吉野家 (慈雲山中心)

营业中

休息中

呢間吉野家縮皮就預左，估唔到相隔一年，又再刷新境界事緣今日去食佢個唔知乜野炸雞飯，拎到返屋企一開，嘩唔知邊個天才諗到用一舊炸雞，係一舊！剪開佢拎去再返炸扮幾舊究竟佢當D客係乜呢？識唔識尊重人？D雞碎返炸完硬到咬都咬唔開，真是狗也不_大年初三就費事鬧人，只能夠講句我真係恭喜你呀有個咁知慳識儉既員工下次冇咁大個頭就唔好戴咁大項帽冇雞肉又要學人出炸雞飯宜家你慳左兩舊雞，就比人連相出負評何必呢？比幾多錢賣廣告都補唔番

以前細個經常會喺呢一度買下午茶食，因為下午茶真係好抵食，唔知係咪食開咗呢一個味道，食其他牛肉飯都覺得冇呢度咁入味。隔咗一段時間之後再食牛肉飯，今次都係下午茶時段過嚟嘅，排隊嘅人呢都比較多，應該大家都係等緊呢一個時段，我自己例牌都係會食淨牛肉飯，越出越多好多唔同嘅款，但係自己都係覺得牛肉飯最出色，佢嘅牛肉好多，但係肉汁永遠都唔夠，於是呢就一定會叫佢加個牛肉汁嘅，咁樣嘅組合呢就一定夠食晒成碗飯啦，佢嘅飯係珍珠米，配埋牛肉食係Perfect嘅，而且下午茶又抵，一定會成日食。

此分店已經不是第一次，經常對外賣偷工減料，這是超特盛牛肉煎雞飯，盛惠65蚊，只有幾條又小又薄的牛肉絲。這份量連細飯的牛肉都稱不上。我看見堂食的份量明明不只這樣，這是在欺負外賣的顧客嗎？吃上去的味道只有一個咸字，難怪愈來愈冇生意。

事發17/10/23 中午環境：面積比較小，清潔方面還好，但不是特別乾淨野菜雞丼真係唔得，雞又乾又硬，很明顯係放左好耐，全部都是豆角沒有西蘭花、碎碎的椰菜花，醬汁凍哂。服務：兩個員工不想做的態度，嚴重差别對待，排我前面的人跟她說不要豆角，佢就幫佢叫。因為我個女都唔食，我就話我都唔要豆角（我有禮貌地）之后，她同我講廚房其實都唔會揀出黎。然后嗰個人黎拎，真的全部豆角揀出黎，然后豆角全給我，我仲冇西蘭花同紅蘿蔔。（相片如下）我過去同她講，她仲嬉皮笑臉話俾兩片你囉，廚房問她俾幾多，她仲話俾兩片就得(不要俾多）

好凍，啲嘢食係凍嘅，個飯係凍嘅，個環境好凍，全部應該要嘅嘢都唔熱，除咗杯熱水之外其他都係凍嘅。如果你問我早餐就應該係乜嘢，我諗我哋都會想食一啲熱嘅嘢，或者你想食凍嘢嘅話你會揀啲西餐，但係西餐都係熱嘅。我哋平時想食嘅嘢基本上你會期待佢熱嘅部份會熱，凍嘅部份會凍。但係全部嘢都係一個溫度嘅話就好接受唔到。尤其是個飯明明係邊個熱嘅，上面依家應該熱嘅，但係全部都凍嘅。出前一丁係熱嘅，因為啲水夠熱，但係其他所有咩關東煮都係凍嘅。出前一丁乜味都冇唯一嘅好處就係間舖頭好靜，朝頭早命都冇，如果你想靜靜地咁享受一個凍嘅早餐你可以過嚟

去慈雲出吉野家叫個吉列雞扒定食外賣，番到去一開，佢夠膽比舊半黑接近碳既雞扒我，一睇就知係用左萬年油炸，係咪諗住叫外賣無得換無仇報就俾舊碳人地食？堂食你夠唔夠膽咁做？已經好耐冇食吉野家，D野又貴餸又少。點知一食就俾D咁既野我，食完都唔知會唔會胃癌。要食日本野去加滕屋/町井好一百萬倍。

📍和風牛肉豚肉丼夜晚9點幾食個快飯，真係幾唔錯🫣通常黎到都係食牛肉丼或者邊爐，今次呢個丼嘅豚肉都有驚喜到我配埋個汁真係幾唔錯，啲肉唔會乾唔會老，而且叫餐後好快就有，不過可能個陣都冇乜客啦🙈

$88半放題，90分鐘，任食任添多款配料及飲品，加$28任食豚腩片或者嫩滑雞肉或者穀飼肥牛！！本身火鍋有少量蔬菜、粟米、南瓜、金菇、幾隻蝦同幾隻蜆。任食任添多分配了包括：芝士竹輪、仿蟹腳、金菇、娃娃菜、粟米、魚皮蝦餃、粟米墨魚餅多款配料，感覺上食呢啲都好化算，以$88價錢來講！加$28可食三種肉類，今次加咗穀飼牛肉。如果細食嘅人來講只係想打吓邊爐，就未必需要加$28任食一款肉類。但對於食肉獸來講，就十分化算

數數手指都好一段時間冇嚟 #吉野家 #打邊爐，今日順路過嚟買嘢，梗係要幫襯下啦。每次我都會揀同一個口味，#芝士竹輪煱 配 #濃湯，最緊要嘅當然係要配埋 #芝麻醬 啦。因為疫情嘅問題，而家每張枱都有一段距離，食得自然比較安心。雖然唔係咩貴價食材，但係每樣配料我都覺得品質唔差，#肥牛肉 唔會雪到死實實，#芝士竹輪 充滿芝士嘅味道，加埋啲 #烏冬 一齊食，我覺得好滿足呀🤩 可惜呢間分店比較舊，燈光亦比較暗，而且人手又唔多，成間店感覺上無咩生氣😅 所以我哋都快快脆脆食飽就走人lu 🤪

