影片
营业时间
今日营业
07:30 - 21:30
星期一至日
07:30 - 21:30
以上资料只供参考，请与餐厅确认详情
北海道粟米煎鸡丼（大盛）$38特价饭$38黎讲无太大期望，只系加咗啲普通罐头粟米汁落去，叫做有啲汁捞饭开胃啲咁～卖相都系咁唔吸引，我个人就无下次喇。加配：温泉蛋+$4、热奶茶+$5
继续阅读
重阳节当日，买了三个外卖， 两个牛肉饭及吉列鸡扒定食, 鸡扒细细份, 牛肉上可以, 但白饭就中伏, 原来系生水米, 衰过意大利饭，完全吃不下, $170见到一肚火， 以后唔再买吉野家.
继续阅读
个多月前，老婆专登带我落嚟荔枝角嘅「一冰室」食早餐，食完之后晌附近游走下，经过「吉野家」，都谂谂好耐无食过，走入去睇一睇，发觉佢有几款早餐都真喺几啱心水，所以，今次一早行完转短山，兜落嚟荔枝角，专登试试「吉野家」嘅早餐。 嚟到都10:00am左右，过咗早市繁忙时段，可以讲客人唔多，咁样仲啱我哋静静地叹早餐。 至于早餐有咩选择，就晌晒电子屏幕，不过，佢哋个电子屏幕喺不断郁，所以，基本上都只喺咁二望两眼就算，最后，晌番自助点餐机度慢慢拣。 虽然可以去柜台点餐，但我哋都喺钟意用自助点餐机，因为可以慢慢拣，自在啲，反正相信好多人都用惯晒，无乜难度。 同老婆上次嚟就睇啱「洋风朝食」系列，在乎拣边款组合，佢就钟意乌冬，小弟就睇中啲西冷。 W7. 菠菜薯饼+3.6牛乳炒蛋+抹茶多士+鲣鱼汤赞岐乌冬+热柠水 $42睇个份量都几够十足，薯饼、炒蛋、多士等阵先讲，依家就重点介绍配乌冬，揿机时发现原来可以+$1转为芫茜汤底，当然要转啦，老婆就话个乌冬几好食，咬落有韧劲，面头又放好多野菌，鲣鱼汤加咗芫茜好有另一番风味，多咗浸独特嘅香气，真喺唔错。 W9. 西冷牛扒+菠菜薯饼+3.6牛乳炒蛋+抹茶多士+热咖啡 $46我就拣咗个搭西冷牛嘅，当然出嚟个卖相唔及餐牌𠮶张咁靓仔啦，但份量就交足货，伴西冷都算大大件，当然亦都唔好期望喺厚切啦，但不过质素确喺唔错，甚有肉味，又有油香，口感软腍。件菠菜薯饼个人就只喺觉得中规中矩，其实炸得唔油腻，仲几脆口，微微波菜味，不过，就有少少偏咸；炒蛋就唔及啲本地茶记炒得咁滑喇，但入口都算喺嫩，讲明喺用日本蛋，质素唔需要怀疑；抹茶多士则好抹茶味，够脆口，只不过喺摆到摊冻咗，令感觉差少少，不过就好衬杯咖啡喇！ 除咗个薯饼，整体嚟讲真喺算几好食，仲够晒饱肚，我哋午餐都无食，改为下午茶搞掂。
继续阅读
抱著相当高嘅期望去新舖试食新产品，谁料失望到一个点.....当日十一点多，没什么客人，见新舖装修开扬，坐位舒适，已添了几分好感，到前枱点餐，想试新出的炸鸡丼，发现原来要85个大洋， 犹疑了一阵，心谂85蚊一个快餐只包一杯饮品，质量应该有番咁上下，谁料岂有此理嘅事天天都会发生......点餐时，我问收银员大盛和并盛的分别，佢话大盛多啲，咁我叫了大盛，之后不断问要吾要加配，要吾要换礼品...,跟住不断同其他店员调笑，等了几分钟，食物来了....1. 炸鸡 - 五件麻雀大小的炸鸡，咬一口，犯了炸鸡第一个死罪 - 吾热，只是微暖，跟著犯了第二个炸鸡死罪，吾脆，幸好未至一口油，但炸鸡块竟然食出一条骨2. 舖面的椰菜丝很硬3. 白饭很削，没口感，同日本米拉不上关系4.他他汁很实在地放在盒内，不容易被鸡点上5.另一款苹果汁，恕我不知如何配合食物唯一合格的是可乐走冰这样一间新店，前枱员工和厨房员工都上下一心地无心工作，吉野家管理层是否要考虑如何改进，客人真金白银买一客饭，得到这样的出品，实在无辜
继续阅读
8:30左右去买，见到用手机外卖落单有8折，于是叫咗一个细牛肉饭同大野菜煎鸡饭，总数加埋$74。拎完10分钟返到屋企食咗几啖发觉啲米系生嘅，啱啱新开餐厅都系咁嘅质素，仲叫人点帮衬？
继续阅读