影片
港铁中环站 D2 出口, 步行约8分钟
继续阅读
电话号码
26183832
营业时间
今日营业
07:30 - 17:30
星期一至六
07:30 - 17:30
星期日
全日休息
公众假期
全日休息
以上资料只供参考，请与餐厅确认详情
今日真系又领教到香港食肆嘅服务质素。话说lunch 12:30左右，一个人去食饭，谂住简简单单，发现呢一间隐世嘅西式茶餐厅，谂住一试无妨，入到去餐厅一半满都冇，lunch time竟然咁少人，心知不妙，中间两张大长枱，每张有10个位，两张大长枱一个客人都冇，侧边有几个卡位是两人或四人的，大概一半有人坐。因为冇人带位嘅关系，自己坐低咗一个两人嘅卡位，等咗一阵谂住落单，个阿姐行埋嚟，竟然同我讲午饭时间卡位要俾两个人，叫我坐大枱搭枱，我同阿姐讲而家系咪有人等紧呢张枱?答案当然冇啦，但系阿姐话系老板嘅规矩，叫我唔好令佢难做，于是我话我都唔想你难做，如果你真系有客嚟要坐，我就转过去大枱俾返个卡位你，点知佢坚持话我一定要转，我就同佢讲你两张大枱成20个位，一个人都冇，你真系担心有人客入嚟会冇位坐？佢只系不断重复喺餐厅规矩，又唔肯帮我落单，我嬲嬲地就话我来食饭唔系来受气，既然你咁唔欢迎咁我唯有唔食啦，于是就走咗。事后谂返我都好庆幸冇去留低食，因为咁嘅服务态度，对佢哋嘅食物或者其他嘅嘢都唔敢寄予厚望。究竟系员工嘅问题，定系老板嘅问题，我不得而知，唯有慨叹一句，而家香港食肆的服务态度真系差咗咁多，完全唔谂客人同埋实际情况，净系讲规矩，想做得长都几难。
继续阅读
大管后面。坚道𡚒兴教会同七仔中间有一条楼梯落地牢.唔系经常喺呢度出入嘅人，唔一定知道这间餐厅。没有招牌。楼梯口挂住个餐牌。厨师系一个年轻人.早餐午餐. 下午茶.晚餐都系他。收银又是他。早餐$42鸡扒面+烟肉+肥子+多士公仔面唔错。鸡扒皮脆。烟肉好味。午餐一般四个餐。菜式变化唔大。$55左右A:鱼B:扒C:扒。D:焗饭。@味道唔错。连续吃都可以。在这附近选择唔多。价钱比较实惠。
继续阅读
叫左午餐C餐配沙律菜同红汤落到去拎先话无哂沙律菜比左杂果沙律我大佬沙律菜系生菜杂果沙律系一堆罐头生果加酱两样野差好远你无唔紧要我打落黎落单个阵讲声我仲可以转饭 意炒 茨菜求其塞啲野比我嬲到我成盒dum左-个泰式煎猪扒一开水汪汪红汤打开半碗都无-成个餐咁样收我54$仲要态度差打落去个阵已经系cut线落到去轻描淡写讲句无沙律菜换左杂果沙律问都唔问一声我接唔接受或者转唔转其他真系唔值同埋无下次-大家去帮衬都小心啲睇清楚先好走
继续阅读
卧虎藏龙！大隐隐于市！这间茶餐厅「名阁」，位于半山坚道，一栋大厦的地库，虽然在大街大巷，但又隐没在其中，连外在的招牌都冇！就这样才算隐世 ~其实茶记有几特别 ? 又点解要介绍 ..... 1, 这间餐厅的 lunch 每天不同 , 菜式多样化，够特别 ~2, lunch包餐汤、主食 、餐饮，价钱平到你笑 , 而且够大碟够饱肚 ~香橙鸭胸拼蒜蓉烧青口 $54 : 个香橙汁的味道酸酸甜甜又够香，真是顶呱呱；鸭胸肉质软嫩有鸭味，煎得香 ; 蒜蓉烧青口，烧得火喉刚好，都食到有青口味 ~餐汤 : 意大利菜汤 , 饮到的味道算是港式 80 年代 西餐厅的菜汤的味道 , 怀旧的味道 ~餐饮-冻柠茶 : 正正常常茶餐厅冻柠茶的味道 ~本篇完 ~
继续阅读
2020年3月17日中午黎呢度食，第一次打算试下，好食嘅会日日黎。一入到去，间餐厅四分三系吉位，我地见到有几张四人卡位都系坐左两个人食紧饭。咁好自然我地都系拣四人卡位坐，特别系疫情之下，非必要都唔会坐埋一齐啦。点知个女人(唔知系咪老板）话唔畀，要我地同其他人坐埋一堆，我地开到声话想坐果个位，佢都话唔得，继续指住另一个位。如果你间餐厅系满客，要搭枱我可以理解，但系你四分三都系吉架嘛。仲要最少有三枱人都系两个人坐四人卡位食紧饭，到我地两个人坐就唔得？仲要依家肺炎咁严重，竟然要所有人坐埋一堆，有无搞错？基于咁既情况，我地即刻离开唔食我建议大家唔好再去食，附近大把更好既餐厅
继续阅读