咁拎开啲腊味同鸡先淋甜鼓油捞饭，免得啲𩠌太咸。每人成大旧饭焦落肚，加埋唔太肥腻既腊味，食到好满足！7）蛋白杏仁茶 黎得名门一定要食埋招牌蛋白杏仁茶，力推中意杏汁/杏仁露既fans必试⭐同平时糖水舖食开既系两个层次，呢碗杏仁茶奶味较重，食落多一层奶香味而且唔杰身，为成餐饭作个完美总结🤤值得一提，经理侍应服务一流，会不时换水又贴心问我地食物岩唔岩胃口。迟下再系湾仔觅食实会encore！
继续阅读
私房菜这三个字, 总令人对它有好奇心, 亦有多少期待, 和一般连锁集团有别, 会比较用心制作, 较细腻, 由对煮食有研究有要求的人监督制作食物, 比酒楼为人工流水作业的打工仔制作, 更添一份信心。 名门私房菜地点就脚, 距离港铁站及巴士站数分钟路程, 上到来见地方不算大, 像酒楼的陈设装修, 行稳阵的中菜格局路线, 客路多是大伙儿。 冰镇鲍鱼配烧汁芥辣酱 $78/只 新鲜的鲍鱼该如何烹调? 以冰填的食法, 就最能食到原本的鲜味了! 只需轻轻将鲍鱼拖熟, 保留其滑嫩质感, 口感爽实, 鲜味程度可与刺身相比, 确是一流! 芥末烧汁酱没有抢去其鲜味, 反而令层次更丰富。 梨香哈蜜百花酿带子 $168/只 私房菜果然没有令我失望, 这个菜式我从来没吃过, 该是餐厅原创的吧! 炸成一个球形, 表面平平无奇, 切开却大有惊喜, 最顶是一颗带子, 然后梨子片、虾胶、哈密瓜、虾胶, 带子鲜甜, 梨已煮成软蓉, 充满甜香, 虾胶打得弹牙爽口, 很有鲜虾香味, 哈密瓜片略爽, 最后以虾胶作结, 碟上深红色的是有点果香的砵酒酱汁, 甜香诱人, 这菜式有多重享受, 是心机手工作品! 古法瓦罉豉油鸡 $248/半只 豉油鸡是以浸煮做法, 花上半小时以上浸熟, 一定不会煮得过火, 肉质特别嫩滑, 而且够入味, 酱汁够浓香, 味道咸鲜可口, 带有冰糖的甜味, 非常的滋味, 尤其鸡腿部分更为抢手, 真想配一碗白饭, 但因为keep fit的原因我晚上不太吃饭, 平常跟朋友饭聚, 也要经常抽时间运动, 才能取得平衡。 生磨蛋白杏仁茶 $48/位 杏仁茶质感浓稠, 以新鲜的杏仁现磨制作, 杏仁味香气迫人又天然, 杏仁含有维生素E等抗氧化物质, 能有抗衰老的作用, 蛋白煮得幼滑, 份量好多, 丰富的蛋白质可修补损坏的细胞, 这甜品是女士们的好朋友, 而且它少甜, 更是健康之选! 吃完甜品, 感到特别满足, 很完满! 师傅的巧手和功手夫, 令人留下深刻印象, 当中每一道菜都是精选, 以独家调味配合食材的鲜味, 发挥到极致。人大了, 越来越欣赏中式私房菜, 而名门私房菜有传统家常菜式, 亦都有创新的制作给人惊喜, 一次过满足两个愿望!
