吉野家 (東廣場)

营业中

休息中

打住3號風球，急急腳買個吉野家外賣返屋企，今次試吓新推出嘅**海姥胡麻醬牛肉撈烏冬**，果然有驚喜！烏冬**爽滑彈牙**，掛滿濃郁嘅胡麻醬，每一啖都食到芝麻香，仲有微微甜味，好開胃。牛肉片保持吉野家一貫水準，嫩滑唔韌，撈埋隻**半熟蛋**一齊食，蛋汁同胡麻醬混合，口感更滑溜，真係**一流**！ 雖然今次主打烏冬，仲有試埋佢個海姥牛肉窩蛋飯，點可以唔提佢哋嘅日本米飯**？飯粒飽滿有嚼勁，打隻**溫泉蛋**落去，再撒啲拌飯紫菜，簡單又滿足。颱風天懶得煮飯，咁樣一餐有營養、方便又好食，絕對係打工仔同懶人恩物！ 總括而言，新烏冬有心思，胡麻醬配搭新奇，而經典牛肉飯依然穩陣。下次掛8號波，可能又要encore！

✨吉野家✨今日自己食lunch，揀咗吉野家，經濟實惠、熟口熟面。試咗佢嘅和風牛肉飯餐，但老實講，整體感覺就係「正常但無驚喜」。和風牛肉飯 ($53) ⭐⭐⭐牛肉片薄而入味，和風醬汁帶甜，但唔算特別突出。飯量夠飽肚，但感覺似乎少咗啲新鮮感，係一個「填飽肚」嘅選擇。牛汁 (0$) ⭐⭐⭐免費附送係好嘅，但牛汁味道普通，濃淡適中，用嚟拌飯或者當湯飲都可以，純粹係加強飽肚感。可樂 ⭐⭐⭐⭐冷冰冰嘅可樂一如既往咁解渴，冇咩挑剔，快餐標配。總結：整體來講，吉野家係匆忙之間搵食嘅可靠選擇，但冇乜令人回味嘅地方。食物質素穩定，但只屬基本水準，適合趕時間或者想簡單食一餐嘅日子。食品評分：⭐⭐⭐（3/5）總體評分：⭐⭐⭐（3/5）一般般嘅午餐體驗，無功無過。

下午茶買細牛肉飯見到阿姐拎牛肉嘅時候將一大片牛肉揼返落去嚇到我心都涼咗。而家啲下午茶D牛肉真係好少好彩仲有啲牛肉汁可以撈飯都係嗰啲味道啦，偶然食下都可以希望下次個阿姐唔好再揼返啲牛肉落去啦

【和風牛肉飯還是吉野家優勝👍】 早前吃過Sukiya的牛肉丼，排隊需時，平價但質素一般。牛肉丼始終還是吉野家勝。可能是從小吃慣的味道，無論牛肉、醬汁、飯，偶爾還是會想吃吉野家。記得小時候很怕吃洋蔥，因為總吃到不熟的，自從吃了吉野家，才知道洋蔥的滋味，很腍很甜很香。今次叫了外送，送餐時間少於一小時，送到家中仍熱騰騰，整碗吃了，不留餘飯🤤 吉野家 (觀塘)觀塘成業街7號東廣場地下36號舖

昨天unch time 的時間不多，所以走左去食吉野家，除了點了野菜香煎雞扒飯、金菇牛肉卷及一杯熱咖啡。雞扒和牛肉的味道濃郁，飯的軟硬度適中。雖然是lunch time，但都容易搵位。

平時食開果間早餐店執左 又趕時間好彩附近有間吉野家 本身想叫雞鳥冬點知叫錯左飯🫢$28有個雞飯 +飲品 加左$2轉凍咖啡都係$30真係幾抵食雞得3件 略厭少左啲凍咖啡比較淡勝在快食完就去上堂

「吉野家」-一家非常受歡迎的日本牛肉飯連鎖店。他們的牛肉飯以其簡單而美味的味道和實惠的價格而聞名。在香港是一間日式快餐店的龍頭始祖。主打（牛肉丼）、速度快和平價而聞名。來到當然食佢嘅牛肉丼啦，我點選了牛肉丼系列中的（玉子野菜牛肉丼）埋去點完餐後就行去取餐處，計時開始……😱十秒都吾洗，放咗係我前面。快就夠快啦，唔知味道點呢？牛肉夠多，都入味，但醬汁太少，飯有點爛。但用快餐店嘅角度嚟睇係可以接受的。

