影片
瑶柱鲍鱼鸡粥：无味粥底配少量山东瑶柱丝，少量鸡丁，少量鲍鱼丁。咁少量下都食到一嚿变味鸡丁，真系👏🏻名炉叉烧肠：皮薄，但无光泽！＂皮＂无乜内涵，无口感荀尖虾饺：自出生以来，未食过咁经典嘅虾饺。食到想弃饺！虾饺皮湿湿地，好易烂。香煎萝卜糕：外表正常。第一嚿ok，第二嚿：唔知萝卜糕系咪太friendly，同其它点心朋友仔见过面嚟，沾上唔应该拥有气味．．呢餐茶．．真系唔值我拥有
继续阅读
今日系中秋节, 中午公司做节饮茶, "两星期前"打电话订位, 13:00 一张大枱, 昨天再亲身去酒楼确认booking, 拎埋点心纸返公司叫同事拣定点心点定菜;今日中午提前12:45去到攞位, 部长话你订13:00; 等一阵啦, 原来佢将我张枱俾咗熟客, 全场爆爆满, 而且加咗好多枱, 楼面唔够人手, 厨房出唔切点心, 好多枱都未有野食; 我地成班人罚企咗30分钟都无枱, 而且全场混乱不堪, 落漏单, 出错菜, 就算有枱都未必有野食, 结果走咗去食西餐, 以后不会再帮衬"名苑", 无信用!
继续阅读
同同事帮衬过好多次，今次体验真系令我唔会再去。首先啲嘢食十样有三四样系酸的，明显变坏，嘢食叫咗半个几钟都未到，同佢讲取消后，个楼面阿姐无反应但冲入厨房拎晒出来～ 话唔要佢就讲话「要时间蒸，生既你食唔食？」咩态度？食都算，又系酸的！一台七八个人，每人分少少都食到酸，佢就话我地「食晒」先出声咁样唔得～ 其实无食晒，系分件放喺唔同碗！最尾佢死死地气话比送啲盒我地打包走，我地都惊食物有问题都无拎到！今时今日咁既服务态度真系等执笠啦～ 无得救！
继续阅读
今日同妈妈去葵兴办事顺便去名苑饮下午茶，一去到环境虽然比我想的细，但空间感还是不错，因为枱不多所以坐得很舒服入坐后当然第一时间睇下有咩食，一睇“哗”～啲价钱洗唔洗咁平，灌汤蛟都只系$28一个，重要皮薄，汤清甜另外叫左一个脆皮豚肉韮菜饺也是真心推荐，韮菜唔会抢左肉汁嘅鲜味第三个就系鲜虾腐皮卷，平时食鲜虾腐皮卷好扁身，但今次食这个好厚身还见到里面原只虾，真系大满足，不过为一差少少就系冷气不足，可能我地坐近窗口位所以有太阳会热些总结这次真心推荐去试下，埋单都系$180，我地有多一个会成日去既地方啦～
继续阅读
许久没有跟这位好朋友见面，难得平日佢得闲，所以就去左呢间茗苑叹叹下午茶， 倾下偈!这间名苑地方不算太大， 但旁边一边有窗，所以采光道很高，观感很开扬。 下午茶要准时两点钟才可入座， 时段是由下午两点至三时半(最迟可以坐四时离场)。下午茶$8一位茶位，点餐纸都算多选择，有不同的孖宝配搭，平均都是三十几至四十几蚊一set， 好抵食! 我哋两个人点咗3个孖宝餐，有香茜牛肉肠、棉花鸡 、叉烧包(3个)、菜苗饺(3只)、上汤浸鲜竹卷、蜂蜜小米糕。 款款都是即叫即蒸，好新鲜，热辣辣，味道又不错!今次去名苑饮下午茶，真是有意外惊喜! 款款点心都好好味! 特别是个蜂蜜小米糕，是小妹特别推介， 因为以前未食过，食落口甜甜地、脆脆地、软软地，几得意!有时间大家都不妨去去葵兴KCC名苑酒家叹叹茶，食下点心，这地点也是个不错之选!
继续阅读