继续阅读
食友在此楼上私房菜馆搞了个饭局吃焗鱼肠和盆菜。地方不算难找, 就在湾仔道口近电车路那边, 位处的大厦楼下有个醒目水牌。行上 2 楼 (一楼是网吧), 千来二千呎的地方, 咱们 5 围人马已包了场。装修并不富丽堂皇, 不过也挂了些书画。跟食友们寒暄一番之际, 有劳搞手此时又忙著张罗菜色了...鲜角螺炖汤汤色清澈, 鸡和螺的鲜香浓郁, 老火之作令身旁食友连连赞好。事前大家在议论家乡酿豆角究竟是怎么个样子, 上桌后恍然大悟, 像一饼饼蚊香的卖相有点似曾相识, 原来去年在此 (http://www.openrice.com/restaurant/commentdetail.htm?commentid=2005463) 吃过了。这里的是干身的版本, 上面的肉饼特别香, 原来下了咸鱼在里头, 加辣椒油吃更佳。豆角青绿爽脆, 是一味精致的传统食制。罗定豆豉鸡很家常菜的感觉, 镬气十足。来自南洋的食友见到「有汁捞饭」的菜色双眼发光, 「毕」个不停; 豆豉已弄得细碎混于酱汁中, 惹味却不会死咸, 鸡件和三色椒都成了配角啦 。姜汁炒兰度作为间场的青菜算称职, 甜得来没有筋, 也见到一粒粒的姜米, 但那个粉芡就是黏了一点点。酿鲮鱼盆菜是这晚其中一个主角, 虽然现在天气稍为回暖, 但盆菜出场时众人仍是哗声四起的。盆菜的基本配料如鸡、虾、鸭掌、腩仔、枝竹、莲藕、各式蔬菜等等都齐备, 这些我对之印象一般, 反而上头那尾软嫩香滑兼无骨的煎酿鲮鱼就很好吃! 后来再另碟上了一尾, 又成了我频频下箸的目标。凤凰焗鱼肠才是今晚领衔主演的, 陆陆续续竟然来了 3 大砵! 初时大家兴致勃勃地拍照 (无奈我的相机不听话, 又手震, 拍了很久搞到鱼肠砵都缩水了大家才有得吃, 真的不好意思!), 剖开后就见鱼肠层层叠叠在内, 但蛋的成份更高 (公子说一砵用上了 4 只蛋!), 于是我竟以为吃西式蛋批 quiche 呢! 鱼肠看得出是清理得几干净的, 但吃第一砵的时候咬到一两口有少少苦味; 到第二砵开始有进步, 不过蛋的部份仍是干和老了一些, 最后那砵 (就是照片中那砵) 就好多了, 表面焗得金黄而火候今次也恰好, 只是大家连尽两砵之后都得小休一下, 但之后还是都给全扫清!上汤浸时菜看来是苋菜 (不知有没有认错), 纤维丰富, 食味清淡。名门炒饭是用鲍汁炒的, 香气扑鼻, 饭身干爽, 只是已近全饱, 未能力战全碗了。甜品是桂花糕, 小件精装, 清凉甜美, 加了杞子更有益。是不错的一顿, 不过只吃鱼肠也饱到撑呢!
继续阅读
三月中旬说是盆菜宴，但更值得期待的，个人觉得是花功夫串弄的顺德煎酿豆角，六十一件豆角，单是将长条豆角卷成饼，就算是老师傅，亦要件件花上五分钟以上才处理得好，六十多件成品所耗的时间可想而知。本地除乡土风情的「牙签」版外，数正宗的就只有名门，豆角爽口，而馅饼下了咸鱼，有肉香又不单调，多多功夫，就是替家人做的家常味道，吃得很满意。而主角盆菜、焗鱼肠也是水准之作，$200／位吃到多道传统菜的盛宴分享，将于网志 http://foodxfile.blogspot.com 推出。
继续阅读
mar 22, 10,共61人嚟大局食dinner,食咗 : 1) 鲜角螺炖汤-每碗都有好多料,鸡肉嫩滑-也很鲜甜 2) 家乡酿豆角-第2次食呢种酿豆角,底部卷埋好似蛇饼咁,好得意-亦见到煎得好靓,不过油多咗少少-肉亦juicy,调味恰当 3) 罗定豆豉鸡-好惹味,豆豉味浓,亦有咸鲜-好味 4) 酿鲮鱼盆菜-昨晚先食过盆菜,估不到今晚竟然有微型盆菜-除咗面头嘅酿鲮鱼外,款式都几多,有虾,掌,油鸡,5花腩,西兰花,萝卜,莲藕,枝竹.........-因为人多,size不算大,所以调味亦适宜够味d 5) 姜汁炒兰度-兰度腍身咗少少,唔脆口 6) 凤凰焗鱼肠 x 3-估唔到前前后后上咗3砵焗鱼肠..........越做越出色,最后𠮶砵最好,面头个油炸鬼段都脆埋,香气最浓-里面都干身,不过个人口味喜欢少湿润-鱼肠份量都ok,都唔腥,不过间唔中都食到有少苦味-食友话唔多觉有陈皮味 7) 豉汁酿鲮鱼-另外再上多1条酿鲮鱼,盆菜上得1条确实不够分-佢嘅鲮鱼肉结实,中间混有好少见嘅材料 - 腊肠粒-所以变得惹味好多 8) 上汤浸时菜-d菜老咗少少,所以比较挺身 9) 名门炒饭-炒得不错,够色又够味,粒粒分明-放下了不少叉烧粒,不过少了份优质炒饭应有嘅香气 10) 桂花糕-ok* 好彩个肚皮去到开饭时已无事了............不过𠮶晚我都唔敢去得太尽 * 听到坐我身旁食友工作上遇到1个几难顶嘅老细.........真寄予10000分同情~~~~
继续阅读