吉野家 (好運中心)

吉野家牛肉饭 今晚又去帮衬沙田嘅吉野家牛肉店，例牌叫番我嘅最爱双拼鸡牛饭，每次食每次水准都保持一致，牛肉唔会有臊味，鸡扒就炸得啱啱好冇柴皮，而牛肉同埋鸡肉嘅份量以六十三个大洋嚟计都好有性价比，如果啲伴饭蔬菜再增加多啲就e支班啦！至于𠮶碗面豉汤就好一般，有少少面豉味道，一句讲晒，够咸。店舖虽然细，唔系得好多张枱，但都有播啲不吵耳嘅日本歌曲，营造出比较轻松自在环境，令我知道自己食紧日本快餐。七点钟见开始人多点餐，堂食同埋外卖都企满晒人等餐，但柜台就只得一个靓女收钱兼要照顾出餐，佢快手快脚，真系我哋香港人一贯做事作风，做嘢快靓正，抵赞！！！仲有一样抵赞嘅系餐桌清洁姨姨表现非常专业，问姨姨攞杯水，佢就亲自入柜台后边，之后亲自送来俾我，冇任何𠮶种霸气嘅表现，又经历一次非常之好食饭体验！吉野家嘅员工加油。…查看更多

好耐冇食过吉野家下午茶依家啲款式越来越多今次叫咗煎鸡乌冬，煎鸡粟米饭，面豉汤，热绿茶，加多个迷你关东煮小食$6 ，咁都比较抵食。份量正常，包一杯嘢饮或者汤其实都合理价煎鸡饭走汁就健康啲冇咁甜 细食嘅人份量系啱啱好最抵系依个迷你关东煮！！有两旧白萝卜，一个狮子狗，一个芋丝，一个好大个的腐皮卷。价钱系$6。需要套餐加配，单买要$10。依度两个餐加埋都唔使$80 ！同一般餐厅价差不多，但起码有饭落肚食得饱先。…查看更多

好耐都无来沙田做嘢，今日又到一期一会，今次拣左去吉野家食早餐。好似真系好耐都无食过吉野家，心血来潮想食个早餐🥰早餐来讲，吉野家选择算几多，重点系全部都唔过$40，相当经济实惠！之前系附近几间茶餐厅食，一个早餐起码$4x，所以经济来讲吉野家真系无得输。同埋有面、粉、饭各种热食，真系相当唔错。最后我拣左一个A17迷你牛肉饭配玉子，唔食玉子可以拣炒蛋；额外+$3要左杯冻柠檬茶、同+$6要左个关东煮🍢饭既份量唔多，但早餐来讲都O K，当然如果你胃口大小小就一定要叫多份其他野。牛肉份量都唔多，但我个重点放系D牛汁同洋葱🧅度，所以小小份量已经够晒！经过我一番DIY后，自家版迷你玉子牛肉饭诞生了：至于个个关东煮🍢，就Ok啦，$6鸡货仔；一兜已经有两块萝卜、1个芋丝同一个狮子狗。还可以啦～…查看更多

Lunch 行去买外卖，山长水远拎到返公司，食食吓，见到有条头发🤮打去舖头又唔接电话😡，6 6蚊食咗几啖，离晒谱，乜胃口都冇晒🤢，公司冇其他嘢食，去买又买唔切，够钟开工😡坚嬲…查看更多