名軒閣 (已結業)

到了做冬時節，今次選擇在市中心的酒家聚餐，並預訂合家歡全包宴，每席$2888，同時也包了十二罐汽水，亦可選擇啤酒。酒家可以劃分最少兩間或以上的貴賓房，但酒家的總面積較細，所以坐滿人客後聲浪也有限。上湯焗海蝦伊麵底海蝦大隻新鮮，上湯伊麵味道適中偏向清淡。沙律海鮮卷熱騰騰炸起，雖然是加了沙律醬，但味道也是清淡的。彩芹帶子鮮魷炒得不錯，帶子熟度剛好，鮮魷也同樣柔軟好味。紅燒海皇翅店員已分好一碗碗放在轉盤上......用料算是豐富，有少許份量的翅，湯汁淡淡。清蒸沙巴龍躉蒸的時間長了一點，所以過熟，某部份的魚身不太嫩滑; 有鮮味，全條都吃掉了。拔絲菠蘿咕嚕肉咕嚕肉外表很美，件頭也不細，灑上少許芝麻，味道清淡不油膩。咕嚕肉雖未有拔絲的效果，但有拔絲的光澤外表。菠蘿新鮮，肉厚，酸酸甜甜幾好味。蠔皇花菇扣鵝掌生菜底鵝掌非常大隻，無論是鵝掌或是花菇，都大隻入味，食得好開心!名軒一品燒雞燒雞新鮮，可以聞到燒雞香味，嫩滑，調味最好! 因為之前的每道菜式都較清淡，這燒雞令人精神為之一振!金瑤海皇炒飯炒飯轉回清淡口味，可以與燒雞一起吃來平衡一下，幾好味!精美甜品 甜品是紅豆沙，紅豆沙有蓮子，但欠缺陳皮及甜度調較，令紅豆沙欠缺了精髓。酒家的合家歡菜式有九成以上都有非常少的調味，該入納在少鹽少糖系列。多款菜式中最喜愛蠔皇花菇扣鵝掌生菜，一品燒雞和拔絲菠蘿咕嚕肉。店員爽朗健談，招呼勤快，讓我們渡過愉快的一晚!…查看更多

慶祝阿爸生日, 佢話之前嚟過飲茶都OK, 想嚟呢度試下晚飯。 BOOK咗7:00--6位文昌雞半隻--隻碟大定係隻雞細呢?  真係幾細隻, 但事實又真係半隻雞, 吹佢唔脹。 味道都唔差嘅, OK啦!燒乳鴿3隻--皮脆肉嫩, 但略嫌未隔好油, 頗油膩蒜香一字排--斬開細件容易食, 炸得幾乾身, 脆口得嚟又夠味燒汁一口牛--薯仔多牛肉少, 食唔出燒汁味, 牛肉夠林唔韌通菜炒牛肉--麻麻啦! 無腐乳味,  碟頭又小。 $98.00碟, 仲未加一, 俾多啲菜都得呱瑤柱福建炒飯--只係白飯底並非炒飯底, 個獻汁太鹹, 唔掂!另加一支藍妹啤, 兩罐汽水, 茶芥, 酸菜花生, 加一埋單$820.00…查看更多

新開一段日子從未光顧，座落安寧路。二人如不選擇西餐此處可是一選。因人數不多只選了兩餸另加兩飲，閒酌茗茶，不失談天的好地方。招呼尚周，加水加菜也迅速。離席二百九十元，不過不失吧。…查看更多

呢碟乾炒牛河真係超級大碟，顏色都好吸引吓，而且完全可以食到每種食材各自嘅味道，牛肉超嫩滑，每食一啖都feel到有好濃嘅牛肉味，不過太大塊啦，產生咗牛肉好似好少嘅假象(其實好多牛肉)，真係要同人爭食，好彩同行嘅人唔係好食牛。湯皇鮮竹卷嘅湯味比較清，唔覺得油膩，但喺豬肉味太過濃，咬第一啖果陣湯同豬肉味會喺口入面快速擴散，有啲掩蓋咗鮮竹味，我諗可能叫碟腸粉，然後蘸碟腸粉嘅豉油，兩者應該好夾。:)碟叉燒腸嘅叉燒完全唔肥同埋唔油膩，蜜汁甜味適中，基本上唔使蘸豉油，不過既然有碟豉油，當然都要蘸吓啦，一樣都係好好食。…查看更多

同同事係佢新開張無耐時（7月中）就去左試呢間野，最值得一讚既係佢上菜好快。因為間野近公司，所以揀佢黎食個快lunch都得。平日既價都好抵，份量唔細。因為係新開，d餐具都好靚好新淨～加分位粥係好大碗，目測絕對裝到5個碗仔，先28蚊好抵～叉燒腸視覺效果望落都好大碟下🙊佢d點心做得好，價錢合約～不得不提佢個名軒小湯包，超級抵食先12.8，最緊要係好食！係紅棗糕一般左dd,好多倒汗水係面，太霖，不過佢上菜快又價錢抵就真係唔可以要求咁多～ 絕對係可以成日去既飲茶新去處～…查看更多

是日與同事去試新野，原來陪我的幾位同事食過，佢地話幾好食，所以順我意到此午餐^_^原來有張幾抵的餐紙，點晒呢張紙的食物應該最抵我們等咗一陣位，坐到位見到廚房用咗透明玻璃，大家可以望到裡面做緊乜~~~瑤柱蛋白炒飯，大碟夾抵食，味道不錯，最重要係唔咸，感覺夠健康~~~蒸鮮蝦腸，味道ok，蝦肉唔會老~~~香茜魚翅餃，食落感覺不錯~~~名軒小湯包，湯唔算多，感覺幾好食，最重要係皮厚薄適中~~~香蔥牛栢葉，初初見到d顏色以為係辣，但原來唔辣，最重要係牛栢葉夠軟熟又入味~~~我們四個人食，人均53蚊，如果唔係某同事愛吃蝦腸，應該仲可以平d其實平日湊阿女返學有經過想試飲早茶，但成日搵唔到其他媽媽陪我試(>﹏<)…查看更多