平常很少以飯做早餐係吉野家個apps發現用$12就可以食到1個迷你雞飯過下口引👍🏻雖然呢個雞飯真係好迷你但都有3件雞加少少蔬菜再加1杯茶已經足夠埋滿了我一個早上

今天工作時間好長 一直到九點幾先有時間食飯😵 喺觀塘諗唔到食咩好 就喺附近東廣場嘅吉野家食過牛肉飯吉野家牛肉飯相信大家都食過 個飯既牛肉都新鮮 不過今次重點想講嘅係服務態度去到前台 未行到去 前台既哥哥已經以熱情親切既聲線 問我今日想食咩呀 🙋🏻‍♂️ 我叫咗餐之後 因為堂食要掃安心出行 我拎到成手嘢 佢走好熱心咁樣幫我整同掃針卡 之後就同我講好快就食得架啦 埋去坐下先啦咁 之後我喺食嘢過程 見到佢會同客人傾計 有啲熟客 亦都會親切就問佢哋係咪食番同一樣 無論係顧客同職員佢都好友善 食過咁多間吉野家 我覺得呢間服務態度最好呢個哥哥仔 同其他連鎖快餐店嘅點餐機械人唔得 係有笑容有人情味 親切的服務態度 係可以為餐廳增價值 香港人拖住工作疲累嘅身軀 係食嘢時有好嘅服務態度 實在係繁忙工作中的一點甜❣️ 唔知點解有感觸哋寫咗出嚟 希望吉野家高層會有機會見到呢篇食評 都可以讚揚下呢位哥哥仔啦😁

以前好鍾意去吉野家，2個人叫一個火鍋，再加其他配料。鍾意叫多2份肥牛加下響鈴呀，餃子呀之類既食品，覺得好食又抵食。今次黎到觀塘呢間，都係咁叫，但係非常非常可惜.......叫左一個火鍋，另外加多份肥牛，同響鈴，竹輪。但係拎埋枱，見到肥牛份量極小，而家2份都唔夠以前一份多，越黎越縮水。而且啲肥牛完全唔掂，似放左好耐咁。呢間吉野家，我應該唔會再叫火鍋食，其他吉野家就唔知。如果下次去第二間食都係咁，即係話可以完全放棄吉野家既一人火鍋。

疫情期間絕對唔建議人打邊爐，一坐得唔舒服，二真係要食得好急，雖然服務態度唔錯，基本上唔會趕人走，不過地方細坐得唔舒服。面對等緊位架人，都唔好意思食耐少少，如果有得揀未必會食吉野家，真心覺得食其他野好過，不過無得揀。觀塘太大塞車，地鐵又塞，返唔到屋企，唯有焗住要響觀塘食埋飯先go家。我諗我下次都係食m記好過。其實面對飲食業 生意微利，點解唔除消4人枱，一張大枱打橫過，但必須間住坐，照顧需要同時，效益比較大。 如果同陌生人坐仲要無間開，真係有啲驚。

it was great to go 吉野家 好耐都冇食過吉野家啦 因為佢都算近 又想快啲食完又唔想食m記咁頹所以就入去食咗佢 都算唔錯嘅 一個飯加杯嘢飲都唔貴 因為我嗰陣係下午茶去嘅仲有下午茶價錢 都算好抵 普通茶餐廳食個麵都仲貴過佢所以都係一個平民之選 我家多咗一個流心蛋 放落啲飯度撈埋一齊食 幾好食 出面好多地方都冇流心蛋食其實唔多唔少都係為咗個流心蛋去吉野家食呀哈哈 同埋屋企自己好難整到 所以整體嚟講都ok嘅 仲有蘑菇白汁 嗰啲白汁都算好味蘑菇都算多 冇呀偷工減料 所以整體上都 可以 happy day to go there and taste good ,not bad. Good food good day .especially he eg is worth to try cause is yummy yeah.

今日返工，經過觀塘廣場諗住食過靚早餐，但係睇完都唔太岩。諗住返公司食包算俾我見過吉野家19蚊個野菜牛肉飯，嘩，其實係觀塘食個燒賣腸粉都2x喇，19蚊有個飯食，對我呢D打工仔真係好吸引。其實我諗佢哋煮餸既醬汁應該冇唔同，或者真係因為朝早，覺得好鹹，飯吸晒汁仲鹹。除咗 鹹，吉野家不嬲牛肉都滑既，咁既價錢抵，但朝早都係唔好食住，太濃味

唔知幾時開始，快餐店有一人一鍋，而且越來越普遍。同朋友邊食邊傾邊打邊爐，衛生又夠平。濃湯肥牛芝士竹輪配粉絲/烏冬 - 湯底就當然好味夠濃，日式湯底偏甜食完有少少口喝。肥牛質素都ok，芝士竹輪打邊爐真係好正，裡而嘅芝士索左d湯底咸咸地甜甜地，粉絲索左d湯底真係超正。雖然話快餐店坐得無咁舒服，但$53黎講真係抵到爛！

今日（2018年9月12日）晏晝去 觀塘東廣場 買吉野家下午茶 牛肉烏冬 外賣，而家覺得好似俾人呃錢！ 牛肉又少；湯又少，又冇味！真係好唔滿意囉！😡Today (September 12, 2018), I went to Kwun Tong East Plaza to buy Yoshinoya afternoon tea. Beef Udon Takeaway, and it feels like I had been swindled!! There is just little Beef ; only a little soup and it doesn't taste good, but just like water! Really unsatisfied!😡