名智會

第一次幫襯後，非常滿意，食物熱辣辣，海鮮非常新鮮，味道非常好。所以帶朋友去試，第二次幫襯，環境服務都十分滿意，侍應熱誠招待，經常換碟。獨立房間，私隱度高。可惜，食物唔夠熱，大打折扣！第一道菜燉湯，平常的燉湯是熱辣辣的，今次是暖的，上菜也很急，第一道菜咖喱蟹已經是暖的，由於上菜很快，之後的各道菜溫度已經是凍的。上次食的臘味飯，非常軟身，香味十足！但今次的臘味飯，朋友們都覺得比較硬，加上唔夠熱，變得唔好味，大家都好失望。…查看更多

今次是我第二次去名智會吃飯，發現烹調水準又有進步。避風塘瀨尿蝦十分惹味；酥炸生蠔的脆漿薄而香，上菜時熱辣辣十分香脆；番茄炒蛋煎米粉底好醒胃；黃鱔臘腸煲仔飯的米粒分明有飯香，再加入秘製醬油，超正！勁薑的薑汁湯圓好正今次在party room的唱K發現音響十分專業，這裏不失是一班朋友吃喝玩樂的好地方…查看更多

朋友榮休，包咗間細房慶祝，房間內置廁所，有電動麻雀枱、卡拉ok，大家玩得好開心😀食物又好食，又大碟。今次試咗好多海鮮，咖喱肉蟹、貴妃醬炒蟶子、避風塘瀨尿蝦，又新鮮，廚師手勢一流。其他小菜都好好味，物超所值，誠意推薦！…查看更多

上星期五晚（需訂位），我們一行13人飯聚地點在葵芳港鐵步行幾分鐘便到，整體環境地方乾淨簡潔，房間有獨立洗手間。食物份量足夠、廚師煮得好味好夠鑊氣、按餐牌叫款式也很多。整晚他們的服務好好及安排很快速，所以會再去👍🙏…查看更多

第一次去食既評價，絕對超值👍芝士龍蝦面及聖子王海鮮夠新鮮好味性價比極高、臘味煲仔飯心機之作夠香得黎飯焦唔太硬，老火湯非常足料，埋尾重有甜品湯丸，唔係普通既酒樓質素，員工服務好細心有禮貌感受得到係有好好既教育，生日蛋糕入嚟前會偷偷入黎點生日歌為你準備，幫你影完相再主動幫你分埋蛋糕唔需要你講，又有奶茶咖啡飲，卡拉ok、打麻雀、桌球、飛標、一條龍、最重要係埋單既價錢又唔貴，值得推介！唯一可惜就係地點上冇咁就腳，如果可以係油尖旺有分店咁就再加分！…查看更多

最近葵芳新開左間中菜店 收工與同事去左試下食落有驚喜，環境清潔地方大，價錢合理服務好上菜有速度，4個人坐房入面食 有獨立洗手間有電視，係一個唔錯既地方 會再繼續幫襯推介推介…查看更多

第一次到這會所參加朋友生日會, 發現地點方便, 鄰近葵芳地鐵站, 從C出口經行人隧道行去約7分鐘左右就到, 位處大型工商大樓內, 房間裝飾走簡約風格, 整潔衛生, 設獨立洗手間, 私隱度極高。驚喜的是食物做得不錯, 特別是咖喱蝦拼蔥油餅, 大蝦鮮美, 醬汁惹味配上蔥油餅, 加個白飯撈汁更正, 椒鹽鮑魚脆辣可口, 薑蔥奄仔蟹中的薑蔥反客為主, 鮮甜美味, 豉椒炒蟶子煎米粉底做得不錯, 單尾來個乾炒牛河, 有鑊氣, 若能配備余均益辣椒醬就更完美了員工專業, 服務一流, 經常替客人換碟, 也徵詢客人對菜式口味的意見, 力臻完善娛樂設施齊備, 桌球、飛鏢、Karaoke等, 一應俱全, 不失為親友聚會的好去處…查看更多