影片
港铁上水站 A4 出口, 步行约8分钟
继续阅读
电话号码
34886880
营业时间
今日营业
11:00 - 22:00
星期一至日
11:00 - 22:00
*最后落单时间: 21:30
以上资料只供参考，请与餐厅确认详情
食家推介
个鸡煲竟然一早放晒鸡落去煲定，再翻热俾客人食，啲鸡肉又老又柴，就好似鸡汤，成只鸡都冇见过，都唔知系咪真系全只鸡。鸡煲上菜就好似一堆汤渣咁，汤底又辣，加汤仲要只系加滚水价钱唔系平，$270食煲鸡汤渣，渌条菜都好食过只鸡。附近有咁多间食鸡煲，呢间真系大伏希望老板睇到改善吓，做饮食想长远要有啲良心
继续阅读
天气突然转冻，最啱食D热辣辣又暖胃嘅胡椒猪肚鸡煲😏 所以拣左位于上水石湖墟嘅一间新新地嘅餐厅。我地一行四人叫左半只鸡，另外再加两个小菜同一个炒面，真系饱到上心口!!😆胡椒猪肚鸡煲 $198本身仲谂住可以暖下胃，点知原来系酸菜猪肚鸡煲😮，胡椒味劲弱…😂猪肚份量唔算少，亦无怪味，鸡件份量可以接受。另跟唐生菜，望落都新鲜。蜜椒鸡中翼 $78新鲜热辣炸出嚟，鸡翼大大只，而且有八只咁多😯，平均唔驶$10/只。鸡翼炸到几脆，肉质几滑，但黑椒味偏淡，而且仲有少少鸡腥味(我对鸡腥比较敏感😅)。小炒王 $88每间餐厅嘅小炒王都各有不同，呢间就会加入鱼仔，鱿鱼大大件、份量多。整体唔会好咸，但有少少偏老嘅韭菜花。豉油皇炒面 $52呢个有少少镬气，味道正常，胜在价钱唔贵，又包餐饮。京葱爆牛肉 $88牛肉份量几多，而且切得几大块，亦唔会好韧。整体小菜算大份、唔会煮到好咸、而且价钱又唔贵，无加一之余，每个小菜满$68就会跟一个饭同热饮，饮品大杯，唔Hea，缺点系白饭质素唔好，无饭香又唔好味。
继续阅读
今日想食清淡D，同朋友约咗上水食嘢！我哋拣咗呢间#同聚 餐厅！主打火锅同炒菜！款式都系特别多选择!睇到隔离桌鸡煲火锅🥘唔错!想试下，但要著急返工就叫佐炒菜，火锅下次再帮衬🐟清蒸鲳鱼清蒸原汁原味！大大条，肉质鲜嫩🥣西芹腰果牛柳粒份量十足！牛肉粒够嫩！西芹爽口！腰果香脆！都系完美搭配，营养又健康👍🥣同聚小炒王多种食材混合炒，口感丰富！虾干同鱿鱼特别香！下饭一流，超级惹味🤤🥣金银蛋浸娃娃菜娃娃菜爽脆清甜，搭配肉沫、金银蛋、汤汁非常浓郁，好钟意！汤都饮晒
继续阅读
同家中长辈一齐去食午饭，家人去过同聚晚饭打边炉，今日想黎帮衬午餐。星期日黎讲中午一点人流都好旺。入座后，午餐选择系好多又平，$48 餐连汤及饮品。两位长老想食小炒，中午时段小炒跟白饭，又跟汤及饮品，性格价比高。菠萝咕噜肉 $88即叫即炒，脆卜卜的咕噜肉 ，用新鲜菠萝粒，酸甜开胃。叉烧炒蛋$78大大碟，鸡蛋香滑 ， 叉烧份量好多。金银蛋浸白菜仔$78汤底好浓厚，足料皮蛋咸蛋粒，白菜仔吸收汤精华，不错。豉汁凉瓜炒牛肉 $78好够镬气 ，特别钟意喺茶餐厅食炒凉瓜。整体价钱合理，食物份量好大，抵食。
继续阅读
喺上水行行吓见到呢间小店系食小菜，都几多人帮衬，而且有两层，相信食物质素都有一定嘅保证，就决定来一个晚餐！点小菜就会跟餐汤、餐饮（冻饮加两蚊），餐汤都系真材实料，餐饮亦都大大杯！杨州炒饭～饭量及配菜既分量十足，大大碟口味不俗！同聚小炒王～通常与招牌同名嘅招牌菜都有所推荐，呢款小炒王非常独特！发现有鱼仔！沙嗲金菇肥牛煲～一夹起，沙嗲嘅香味扑鼻而来！用料十足！特别系肥牛片，数量非常之多！抵食！茄子炆䲝鱼～外皮经过香煎再渗入香浓既酱汁，非常入味，鱼肉非常厚实！配上软滑嘅茄子，简直一绝！
继续阅读