名皇 (已搬遷) 新店位置

好味又無味精，食完唔會口渴價錢實惠，坐位舒服仲送老火湯呢區暫時最滿意，已經成為左飯堂選擇唔多，但咁樣先好，食得岀佢地嘅食材係新鮮嘅對於無住家飯嘅人而言，有呢種餐廳真係好好

屋企的味道 menu會不時更改 以食材新鮮而定 百吃不厭 一D味精都無 咁有heart嘅中菜小館真係絕無僅有 D價錢其實收貴三成都好合理 今日自己嚟食 真係醒起一定要寫返個食評先得

前幾日同屋企人嚟呢間新開既小菜館… 個名好似好勁咁就即館一試。地方企理乾淨，食物唔錯 原來除左餐牌嘅食物外 ，仲可以預訂想食嘅嘢。 因為我哋有十個人所以一早已經點定餸， 我哋額外點左個日本清酒煮海蝦 $208，粉絲蟹煲 $228，我特別要求少汁 ， 粉絲夠乾身蒸元貝 $248 & 煎釀三寶 特別欣賞咸魚煎肉餅 $108， 椒絲腐乳炒通菜 $48 炸鯪魚球都好味粉絲蟹煲都ok我哋total叫左13個餸，埋單都係$1500幾… 仲有個例湯都好味 無咩味精

二人餐.3餸一湯都係$158！好有私房菜感覺，餸菜好味而且唔會好咸無味精！一讚套餐有蟹，而且是原隻，新鮮！！！老火湯足料！！！肉餅有咬口！門面乾淨光鮮，樓面有禮貌！

試過這裡午市特餐後，就好希望黎食下呢度既晚餐，生意睇落唔錯晚市都幾多人光顧，幾乎係坐無虛席，我19:15入黎如果遲多少少黎應該都要等位一入去侍應哥哥好親切既語氣講歡迎光顧然後就熱情招待入座今次黎見到牆上多左幾幅相，感覺有返多少氣派，只係睇相都令我垂涎欲滴啦侍應哥哥既制服睇落好專業服務都一樣咁專業放好每人一張紙巾用具後為我地添水第一道餸係咸魚煎肉餅由於小弟成日食蒸既關係今晚一於試下煎的感覺初時以為一個大肉餅咁上，點知竟然係一個個小型大餅咁 都幾好 方便自己夾唔洗刻意去分咬落去又幾juicy唔會話煎到又乾又偕入面既咸魚粒唔太咸而又香總捨而言口感好又唔太咸值得一讚第二道餸係佢地限期推介香蒜蒸阿拉斯加長腳蟹粉絲底長腳蟹真係蒸得好味又鮮甜肉質又爽口加上蛋白成個口感滑一滑唯粉絲索唔到蟹味幸好有蒜蓉搭救最後蒸返個陳村粉食下上次午餐食過覺得特別因為唔係周圍有得食老闆娘好好人明明晚餐唔會整但都肯落單蒸出黎俾我食今次食梅菜腩片蒸陳村粉冇味既陳村粉加上梅菜腩片又幾match食飽飽後覺得佢地既出品都幾有心思有驚喜之餘價錢收得合理又唔會太貴服務依然貼心成餐飯氣氛舒適又有適合歌曲襯托好似有幾首太妍既希望佢地服務同

早前經過已知開左新店，但總覺得全蒸會好乏味，所以一直未有嚐，今晚終於一試，估不到蒸出驚喜來.食材不單新鮮冇味精蒸架火喉剛剛好唔會過度，而且份量方面適中，服務員有禮招待值得幾試性價比高

今日中午飯唔知食咩 行過土瓜灣美景街見到一間門面有幾分精緻既餐廳 門口有個餐牌 有6個餐揀仲有老火靚湯送 最重要係話絕無味精 聽落健康又特別就走左入去試入到去個環境好舒適 我地同行三人入到去 員工全部都著哂制服 睇落好專業 跟住有位戴眼鏡既侍應哥哥好好招呼我地入座 食到中途又有位冇戴眼鏡既哥哥問我地熱唔熱 幫我地開多部冷氣 服務方面可見員工好親切細心我地叫左兩個餐share食 老火靚湯個湯好有屋企煲既味道 8成似啦 材料豐富 金華火腿蒸肉餅 跟靚仔一個以午餐份量算係適中 肉質唔諧 醬油唔鹹 食落唔肥“利” 荷葉蒜香蒸龍躉陳村粉陳村粉出面真係好少見有得食 口感幾好 龍躉冇腥味實肉仲有金菇絲同木耳 賣相精緻總括而言 食落真係唔覺有味精 菜式賣相“大”而得體值錢比起出面係高但係值 另外見佢傳單有晚市 仲有私房菜食 一定會黎再試值得推介

前兩日行過土瓜灣 見到有間格局唔錯既私房菜 ,望左下個 menu 就有個姐姐走出黎 問我食左飯未咁我就問"娘娘湯飯" 到底有乜? 個姐姐就好熱心同我介紹 "娘娘湯飯" 有蝦 有龍躉 有豆腐 有菜 , 而且我地煮既野全部都唔落"味精"即叫即蒸咁我見52蚊有海鮮湯飯仲有例湯送就試下啦 , 份量黎計個人感覺都算偏多 , 俾左好多瓜 可惜本人唔太鐘意食瓜 , 其他龍躉粒 ,蝦 都算唔錯 而最吸引本人都係個湯飯 ,真係lam lam 利 下次一定會叫佢多湯 

已經是食第2次, 有一次中午行過此店, 竟然有一店舖中午之午餐牌有4款是蒸肉餅, 心想夠膽咁做, 相信廚師是有料之人, 因座落舊區做的是街坊生意.第一次食咸蛋蒸肉餅, 肉餅有直徑5吋. 加白飯一碗, 最令人驚喜是例湯, 足料無味精. 低讚.同事吃的荷葉蒸雞籠仔飯, 雞肉軟滑, 飯有荷葉香.屬於水準中上之作.