吉野家 (已結業)

又到我最鍾意嘅下午茶時間突然間想食牛肉飯就入咗嚟吉野家下午茶款式比我之前知道嘅更多嗌咗個元氣牛肉丼加牛肉汁有牛肉雞蛋同埋胡麻菠菜價錢好抵但係份量比較少牛肉就係平時吉野家裏麵食到嘅胡麻菠菜比較特別菠菜有就D芝麻醬嘅香味初頭以為雞蛋係溫泉蛋打係但係係普通嘅雞蛋有啲失望

昨晚同事話想食吉野家，已經幾年冇去過都覺得可以試試，之前小火鍋都能接受。禮拜五晚入去都唔係咁多人，不過冇人執臺，叫人都唔理，服務員完全當你透明，檯都唔幫你抹 超級過分然後拎左餐，冇人俾爐你，要一直追住問，個爐仲係污糟到死，癡線噶，疫情期間都唔注意衛生。 食物都非常恐怖，牛肉完全唔新鮮，d冷凍食品唔好食，餐肉難食，腸鹹，響鈴唔脆，唯一ok應該就係湯裡面d菜算啦，冇下次，希望店家可以見到改善下衛生同服務素質

好耐無食過吉野家了，現在啲下午茶飯餐分(迷你)，(細)，咁即是幾大呢？ 服務員攞個碗解釋，清楚得黎佢又唔覺得個客煩，咁先正。之後有客係取餐處成個餐倒地，服務員安慰顧客後，清理，再造過個餐比個客。 雖然好多人都覺得係正常，但是如果去某大連鎖快餐 ， 佢哋忙到變咗機械人，問多句都覺得個客煩，做顧客千奇唔好搞亂運作。可能人少，坐得非常之寬鬆。食物方面，同早年食嘅無咩大分別。

好耐無食過吉野家😝今日就決定lunch同同事去食✨見佢新出左個玉子鰻魚煎雞丼（$57)🐔就想試一試，可惜令人非常失望😓賣相已經非常一般🙈最差係個鰻魚，太軟身，夾都夾唔起，一夾就爛，散收收嘅😵

今天早上來到銅鑼灣覆診，由於時間尚早，診所還未開門，而麥當勞，肯德基，大快活，大家樂的早餐又經常品嚐，所以我和男友便來到吉野家吃早餐剛巧它們推出了一些新套餐，於是我們二話不說立即點了兩款來品嚐一下No.1【三文魚茶漬飯+野菜煎雞+溫泉玉子】$25這是新推出的朝食三味盛盒中的其中一款套餐，雖然最後實物的擺盤和圖片有些出入，但其實食物的設計都算小巧精緻的味道方面，溫泉玉子的熟度控制得剛剛好，微微咬開之後，濃郁的流心蛋黃立即傾巢而出，與白飯攪拌之後，我們滿口都充滿著濃濃的蛋黃氣息，咸咸的，香香的，蛋香四溢，香飄十里，其味無窮，珍饈美味另外雞扒亦豐腴肥美，嫩滑多汁，我們滿口都充滿著濃濃的雞汁，肉汁四溢，滋味非常美中不足的是，三文魚茶漬的味道有點過鹹，如果下次可以少鹽一點便更好了No.2【龍蝦湯通粉。餃子早餐】$25這款餃子早餐完全不值得推介比大家，所謂的龍蝦湯底，其實只是味精湯底而已，我們喝了幾口之後，便已經感到非常口渴至於餃子方面，雖然豬肉餡料都算嫩滑可口，鮮美多汁，但是餃子的皮卻相當厚，而且通粉的味道亦只是普普通通而已，並沒有什麼特別，整體味道真的相當一般No.3【熱咖啡】優惠券換領由於男

吉野家牛肉好食之前去咗銅鑼灣做facial，做完肚仔餓，想食牛肉，但一個人打邊勞又太誇張，就去左吉野家食牛肉飯。我叫咗特盛牛肉飯，加玉子溫泉蛋，飲日本綠茶。特盛牛肉餐雖然貴d，但大碗d，牛肉多d！岩晒我牛魔王～另外我再叫左牛肉汁，識食緊係咁食～牛肉質素一如概往，多肥肉，肥牛口感食落口最正，再點牛汁，更添牛味。我都鐘意牛肉汁倒晒落飯到，咁樣啲飯都充滿牛味，油香，冇咁口寡寡。加上吉野家用嘅米飯係珍珠米，所以有咬口。玉子溫泉蛋都好正，撈埋牛肉同埋玉子蛋漿，好味道。大大碗，飽晒。

不談其他，不說其他主義以窮人角度來看，在昂貴的銅鑼灣地帶，仲有什麼餐廳可以30蚊一位晚餐的說銅鑼灣茶記特價晚餐都要成80蚊一位。(；´ﾟдﾟ｀)ｴｴｰ小薯窮到傻的狀態，只有呢個餐可以打救一下窮孩子，雖說極盛一人餐，但其實根本是2人餐，有2碗飯，牛丼飯和鰻魚飯，飲品，湯，仲有蛋卷一舊。一個人吃一個餐有點多(一人吃要63元。。。不如比多少少，升級做70蚊火鍋算啦。)看圖就見到，根本可以比2個人吃到7分飽🤤🙈

