影片
买咗个油面（面算多）、牛根（得2旧）、鹅肠（得2条）、鱿鱼（又系2旧）收50几！第一次买差到咁嘅车仔面、记得呢间野初初开唔错的，宜家变成咁点叫人帮衬，附近乙明邨30几都好佢好多、冇下次
继续阅读
名店车仔面，价钱上真系名店，但食物质素同服务就普通平民车仔面水准。份量少之余，河粉系碎到要用匙食；冬菇得两粒，仲要大个粒中间煮唔淋；猪颈肉煮得淋，但长期暴露系空气中，见职员夹嘅时候干到黏住个盘，是旦扯一块大剪几块细俾你就算；要几多沙嗲汁，咖哩汁或其他酱汁其实落单时讲唔讲无分别，职员会按佢标准俾你。
继续阅读
12月17日晚餐,返到去又唔谂唔到食咩就去咗名店车仔面食肆𩠌车仔面,我叫咗牛腩支竹同埋双肠仔,佢哋牛腩切得比较细粒容易入口又好入味,肠仔同支竹就正常,不过最紧要加入佢哋嘅咖哩汁拎成碗车仔面升华！
继续阅读
店员态度差，尤其系个女人…外卖盒好差，呢种盒次次都会漏出来…肠仔7蚊得1条ja…咁大个仔未见过7蚊1条肠，仲要唔系厨师肠…☹️我问个女人肠得1条？7蚊？佢话「我哋系7蚊条肠架啦」我问可唔可以转其他食物，佢话「唔可以wo，冇得转」贵系贵，但态度真系…另外劲辣鱼蛋好难食，食落口全部都是粉嚟😓牛筋丸一d都唔牛筋丸，普通牛丸ja😮💨其他食物就好一般，个汤底算是最好了（一碗咖喱、一碗沙嗲加小辣）总结冇下次，贴钱买难受
继续阅读
有朋友推介呢间店舖嘅鸡翼尖，好似元朗某间出名嘅糖水舖嘅鸡翼尖，今日我就嚟试下先。🤗呢间店舖喺街市入面嘅卖熟食嘅位置，本身主打卖车仔面，但再有卖啲小食。我只试咗佢嘅鸡翼尖，姐姐笔咗一大碗俾我，都只系$22，我就坐咗喺佢店舖前面嘅位置坐低食。首先望见每只鸡翼都算大只，闻落去已经有好嘅香蒜蓉辣椒味道，我本身都钟意食辣，而呢个汁系甜甜辣辣咁，亦会越食越辣，十分开胃，正呀😋😋 但佢呢个汁嘅辣度系无得选择嘅，如果唔太食辣嘅你，就可能会觉得好辣，但如果系嗜辣嘅你，就一定十分喜爱。😍😍😍
继续阅读