自我宵禁咗成個星期，真係有啲頂唔順👉🏻👈🏻 好彩仲有班好朋友間中幫 #小秘書 #心理輔導 吓，唔係咁嘅話... 長此落去，我一定會好抑鬱😭 遠嘅地方去唔到，唯有喺屋企附近搵嘢食🥢 呢排出面咁混亂，#海鮮肥牛 就一定無得諗啦，唯有退而求其次，嚟到 吉野家 試吓佢哋新出嘅 #美人鍋🙌🏻 #小秘書 每次睇到啲海報相，都會喺心裡面 打個折扣先，咁起碼見到 #食物真身🤪 我都唔會太失望吖🤪 #料事如神 嘅我，第一眼見到啲食物材料真係覺得有啲削，#蠔肉 似乎有啲縮水、啲 #肥牛 又無相中咁鮮紅😅 氣弱游絲嘅火種，都花咗一段時間先煮滾個湯底🤪 不過冇問題嘅，反正我哋大把時間🤣 平時食開 #竹輪鍋 嘅我，呢次居然比果三隻發育不健全嘅 #廣島蠔 誘惑咗😅外貌麻麻地嘅佢，原來都幾鮮味😋 不過火鍋裡面嘅 #芝士腸 同 #魚蛋卷 就好一般喇！尤其係 #魚蛋卷，感覺有啲膠同口感太硬，不過撈埋啲啲 #麻醬 x #讚岐烏冬一齊食😋 熱辣辣... 好有家嘅感覺呀😚

事情又要追溯回到上星期日的晚上，當日晚上我坐巴士前往尖沙咀食晚飯，卻不幸遇上交通擠塞，結果花了很長時間才能去到尖沙咀，卻食了一餐味道差強人意，兼且浪費我金錢的偽「鐵板」牛肉飯晚飯。當日我浪費大量時間坐車，之後我坐車返回回到西貢墟，電視機裡面係頻道，已經正在播映我平日都會看的韓國綜藝節目「Running Man」，我以為我已經錯過了看「Running Man」的開場。我一向都是只看完整版本的人，所以去到星期四，我執意一定要在星期四下午，「Running Man」開始重播的時候，看到原本看不到的完整「Running Man」。怎料我星期四陪伴老豆去觀塘覆診，結果又錯過了星期四下午重播的機會。我本來想乘着電視臺，在星期五凌晨最後一次重播的機會，很可惜我的手提電話裡面的鬧鐘不爭氣，遲遲未能及時喚醒我起床，觀看電視最後一次重播。恰巧我家裡面的電視機，又沒有購買某電視臺指定的收費網絡電視盒子，所以我只能懇求一些家裡面還有申請使用收費網絡電視盒子的親戚，例如阿姨給我機會觀看重播「Running Man」。於是我徵求到阿姨的同意之後，一個人坐車上慈雲山的「慈正邨」，去到阿姨的家裡面收看，收費網絡電視盒

今日去咗吉野家嘆一嘆個早餐先返工叫咗一個雞扒炒蛋丹麥多士再加個烏冬從張相可以睇得出雞扒嘅份量好少炒蛋都算嫩滑烏冬份量亦都相對地少 食完成個餐都只係啱啱好 不過三十幾蚊嚟講 都算係咁

晏晝兩點半，就到下午茶時間😁吉野家可以話係我嘅飯堂🤣細牛肉飯餐只需要25蚊，仲可以加兩蚊轉飲凍或熱既奶茶咖啡！ 呢間吉野家下午茶份量都幾大，牛肉夠多，而且珍珠米飯粒軟綿，加牛汁同七味粉食一流，抵食又好食！！

午飯時間，經過慈雲山中心，看見吉野家又有新的作品，於是一試。餐廳位於慈雲山中心，午飯時間會有很多學生，應該避免這個時間過來。店內座位不算十分多，但冷氣充足，亦有箱子擺放物品，非常貼心。新產品包括蘑菇煎雞扒飯，蘑菇牛肉飯，蘑菇三文魚飯，以及蘑菇牛肉三文魚飯。今次貪心一點，試了蘑菇牛肉三文魚飯。蘑菇汁非常濃厚，但與牛肉和三文魚比較不夾，分別來吃的話，非常好吃，但加起一來，有一點奇怪。但整體來說，吉野家有新產品，值得一試。

天氣雖然有啲回暖嘅跡象🌤 但係 #小秘書 對 #火鍋 嘅❤️係唔會變㗎🤣 今晚我哋繼續 #草根🌻 又再嚟到 香港吉野家 Yoshinoya Hong Kong 整個 #芝士竹輪火鍋 做晚餐🤗 #芝士竹輪 係啲咩？咪就係 #火鍋 面上 #肥嘟嘟 嘅 #獅子狗 囉👀 裡面藏滿芝士醬，一啖一口咬落去啲醬就會跟住爆出嚟... 正到呢😋！不過今晚仲有另一個驚喜，#吉野家會員 加$5就可以換到五隻 #青口 加料🤩 就因為啲 #青口 實在太平，我都有啲擔心衛生問題，所以擺到最後先敢落鍋😝 不過呢個擔心好快就比 #青口 嘅鮮味帶走，我哋最後仲飲埋 #青口殻 上嘅湯汁嚟做總結🤤 哈哈 連食相都要草根到底... 正呀喂！