同朋友想喺銅鑼灣搵一人一鍋 之後決定食吉野家 火鍋佢呢期做緊兩個promotion 一個相撲鍋 一個蕃茄湯底鍋 因為唔鍾意食蕃茄所以最後揀咗濃湯相撲鍋同朋友兩個人每人叫咗一個 一個食雞一個食肥牛 啲菜唔係咁新鮮 肥牛又好肥 不過啲雞係幾嫰既 大家都叫咗粉絲其實總括來講女仔食份量都好夠 不過我諗男仔就應該唔夠啦其實今次有啲失望 以前食開吉野家都會好期待 尤其是係佢以前嘅芝士竹輪鍋 可能今次材料唔夠新鮮 佢依家食滿$140仲有汽水免費加大 希望下次食嘅時候佢會有所改進啦

同朋友係銅鑼灣番工，到3點左右放lunch所以想係附近搵間近近地嘅餐廳解決，大家傾過之後發現大家都好耐冇食吉野家，所以就決定係吉野家食個tea。朋友嗌左個牛肉米粉下午茶餐，餐廳會將米粉同埋牛肉分開裝，米粉入面主要會有海苔同埋木魚絲。湯底比較清淡，所以木魚絲同海苔嘅重要性非常大，因為佢可以令湯底冇咁單調。牛肉量下午茶餐黎計都叫可以接受，如果好肚餓嘅朋友，我會建議可以叫平時多叫嘅牛肉飯會比較飽肚。而我就叫咗個牛肉烏冬下午茶餐，佢同米粉唔同，牛肉會直接放喺烏冬上面。另外烏冬亦都會有獅子狗同日式魚蛋，比米粉會有更多嘅配料。湯底方面，烏冬湯底會比米粉濃郁，而且烏冬唔會煮得太耐而無咬口。牛肉就有正常水準，濃味而唔會太咸。下午茶餐黎計，30蚊左右可以叫到一個米粉或者烏冬，係打工仔之選！

今天來到銅鑼灣工作, 下午茶時段, 不知吃甚麼好, 於是便一個人來到吉野家點了一個很久沒有吃的吉野牛肉飯。細小的牛肉飯,飯的份量剛好, 牛肉絲鋪滿了飯的面層, 牛肉少了一些,牛肉的味道不夠濃郁,  飯有點兒乾身, 可能汁較少, 需配以額外的牛肉汁不但能使飯更為濕潤, 而且更能強調出牛肉的味道, 味道更好。如果牛肉絲更粗更厚, 相信口感會更好。配以綠茶,綠茶的味道能緩解牛肉汁的膩感, 配搭剛好。這家店, 人員較少, 而且能坐得較為舒適, 是一個消磨時間休息的好地方。

跑完渣馬妻係好肚餓，一定要係附近搵野食，想去大家樂大快活，但又好多野食都賣晒所以冇食，想去m記的時候見到吉野家就去左吉野家今次係第一次食吉野家早餐，見到大部份早餐都唔錯楓糖雞扒烏冬有茄汁豆，炒滑蛋，雞扒，烏冬雞扒同糖漿係分開，所以大家可以按住自己的口味去落糖漿，建議大家都落啦，因為塊雞扒都淡淡地滑蛋好厚身好大份茄汁豆一般啦，同平時果D差唔多，冇咩特別烏冬湯底好香好濃，但份量有D少，不過配埋其他野食都會飽

以前反工反呢頭，成日都會買個早餐上去食，個牛肉真係無敵咁好味。呢日就約左朋友食吉野家火鍋，我地一個去揾位，一個去買野食，計過就覺得叫2個鍋抵d，可牛可豬，再加d配菜，2個人share，都好豐富啦！呢度早2年裝修左，用左嵌入式既電磁爐，容易清潔，冇咁易藏污納垢，坐係度食野都安心d la。呢度有自助醬料區既，豉油辣椒等是，都一應俱全，要幾濃幾淡，自己話事。我地2個都一致認為個蟹棒好好味，鮮味十足，又唔會好容易就煮爛。

打邊盧，第一時間諗到吉野家，黎到呢間分店，實在太多人，夜晚9點幾，搵個位都唔易喎。張張枱都是打邊盧的，成枱都係野。好不容易找到位置，眼見清潔姐姐得三個，清潔全場之餘，仲要開爐收換火，好忙喔！放低包伏之後去買餐，排到自己已經無哂打邊盧，咁叫咩好呢？最後點了豚肉飯配麵豉湯。呢個份量夜晚食都對得住自己，費事食咁多，未到新年又增磅。如果你比較大胃口就唔叫呢D，應該唔滿意。其實個飯超普通，豚肉是打邊盧的豚肉，味道偏甜，但不會太肥或多筋。麵豉湯有豆腐同海帶，正常味道，不過每次飲的份量都有分別。都市人工作難免OT，就算係星期五，忙碌左一個星期，都想快快脆脆食飽就返屋企休息。如果想食打邊盧，真係下次請早！

呢啲天氣梗係要打返個邊爐喇係咁多個地方打過邊爐都係覺得吉野家最好食又平又好食又夠飽最鍾意係佢個芝士竹輪（最愛）個湯底又夠味覺得加咗湯唔夠味可以加返啲五味粉都係傾計好地方可以慢慢傾慢慢針

今天到銅鑼灣吉野家食晚市1人火鍋，材料新鮮，味道也不錯，有一份雞肉，金菇，冬菇，豆腐，菜，烏冬，1件炸雞等，此1人份量是夠飽的，大大滿足，價格亦可接受，會再次惠顧的