影片
今日晏昼喺中环食lunch，成个IFC mall要又平又快又抵就只系得几间拣，吉野家就系其中之一喇。佢嘅位置喺正出闸机出面，佢间餐厅就只有外卖冇得堂食，而且一律用八达通俾钱，所以成个买外卖嘅流程都好快、好方便。我就order咗佢嘅牛肉温泉玉子饭，仲送可乐或者绿茶。佢啲牛肉汁就出晒名香㗎喇，的牛肉都算唔错，以50蚊嘅价钱算系中上。最重要系佢送埋嘢饮，咁就可以食到个又平又快又抵嘅lunch啦，very good!
继续阅读
今日lunch time个会开到好晏，开完已经差唔多1:15pm, 好彩大少都忙，佢等埋我食饭。我哋快快脆脆去咗吉野家。我叫咗个细嘅和风牛肉饭，大少就叫咗个咖喱牛肉饭。虽然系快餐一个，今次写食评，纯粹系想记下我同大少嘅快乐回忆。
继续阅读
吉野家系一间好食而且唔会食厌既餐厅下午茶餐好抵食 仲可以拣食乌冬/米粉个米粉好正正 食落系爽口下午茶好多set选择 份量正好fit到我唔会大盒到食唔晒兼浪费(午餐的份量每次也吃剩)
继续阅读
由于赶时间，就一出港铁站揾野食，谂住食个快饭。二话不说叫了温泉玉子牛肉饭，只蛋卖相都几靓仔，蛋白里透黄，用黎捞饭真系几适合，蛋黄系流心既，混合埋牛肉汁系几有味道，口感滑身之外，配合蛋白既半透明状态系呢碗饭既卖点。而牛肉系肥牛，脂肪都唔算多，牛肉份量唔少，肉身唔算鞋，但系无咩惊喜，只系配牛肉汁送饭。另外附送碗面鼔汤，明显系冲剂，诚意欠缺，得一块海带，有待改善。
继续阅读
每次经过香港站都会闻到一浸好香嘅牛肉味，令到人哋好肚饿，今次经过香港站出闸，饭瘾起就去到呢一间吉野家。因为我同我同事都未食饭所以我就帮佢买埋，行到去个counter度，我话要两个牛肉饭餐饮百事light ，另外要加牛肉汁。一边开手机WhatsApp，一边留意下个铺面其实都几干净，同埋所有员工做嘢都好快手快脚～果然好适合去中环呢个地方度生存。一分钟都唔使佢哋就执好晒俾我，然后我有呢一间吉野家行返公司需要十分钟时间，返到去公司马上开来食，都仲系好热，牛肉好正好正好惹味，我真系觉得吉野家嘅牛肉同出面嘅真系好唔同，纵使出面都有一啲同类型嘅日式牛肉饭，感觉始终都唔够吉野家好，吉野家牛肉嘅级数都好高级！同埋个汁亦都系出边嘅餐厅模仿唔到。我记得我想一次去日本旅行我都好想食日本嘅吉野家不过冇机会食！我真系好感恩呢个世界上有吉野家呢一种连锁餐厅！
继续阅读