影片
一大班人有d话想食火锅，有d想食饭，所以去左吉野家。个火锅套餐都几多野食，牛肉有肥有瘦，一d都唔靱。个汤底好够味，浸d乌冬落去简直一流，好入味。个芝麻酱好香，更加可以带去d野食嘅味道。另外，个和风牛肉饭都唔错，牛肉好淋，唔肥腻，好够味，牛肉汁捞饭仲更加好食。
继续阅读
咁多间连锁快餐店既火锅之中,我最爱就系吉野家.原因好简单,佢啲牛好食同埋个芝麻酱一流,所以成日都会黎帮衬.呢晚经开又前往食下,但令人失望.....个汤一向都知要等好耐先滚...今次等左差唔多15分钟....隔离枱都食完走左啦....今次啲牛肉完全没有解冻，全部黏在一起.....搞到我要将全部一次过放落锅内......乌冬就依然咁正,放左入浓汤浸一阵已经好入味好弹牙!
继续阅读
第一次光顾吉野家好像系10年前，今日来到屯门戏院睇下有咩电影睇见到隔离有间吉野家就入咗去睇餐牌后就点了咖哩牛肉菜饭配日本茶，今日可能系星期六人客比较多所以选购食物前已去霸定位，睇见份餐卖相都几好而食落就觉得味道算可以，而咖哩汁带小小辣，牛肉就系肥牛，这个价钱也可以接受，而这里环境卫生及服务员嘅礼貌都几好。
继续阅读
今个月有张coupon系买2客下午茶,第2客享半价优惠,好抵~ 点知去到付款果阵,职员话 呢张coupon唔可以用于新推出的食品, 但之前明明无咁o既rule 架㖞,所以都话俾个职员听….可能佢做得耐,睇佢个样都话得下事…唉..算啦,唔同佢嘈喇,但之前明明有试过向呢间分店的其他职员买新推出的套餐都可以同呢款coupon的… 唯有照正价买黎食吧…粟米鸡扒挂乌冬(配日本茶) $22虽然食得出粟米汁系来自罐头汤,但整体的味道仍是不错的,共4切件的鸡扒,乌冬相当爽滑~口感一致!日本茶100%热~
继续阅读
见到吉野家出左个芝士锅，谂住贪新鲜试下，但有少少失望一开个煲，就见到有4只青口，比我预期多，但本身都唔系好钟意食青口，所以冇乜特别跟住就食左啲娃娃菜个啲，都冇乜特别个汤底虽然话就话系泡菜汤，但其实啲所谓既泡菜汤系睇唔到有完整既泡菜，得啲碎，冇乜惊喜去到重头戏，就系食个面，泡完面，加芝士碎，但食落口冇乜芝士味惟一要赞既系个年糕，煮左好耐都冇溶到，食落去觉得好软，不过食落去都冇乜泡菜汤味惟一要讲既系牛加seasame酱好好味service方面,d员工都ok,会主动问你驶唔驶加汤底总括而言，呢个锅要$62.9,但唔值呢个价，如果贪新鲜既可以试下
继续阅读